रतन टाटा यांच्यासोबत सावलीसारखा असणारा पुणेकर शांतनू नायडू आहे कोण?

Shantanu naidu And Ratan tata

Image Credit source: tv9 Marathi

पुणे : देशातील प्रसिद्ध उद्योगपती रतन टाटा. आपल्या उद्योगाबरोबर सामजिक कार्यामुळे प्रसिद्ध आहे. टाटा ग्रुपचा वाटा अनेक सामाजिक क्षेत्रातही आहे. रतन टाटा यांच्यासोबत एक मुलगा अनेकदा दिसतो. अगदी रतन टाटा यांचा सावलीसारखा तो सोबत असतो. मुळचा पुणेकर असणारा या मुलाचे नाव आहे शांतनू नायडू. वय वर्ष फक्त ३० अन् रतन टाटा याचा वैयक्तीक सहायक. शांतनू हा फक्त रतन टाटा यांचा कर्मचारी नाही तर त्यांचा व्यवसाय अन् गुंतवणूकही पाहतो. रतन टाटाही त्याला आपला मुलगा समजतात.

कोण आहे शांतनू

शांतनू नायडू हा अभियंता आहे. तो लेखकसुद्धा आहे. शांतनू याने अमेरिकेतील कॉर्नेल विद्यापीठातून एमबीएचे शिक्षण घेतले आहे. त्याचा जन्म १९९३ मध्ये पुणे येथे झाला. टाटा समूहात काम करणारी तो पाचव्या पिढीचा प्रतिनिधी आहे. त्याच्या कुटुंबातील चार पिढ्यांनी टाटा ग्रुपमध्ये काम केले आहे.

कशी झाली रतन टाटा यांच्यांशी ओळख

शांतनू याने अमेरिकेतून पदवी घेऊन २०१८ मध्ये परत भारत गाठले. एकदा शांतनू नायडू आपल्या एनजीओच्या माध्यमातून भटक्या कुत्र्यांसाठी काम करत होता. त्याच्याकडे निधीची कमतरता होती. मग त्याने रतन टाटा यांना पत्र लिहिले. त्याचे पत्र वाचल्यावर रतन टाटा यांनी त्याला भेटण्याचा निर्णय घेतला. मग रतन टाटा त्याच्या बोलण्याने चांगलेच प्रभावित झालेत. त्यांनी शांतनूला टाटा ट्रस्टच्या चेअरमन ऑफिसमध्ये डेप्युटी जनरल मॅनेजर म्हणून रुजू करुन घेतले.

शांतनू यांची आहे कंपनी

शांतनू नायडू याची गुडफेलोज ही कंपनी आहे. या कंपनीचा संस्थापक आहे. ज्येष्ठ नागरिकांना सुविधा मिळवून देण्यासाठी ही कंपनी कार्यरत असते. या कंपनीचे मूल्य पाच कोटीपेक्षा जास्त आहे. यामध्ये रतन टाटा यांनीही गुंतवणूक केली आहे.

शांतून याचा पगार किती

शांतनू नायडू याचा महिन्याचा पगार सात लाख रुपये आहे. त्याची एकूण संपत्ती ६ कोटी आहे. २०१८ पासून तो रतन टाटा यांच्यासोबत काम करत आहे.