Santosh Deshmukh murder case : वाल्मिक कराडला मोठा धक्का, थेट सुप्रीम कोर्टातून आली मोठी बातमी, आता…

बीड जिल्ह्यातल्या मस्साजोग गावचे सरपंच संतोष देशमुख यांची हत्या करण्यात आली, या हत्याकांडामुळे संपूर्ण राज्यात मोठी खळबळ उडाली होती. राज्यभरात संतापाची लाट उसळली. त्यानंतर या प्रकरणातील आरोपींना पोलिसांनी अटक केली. संतोष देशमुख यांच्या हत्या प्रकरणात वाल्मिक कराड सध्या जेलमध्ये आहे. त्याच्या अडचणी आता वाढल्या आहेत. सुप्रीम कोर्टातून एक मोठी बातमी समोर आली आहे. ती म्हणजे संतोष देशमुख खून प्रकरणातील मुख्य सूत्रधार वाल्मीक कराडचा जामीन अर्ज आता सुप्रीम कोर्टाने देखील फेटाळला आहे. वाल्मिक कराडने आधी जामिनासाठी हाय कोर्टात अर्ज केला होता, हाय कोर्टाने त्याचा जामीन अर्ज फेटाळून लावल्यानंतर त्याने जामीनासाठी थेट सुप्रीम कोर्टात अर्ज केला. मात्र सुप्रीम कोर्टान देखील त्याला मोठा दणका दिला आहे. सुप्रीम कोर्टाने त्याचा जामीन अर्ज फेटाळून लावला आहे.

जेलमधला मुक्काम वाढला 

संतोष देशमुख हत्याकांड प्रकरणात सध्या वाल्मिक कराड हा जेलमध्ये आहे. दरम्यान त्याने जामिनासाठी आधी हाय कोर्टात अर्ज केला होता, मात्र हाय कोर्टाने त्याचा जामीन अर्ज फेटाळून लावला त्यानंतर त्याने सुप्रीम कोर्टात जामिनासाठी अर्ज केला, परंतु सुप्रीम कोर्टाने देखील त्याचा जामीन अर्ज फेटाळून लावला आहे. आता त्याला पुढील एक वर्ष जामीन अर्ज करता येणार नाही, त्यामुळे त्याला एक वर्ष जेलमध्येच राहवं लागणार आहे, त्याला एक वर्षानंतर आता जामिनासाठी अर्ज करण्याची मुभा सुप्रीम कोर्टाकडून देण्यात आली आहे.

दरम्यान दुसरीकडे वाल्मिक कराड याच्या मुलाने सोशल मीडियावर एक पोस्ट केली आहे, ही पोस्ट प्रचंड व्हायरल झाली आहे. या पोस्टमुळे चर्चेला उधाण आलं आहे.  ‘आता मात्र सर्वांसमोर सर्व काही बोलणार ‘ असं त्याने आपल्या पोस्टमध्ये म्हटलं आहे. त्यामुळे सुशील कराड नेमकं काय सांगणार आहे? काही गौप्यस्फोट करणार आहे का? असा प्रश्न उपस्थित होत आहे. तर दुसरीकडे वाल्मिक कराड याच्या अडचणीमध्ये वाढ झाली आहे.