“ओबीसी के सन्मान में,भाजप मैदान में”; काँग्रेसविरोधात भाजपचा एल्गार..

सोलापूर : काँग्रेसचे नेते राहुल गांधी यांनी नरेंद्र मोदी यांच्याबद्दल वादग्रस्त वक्तव्य केल्यानंतर राजकारण ढवळून निघाले आहे. त्यामुळे आता राज्यातील काँग्रेस आणि भाजप आक्रमक झाली आहे. एकीकडे काँग्रेसने आपण वर्षभर मोदी सरकारविरोधात आंदोलन करणार असल्याचे सांगितले आहे तर दुसरीकडे राहुल गांधी यांनी ओबीसी समाजाचा अपमान केल्याचे सांगत आता भाजपने राहुल गांधी यांच्याविरोधात जोरदार आंदोलन पुकारले आहे. त्यामुळे आता राज्यातील विविध जिल्ह्यात भाजपकडून निदर्शनं आणि जोडे मारो आंदोलन पुकारण्यात आले आहे.

सोलापूरातही भाजपकडून जोरदार आंदोलन पुकारून ओबीसी के सन्मान में, भाजप मैदान मैं म्हणत काँग्रेसविरोधात भाजपने एल्गार पुकारला आहे.

राहुल गांधी यांना सुरत न्यायालयाकडून दोन वर्षाची शिक्षा सुनावल्यानंतर त्यांची खासदरकीही रद्द करण्यात आली आहे. त्यामुळे आ्रता काँग्रेस ज्याप्रमाणे आक्रमक झाले आहे त्याच प्रमाणे भाजपही आक्रमक झाले आहे.

त्यामुळे भारतीय जनता पार्टीकडून जोरदार निदर्शनं करून राहुल गांधी यांच्याविरोधात जोरदार निदर्शनं करण्यात आली आहेत.

काँग्रेस नेते राहुल गांधी यांचा उलटा फोटो पकडून त्यांनी केलेल्या वक्तव्याचा निषेध करत त्यांच्या प्रतिमेला जोडे मारण्यात आले.

यावेळी राहुल गांधी यांच्या निषेधाच्याही घोषणा देण्यात आल्या. यावेळी राहुल गांधी यांच्या प्रतिमेस महिला पदाधिकाऱ्यांकडून जोडेही मारण्यात आले.

एकीकडे काँग्रेसने राहुल गांधी यांच्या समर्थनाथ जोरदार आवाज उठवला आहे. तर भाजपने आता ओबीसीचा मुद्दा पुढे करून राहुल गांधी यांना आरोपीच्या पिंजऱ्यात उभा केले आहे. त्यामुळे आता भाजप कार्यकर्त्यांनी राहुल गांधी यांची प्रतिमा फाडून निषेध व्यक्त केला आहे.

सोलापूरातील लोकमान्य टिळक चौकात भाजप कार्यकर्त्यांनी राहुल गांधी यांच्याविरोधतही जोरदार घोषणाबाजी करण्यात आली. भाजप आमदार विजयकुमार देशमुख यांनी स्वतः राहूल गांधी यांच्या विरोधात घोषणाबाजी केली आहे.

ओबीसी समाजाचा अपमान केल्याप्रकरणी राहुल गांधी यांचा भाजपकडून धिक्कार असो अशा घोषणा देण्यात आल्या आहेतत.

राहुल गांधी चोर है अशा घोषणाही यावेळी देण्यात आल्या आहेत. ओबीसी के सन्मान में, भाजप मैदान मे अशा घोषणा देत राहुल गांधी यांचा फोटो फाडून त्यांच्या विरोधात जोरदार घोषणाबाजी करण्यात आल्या.