पिंपरी-चिंचवडमध्ये सेक्स रॅकेटचा पर्दाफाश, 16 नायजेरियन तरुणी ताब्यात

वेश्या व्यवसाय करणाऱ्या 16 नायजेरियन तरुणींना सामाजिक सुरक्षा पथकानं सापळा रचून ताब्यात घेतलं आहे. 4 महिला या तरुणींचा ग्राहकांना पुरवठा करत असल्याची धक्कादायक बाब समोर आली आहे.

TV9 मराठी डिजीटल टीम | Edited By: Anish Bendre | Updated on: Jul 12, 2021 | 10:49 AM

पिंपरी-चिंचवड : शहरातील पिंपळे गुरव परिसरात मोठ्या सेक्स रॅकेटचा पर्दाफाश झाला आहे. या भागातून वेश्या व्यवसाय करणाऱ्या 16 नायजेरियन तरुणींना सामाजिक सुरक्षा पथकानं सापळा रचून ताब्यात घेतलं आहे. 4 महिला या तरुणींचा ग्राहकांना पुरवठा करत असल्याची धक्कादायक बाब समोर आली आहे. या कारवाईबाबत सहाय्यक पोलिस आयुक्त प्रेरणा कट्टे यांनी माहिती दिली आहे. संबंधित महिला आणि तरुणींविरोधात गुन्हा दाखल करण्याचं काम सुरु आहे.(Sex racket in Pimpri-Chinchwad, 16 Nigerian girls in police custody)

सहाय्यक पोलीस आयुक्त प्रेरणा कट्टे यांच्या मार्गदर्शनाखाली पोलीस निरीक्षक विठल कुबडे ,सहय्य्क पोलिस निरीक्षक निलेश वाघमारे आणि सहकारी यांनी हि कारवाई केली आहे.

हिंजवडीत ऑनलाईन सेक्स रॅकेट उघड

चार दिवसांपूर्वीच हिंजवडी परिसरातही एक ऑनलाईन सेक्स रॅकेट समोर आलं होतं. ऑनलाईन माधम्यातून ग्राहकांचा शोध घेऊन वेश्या व्यवसाय करवून घेणाऱ्या टोळीचा हिंजवडी पोलिसांनी पर्दाफाश केला होता. या कारवाईत पोलिसांनी 13 तरुणींची सुटका केली होती, तर एकाला अटक केली होती. या गुन्ह्यातील आरोपी एका वेबसाईटच्या माध्यमातून वेश्या व्यवसायासाठी फोन क्रमांक ग्राहकांना पुरवत होते. ग्राहकांनी संपर्क केल्यानंतर त्यांना मुलींचे फोटो पाठवले जात. त्यातून ग्राहकाने मुलगी निवडल्यानंतर त्यांना पाहिज्या त्या ठिकाणी मुलीला पाठवलं जात होतं. त्या बदल्यात संबंधित ग्राहकाकडून तब्बल 8 ते 20 हजार रुपयांपर्यंतची रक्कम घेतली जात होती. या सेक्स रॅकेटची माहिती हिंजवडी पोलिसांना मिळाल्यानंतर सोशल मीडियाचा वापर करुन बनावट ग्राहक आरोपीकडे पाठवण्यात आले. त्यातून पोलिसांनी 13 तरुणींची सुटका करत एकाला अटक केली आहे. आरोपीकडून एक मोटार आणि मोबाईल फोन असा एकूण 4 लाख 10 हजारांचा मुद्देमाल जप्त केला.

3 लॉजवर छापा, 8 अटकेत

पिंपरीमधीलच धावडे वस्ती इथल्या 3 लॉजवर छापा टाकून पोलिसांनी 8 जणांना डिसेंबरमध्ये अटक केली होती. या लॉजवर वेश्या व्यवसाय सुरु होता. महिलांना पैशाचं आमिष दाखवून या लॉजवर वेश्या व्यवसाय सुरु असल्याचं पोलीस तपासात समोर आलं आहे.

संबंधित बातम्या :