Nitin Gadkari : सुशिक्षित भागांपेक्षा मला रेड लाईट एरियातून..निवडणुकीसंदर्भात नितीन गडकरी यांच्या वक्तव्याची सर्वत्र चर्चा

गजानन उमाटे, प्रतिनिधी : केंद्रीय मंत्री नितीन गडकरी आपल्या बेधडक वक्तव्यांसाठी ओळखले जातात. नागपुरातील एका कार्यक्रमात बोलताना त्यांनी निवडणुकीतील मतदानाबाबत केलेल्या वक्तव्याची सध्या सर्वत्र चर्चा सुरू आहे. केंद्रीत मंत्री नितीन गडकरी यांना निवडणुकीत सुशिक्षित भागांपेक्षा क्रिमिनल, अंडरवर्ल्ड आणि रेड लाईट एरियातून अधिक मतदान झालं असं वक्तव्य केलं. सुशिक्षित लोकांनी 70 ते 75 टक्के, तर क्रिमिनल आणि अंडरवर्ल्डशी संबंधित भागात तब्बल 92 टक्के मतं मिळाल्याचं त्यांनी सांगितलं. मात्र,याचा अर्थ संबंधित लोकांशी आपले संबंध आहेत किंवा त्यांच्या कामाला आपण समर्थन देतो, असा अर्थ काढू नये, असंही गडकरी यांनी स्पष्ट केले. या भागांमध्ये आपण रस्ते आणि सामाजिक कामे केल्यामुळे तेथील लोकांनी आपल्याला मतदान केले, असं त्यांनी सांगितलं. गडकरींच्या या वक्तव्यामुळे राजकीय वर्तुळात चर्चेला उधाण आले आहे.

“जात, पंथ, धर्म, भाषा यांच्यापलीकडे गेलं पाहिजे, तर लोकशाहीत बदल होईल. मी या सगळ्यातून गेलो आहे. मी राजकारणात सर्व केलय चांगलं आणि वाईट. सर्वांसोबत माझे संबंध आहेत. मी विचारधारा मानतो. पण नागपुरात 99 टक्के अंडरवर्ल्ड सपोर्टर आहे” असं नितीन गडकरी म्हणाले. “याचा अर्थ मी त्यांच्या कामाला पाठिंबा देत नाही. मोठमोठ्या सुशिक्षित भागात मला 70 ते 75 टक्के मतं मिळाली. पण क्रिमिनल आणि अंडरवर्ल्डशी संबंधित भागात तब्बल 92 टक्के मतं मिळाली” असा दावा नितीन गडकरी यांनी केला.

हे शंभर रुपये कमावतात, पण..

“लोकशाही आणि लोकशाही मुल्याबाबात जागरुकता असणं गरजेच आहे. लोकशाहीमध्ये माझ्ये मते विश्वसनीयतेचा विजय होतो” असं नितीन गडकरी म्हणाले. “हे प्रभाकरन पैसा कमावतात. कॉस्टिक, फायदा मला कळतो. पण मी यांना पाठिंबा यासाठी देतो कारण, आर्थिक विकासाबरोबर त्यांना सामाजिक जबाबदारी तितकीच समजते. हे शंभर रुपये कमावतात. अन्य लोक 100 रुपये कमावून पण 10 पैसे समाजासाठी देत नाहीत. प्रभाकरन 100 रुपयांपैकी 25 रुपये पॉलिटिकल कॉलेज उघडतायत आणि अन्य सामाजिक कार्यासाठी खर्च करतायत” असं नितीन गडकरी यांनी सांगितलं.