परभणी : केंद्र सरकारने लादलेल्या पेट्रोल-डिझेल दरवाढीचा आज गंगाखेड काँग्रेसकडून जोरदार निषेध नोंदवण्यात आला. ही दरवाढ रद्द करण्याच्या मागणीसाठी कॉंग्रेसचे स्थानिक नेते – कार्यकर्ते बैलगाडी आणि सायकलवरून तहसील कार्यालयात दाखल झाले. यावेळी दरवाढीच्या निषेथार्थ जोरदार घोषणाबाजी करण्यात आली. (Congress protest against petrol, diesel price hike, Leaders visits tehsil office in bullock carts and bicycles)
आंतरराष्ट्रीय बाजारात कच्च्या तेलाच्या किंमती कमी झालेल्या आहेत. असे असतानाही केंद्र सरकार इंधनावरील अधिभार कमी करायला तयार नाही. ही सर्वसामान्य नागरिकांची लूट असून सामान्यांच्या खिशावरील दरोडाच असल्याची खरमरीत टिका यावेळी करण्यात आली. ही दरवाढ तात्काळ न रोखल्यास आगामी काळात कॉंग्रेसच्या वतीने मोठे आंदोलन छेडण्याचा इशारा यावेळी देण्यात आला.
कॉंग्रेसचे ज्येष्ठ नेते, माजी सभापती बाळकाका चौधरी, जिल्हा ऊपाध्यक्ष ॲड. संतोष मुंडे, संयोजक – तालुकाध्यक्ष गोविंद यादव, शहराध्यक्ष शेख युनूस, न. प. सदस्य नितीन चौधरी, महिला प्रदेश सदस्या प्रा. शुभांगी शिसोदिया, युवक जिल्हाध्यक्ष प्रणित खजे, महिला तालुकाध्यक्षा प्रा. जयश्री पछाडे, अल्पसंख्यक सेलचे मराठवाडा ऊपाध्यक्ष मुशरफ खान, सेवा दलाचे तालुकाध्यक्ष रोहिदास घोबाळे, युवकचे सरचिटणीस, माजी सरपंच सिद्धार्थ भालेराव, गोपीनाथराव भोसले, सुशांत चौधरी, साहेबराव चौधरी, आदित्य चौधरी, युवक शहराध्यक्ष नागेश डमरे, भांबारवाडीचे सरपंच गोविंदराव भांबरे, कांताबाई कुरूडे, रंजनाबाई भालेराव, गोविंद शिंदे, नरेंद्र मस्के, रमेश मुंडे, नामदेव चव्हाण, अभिजीत चौधरी, प्रथम यादव आदिंसह बहुसंख्य पदाधिकारी, कार्यकर्ते या आंदोलनात सहभागी झाले होते.
बैलगाड्या आणि सायकलवरून स्थानिक नेते मंडळी तहसील कार्यालयात दाखल झाले. बैलगाड्या आणि सायकलींच्या पुढे हलगी – पिपाणीचे पारंपरिक वादक सहभागी करण्यात आले होते. हलगीच्या कडकडाटासह पिपाणीचा सूर शहरवासीयांचे लक्ष वेधून घेत होते.
हातात बंदूक घेऊन व्हॉट्सअॅप स्टेटसमध्ये व्हिडीओ, कोल्हापुरात तिघांना अटक https://t.co/BK2ml2Vvor #Kolhapur | #Ichalkaranji | #WhatsAppStatus | #Video | #Gun | #CrimeNews
— TV9 Marathi (@TV9Marathi) July 19, 2021
इतर बातम्या
फडणवीसांच्या काळात महाराष्ट्रात पेगासस कांड घडले का याची चौकशी करा; सचिन सावंत यांची मागणी
(Congress protest against petrol, diesel price hike, Leaders visits tehsil office in bullock carts and bicycles)