Vidyanand Bapat: विद्यानंद बापटला कॅमेऱ्यासमोर हाणलं, प्रशांत जगताप भडकले, पुण्यामध्ये भाजपची दादागिरी…
Prashant Jagtap On Vidyanand Pune: विद्यानंद बापट हे tv9 मराठीशी बोलत असताना एका तरुणाने त्यांना झापड मारली, आता या प्रकरणावर काँग्रेस नेते प्रशांत जगताप यांनी आपली प्रतिक्रिया दिली आहे.
Vidyanand Bapat Pune: गणेशोत्सव काळात पुण्यात डीजे बंदी आणि ध्वनीप्रदुषणावरुन सध्या जोरदार राडा सुरु आहे. या सगळ्या दरम्यान एका व्यक्तीची जोरदार चर्चा होत होती ती म्हणजे विद्यानंद बापट. सोशल मीडियावर त्यांच्या मराठीवरील प्रभुत्वाचे कौतुक होत आहे. या दरम्यान tv9 मराठीशी विद्यानंद बापट बोलत असताना एका तरुणाने थेट त्यांना झापड मारली आहे. पुण्यातील टिळक रोड परिसरात ही घटना घडली आहे. आता यावर काँग्रेस नेते प्रशांत जगताप यांनी आपली प्रतिक्रिया दिली आहे.
नेमकं काय घडलं?
विद्यानंद बापट हे टीव्ही ९ मराठीशी बोलत होते, गणेशोत्सवातील डीजेबाबत स्वत:ची भूमिका ते स्पष्टपणे मांडत होते. त्यावेळी एक तरुण अचानक आला आणि त्याने विद्यानंद बापट जोरात झापड मारली, त्यानंतर काही जण आले आणि त्यांनी तरुणाला मागे केले आणि त्याला रोखले, नंतर लगेचच पोलिसांकडे विद्यानंद बापट यांनी या प्रकरणासंदर्भात तक्रारही नोंदवली. संपूर्ण घटना कॅमेरामध्ये कैद झाली. त्यानंतर विद्यानंद बापट यांनी घडलेल्या घटनेवर देखील प्रतिक्रिया दिली.
