मोठी बातमी! वाल्मिक कराडच्या मुलाची खळबळ उडवून देणारी पोस्ट, गूढ वाढलं…

बीड जिल्ह्यातल्या मस्साजोग गावचे सरपंच संतोष देशमुख यांची हत्या करण्यात आली. या घटनेमुळे संपूर्ण राज्यात संतापाचा उद्रेक झाल्याचा पहायला मिळाला. आरोपींना पकडण्यासाठी सरकारवर मोठा दबाव निर्माण करण्यात आला, त्यावेळी अनेक आंदोलन देखील झाली. दरम्यान संतोष देशमुख यांच्या हत्याप्रकरणात वाल्मिक कराड देखील सध्या जेलमध्येच आहे. मात्र दुसरीकडे वाल्मिक कराड याच्या मुलाची सुशील कराडची एक सोशल मीडियावरची पोस्ट सध्या चांगलीच व्हायरल झाली आहे. ज्यामध्ये ‘आता मात्र सर्वांसमोर सर्व काही बोलणार ‘ असं त्याने म्हटलं आहे. या पोस्टमुळे चर्चेला उधाण आलं आहे. सुशील कराड नेमकं काय बोलणार? काही मोठा खुलासा करणार का? असे अनेक प्रश्न या पोस्टमुळे उपस्थित करण्यात येत आहेत.

सुशील कराड हा वाल्मिक कराड याचा मुलगा आहे. संतोष देशमुख यांच्या हत्याप्रकरणात वाल्मिक कराड याच्यावर आरोप असल्यामुळे सध्या वाल्मिक कराड हा जेलमध्ये आहे. त्याच्या मुलाने सोशल मीडियावर एक पोस्ट केली होती, ही पोस्ट चांगलीच व्हायरलं झाली आहे, ज्यामध्ये ‘आता मात्र सर्वांसमोर सर्व काही बोलणार ‘ असं त्याने म्हटलं आहे.  त्यामुळे आता सुशील कराड काही गौप्यस्फोट करणार आहे का? असा सवाल उपस्थित करण्यात येत आहे.

विशेष म्हणजे संतोष देशमुख यांच्याप्रमाणेच बीड जिल्ह्यातल्या परळीमधील महादेव मुंडे यांची देखील हत्या झाली आहे. या प्रकरणात देखील वाल्मिक कराड याच्यावरच आरोप होत आहेत.  काही दिवसांपूर्वी  महादेव मुंडे यांच्या मुलाला अभ्यासिकेमध्ये जात असताना मारहाण झाली होती. या प्रकरणात संशयाची सुई सुशील कराड याच्याकडे आहे. महादेव मुंडे यांच्या पत्नीने सुशील कराडवर आरोप करत संरक्षणाची मागणी केली होती, त्यानंतर आता सुशील कराडची ही पोस्ट व्हायलर झाली आहे.

दरम्यान  महादेव मुंडे हत्या प्रकरणात आणखी एक मोठी अपडेट आहे,  या प्रकरणात काही आरोपींची नार्को टेस्ट करण्यात आली होती. नार्को टेस्टचा रिपोर्ट आता एसआयटीला मिळाला आहे. ब्रेन मॅपिंग आणि नार्को टेस्ट रिपोर्टमधून महादेव मुंडे हत्या प्रकरणाचं सत्य बाहेर येण्याची शक्यता आहे, त्यामुळे या नार्को  टेस्टमधून नेमकी काय माहिती मिळणार? हे पहाणं महत्त्वाचं ठरणार आहे.