ती गोष्ट लपवली…रिसॉर्टमध्ये नेत जबरदस्ती, मग धर्मांतरणासाठी…टीसीएसमधील पीडितेची आपबित्ती, अंगावर काटाच येईल

Nashik IT Company Molestation Case: नाशिक येथील टीसीएस कंपनीच्या कार्यालयात मोठे कांड झाले. धर्मांतरण आणि लैंगिक शोषणाचा मोठा आरोप झाला. याप्रकरणात अनेक धक्कादायक खुलासे होत आहे. एका पीडितेने पोलिसांना तिची आपबित्ती सांगितली. तिच्या मते, आरोपीने त्याचे लग्न झाले आहे ही गोष्ट लपवली. त्याने रिसॉर्टवर जाऊन तिच्याशी जबरदस्ती केली. तिचे लैंगिक शोषण केले. त्यानंतर धर्मांतरणासाठी तिच्यावर सातत्याने दबाव आणला. पीडितांनी पोलिसांकडे तक्रार दिली आहे. त्यात अनेक नवनवीन खुलासे समोर येत आहे. एका कॉर्पोरेट कंपनीत इतका गंभीर प्रकार होत असताना वरिष्ठ झोपले होते का? असा सवाल विचारल्या जात आहे.

कॉलेजमध्ये झाली ओळख

पीडितेने केलेल्या खुलाश्यानुसार, ती चार वर्षांपूर्वी या आरोपींपैकी एकाच्या संपर्कात आली होती. ती तेव्हा कॉलेजमध्ये शिकत होती. तेव्हा आरोपींशी तिची ओळख झाली. एजन्सीनुसार, आरोपीने पदवीनंतर टीसीएसमध्ये नोकरी विषयी तिच्यासी चर्चा केली होती. जुलै 2022 मध्ये त्याने पीडितेसोबत जबरदस्ती करण्याचा प्रयत्न केला. तो अगोदरच विवाहित होता. पण त्याने ही गोष्ट लपवली. त्याने पीडितेला लग्नाचे आमिष दाखवत अत्याचार केला.

पीडितेला टीसीएस कंपनीत नोकरी मिळाली. आरोपीही तिथेच नोकरीला होता. ऑगस्ट 2024 मध्ये आरोपी तिला एका रिसॉर्टमध्ये घेऊन गेला. त्याने तिथे तिच्याशी जबरदस्ती केली. तिचे लैंगिक शोषण केले. फेब्रुवारी 2026 मध्ये आरोपीचे लग्न झालेले आहे हे तिला कळले. त्याला दोन मुलं असल्याची माहिती मिळाली. आरोपीच्या पत्नीनेच पीडितेशी संपर्क करून ही माहिती दिली.

देवी-देवतांविषयी अवमानकारक वक्तव्य

पीडिता आणि आरोपी हे कंपनीच्या कॅन्टिनमध्ये जात. तेव्हा त्याचे मित्रही तिथे येते. हे तिघेही हिंदू देवी-देवतांविषयी अत्यंत अश्लाघ्य भाषेत टिप्पणी करायचे. हिंदू धर्माची खिल्ली उडवायचे. तसेच त्यांच्या धर्माविषयी माहिती द्यायचे. तिच्यावर धर्मांतरणासाठी हे तिघेही दबाव टाकत असल्याचा दावा पीडितेने केला आहे. तर पीडितेने जेव्हा आरोपीला त्याच्या पत्नीचा फोन आल्याची माहिती दिली, तेव्हा त्याने तुझ्याशी लग्न करण्याचा इरादाच नसल्याचे सांगितले. तर इतर आरोपी हे तिला त्याच्याशी संबंधावर लैंगिक छळ करत होते. तसेच तिला ब्लॅकमेल करत असल्याची आपबित्ती तिने सांगितली.

निदा खान सापडणार कधी?

तर या प्रकरणात मुलींना जाळ्यात ओढणारी आणि धर्मांतरणासाठी दबाव टाकणारी मास्टरमाईंड निदा खान अजूनही पोलिसांच्या हाती लागलेली नाही. ती भिवंडीत तर कधी ठाण्यात अशी लोकेशन बदलवत आहे. त्याचवेळी तिने अटकपूर्व जामीनासाठी अर्ज केला आहे. तिच्या जामीनावर सोमवारी सुनावणी होईल. ती दोन महिन्यांची गरोदर असल्याचा दावा करण्यात येत आहे. त्याची शहानिशा पोलीस करत आहे. अटकेपासून वाचण्यासाठी तिने हा बनाव केल्याचाही दावा करण्यात येत आहे. ती दहशतवाद्यांच्या स्लीपर सेलची सदस्य तर नाही ना? या दिशेने तपासाची चक्र फिरत असल्याचे समजते.