रावसाहेब दानवेंच्या जनसंपर्क कार्यालयाची बेकायदेशीर झडती, दोन फौजदारांसह तीन पोलिसांचं तडकाफडकी निलंबन
केंद्रीय मंत्री रावसाहेब दानवे (Raosaheb Danve) यांच्या जाफराबाद येथील जनसंपर्क कार्यालयाची बेकायदेशीरपणे झडती घेणं तीन पोलिसांना भोवलं आहे.
जालना: केंद्रीय मंत्री रावसाहेब दानवे (Raosaheb Danve) यांच्या जाफराबाद येथील जनसंपर्क कार्यालयाची बेकायदेशीरपणे झडती घेणं दोन फौजदार आणि तीन पोलिसांना भोवलं आहे. जाफराबाद ठाण्यातील दोन पोलीस उपनिरीक्षक आणि तीन कर्मचाऱ्यांना पोलीस अधीक्षक विनायक देशमुख यांनी आज तडकाफडकी निलंबित केले आहे. (Jalna SP Vinayak Deshmukh suspend three police for investigation at public relation office of Raosahaeb Danve)
तीन पोलिसांचं निलंबन
पोलीस उपनिरीक्षक नितीन खुशालसिंग काकरवाल सह उपनिरीक्षक युवराज सुभाष पोठरे आणि तीन पोलीस कॉन्स्टेबल अशा पोलीस कर्मचाऱ्यांचं निलंबन करण्यात आलं आहे. पोलीस उपनिरीक्षक नितीन खुशालसिंग काकरवाल, पोलीस उपनिरीक्षक युवराज सुभाष पोठरे आणि पोलीस हेड कॉन्स्टेबल मंगलसिंग सोळंके, पोलीस कॉन्स्टेबल सचिन तिडके, पोलीस कॉन्स्टेबल शाबान जलाल तडवी यांचं निलंबन करण्यात आलं आहे
नेमकं प्रकरण काय?
पोलीस उपनिरीक्षक नितीन खुशालसिंग काकरवाल, पोलीस उपनिरीक्षक युवराज सुभाष पोठरे आणि पोलीस हेड कॉन्स्टेबल मंगलसिंग सोळंके यांनी 11 जून 2021 रोजी पोलीस स्टेशनला गुन्हा दाखल नसताना आणि कायदेशीर प्रक्रियेचा अवलंब केलेला नसताना एका राजकीय पक्षाच्या जनसंपर्क कार्यालय येथे प्रवेश करुन कायदेशीर अधिकार नसताना कार्यालयाची झाडाझडती घेऊन शोध घेतला. अशाप्रकारे पोलीस खात्याची जनमानसात प्रतिमा मलीन होण्यास कारणीभूत ठरल्याचा ठपका तीन पोलिसांवर ठेवण्यात आला आहे. कायद्याचेव परिपूर्ण ज्ञान असताना देखील कर्तव्यात बेकायदेशीर व अत्यंत बेशिस्तपणाचे वर्तन केले आहे, असं वरिष्ठ अधिकाऱ्यांनी केलेल्या चौकशीत निष्पन्न झालं आहे. त्यामुळे तीन पोलिसांचं निलंबन करण्यात आलं.
गिफ्ट द्यायच्या बहाण्याने घरी बोलावलं, नंतर मुलावरच झाडल्या तीन गोळ्या, निवृत्त पोलीस अधिकाऱ्याच्या कृत्याने नवी मुंबई हादरलीhttps://t.co/FDy5CALA9c#NaviMumbai | #Crime | #NewsUpdate
— TV9 Marathi (@TV9Marathi) June 14, 2021
संबंधित बातम्या:
‘दोन्ही राजे एकत्र आले त्याचं स्वागत, पण त्यांचं बोलणं भाजपच्या मिठाला जागल्यासारखं’, शिवसेनेचा टोला
(Jalna SP Vinayak Deshmukh suspend three police for investigation at public relation office of Raosahaeb Danve)