उल्हासनगर स्टेशनपरिसरात अल्पवयीन मुलीवर बलात्कार; नराधमाला तीन दिवसाची पोलीस कोठडी
उल्हासनगर स्टेशनपरिसरात एका अल्पवयीन मुलीवर बलात्कार करणाऱ्या नराधमाला तीन दिवसाची पोलीस कोठडी सुनावण्यात आली आहे. (Ulhasnagar rape case accused sent to police custody for three days)
ठाणे: उल्हासनगर स्टेशनपरिसरात एका अल्पवयीन मुलीवर बलात्कार करणाऱ्या नराधमाला तीन दिवसाची पोलीस कोठडी सुनावण्यात आली आहे. या आरोपीला कल्याण सत्र न्यायालयात हजर करण्यात आले असता ही शिक्षा सुनावण्यात आली आहे. (Ulhasnagar rape case accused sent to police custody for three days)
दादा ऊर्फ श्रीकांत गायकवाड असं या आरोपीचं नाव आहे. त्याला कल्याण रेल्वे पोलिसांनी कल्याण सत्रं न्यायालयात आणलं होतं. यावेळी त्याला तीन दिवसाची पोलीस कोठडी सुनावण्यात आली आहे.
नेमकं प्रकरण काय?
मुंबई पाठोपाठ उल्हासनगरमध्येही बलात्काराचा धक्कादायक प्रकार घडला होता. उल्हासनगर स्थानकास लागून असलेल्या स्कायवॉकवर 14 वर्षाची मुलगी उभी असताना एक तरुण तिच्या जवळ आला. तो तिला जबरदस्ती एका निर्जन स्थळी घेऊन गेला. त्या ठिकाणी मुलीला बेदम मारहाण केली. नंतर तिच्यावर बलात्कार केला. बलात्कार केल्यानंतर आरोपी मुलीला घटनास्थळी सोडून पळून गेला.
रेल्वे पोलिसांनी आरोपीच्या मुसक्या आवळल्या
संबंधित घटनेची माहिती मिळताच कल्याण जीआरपीचे वरिष्ठ पोलीस निरिक्षक वाल्मीक शादरुल यांच्या मार्गदर्शनाखाली तपास सुरु झाला. पोलिसांनी या प्रकरणी नराधम आरोपी दादा उर्फ श्रीकांत गायकवाड याला अटक केली आहे. त्याने गुन्हा कबूल केला आहे. तसेच या घटनेमुळे एकच खळबळ उडाली आहे.
पिंपरीत शिक्षिकेवर बलात्कार
दुसरीकडे पिंपरीत निवृत्त सहाय्यक पोलीस आयुक्त असल्याचे सांगत एका नराधमाने शिक्षिकेवर बलात्कार केला. संबंधित शिक्षिकेला पैशाची आर्थिक अडचण असल्याने त्यांनी ओळखीने आरोपी विकास अवस्थी यांच्याकडे पैशाची मागणी केली. आरोपी विकास अवस्थीने दहा टक्के व्याजाने पैसे देतो असे सांगून पीडित महिलेला घरी बोलावून त्यांच्याकडून दोन कोऱ्या चेकवर ,कोऱ्या कागदावर सह्या घेतल्या. त्यानंतर पीडित महिलेला सॉफ्टड्रिंक देऊन दुष्कृत्य केले. तसेच पीडित महिलेचे विवस्त्र अवस्थेतील फोटो काढून, ते सर्वांना दाखवून बदनामी करेल अशी धमकी दिल्याचा आरोप आहे.
पुणे शहरात सहा वर्षीय चिमुकलीवर बलात्कार
पुण्यात आठ दिवसांपूर्वी एका 13 वर्षाच्या चिमुकलीवर सामूहिक बलात्काराची घटना ताजी असताना आज पुन्हा एकदा अशीच एक घटना समोर आली आहे. रेल्वे स्टेशन परिसरात झोपलेल्या अवघ्या सहा वर्षाच्या चिमुकलीवर एका नराधमाने बलात्कार केल्याची संतापजनक घटना समोर आलेली आहे. विशेष म्हणजे या घटनेतही अत्याचार करणारा हा एक रिक्षाचालक असल्याची माहिती समोर आली आहे. पोलिसांनी आरोपीला बेड्या ठोकल्या आहेत. तर पीडित तरुणीवर रुग्णालयात उपचार सुरु आहेत.
पीडितेला फुटपाथवरुन उचलून नेत अपहरण
पीडित सहा वर्षीय चिमुकली ही रात्रीच्या वेळी फुटपाथवर झोपली होती. आरोपीने तिला फुटपाथवरुन उचलून नेत तिचं अपहरण केलं होतं. त्यानंतर आरोपीने चिमुकलीवर बलात्कार केला. या संतापजनक प्रकाराची माहिती पीडितेच्या आई-वडिलांना मिळाल्यानंतर त्यांनी बंडगार्डन पोलीस ठाण्यात तक्रार केली. तसेच पीडितेला त्रास होत असल्याने तिला रुग्णालयात दाखल करण्यात आलं. पीडितेवर सध्या रुग्णालयात उपचार सुरु आहेत. (Ulhasnagar rape case accused sent to police custody for three days)
MahaFast News 100 | महाफास्ट न्यूज 100 | 7 AM | 12 September 2021 https://t.co/D52fzj0Ov2 #News #bulletin
— TV9 Marathi (@TV9Marathi) September 12, 2021
संबंधित बातम्या:
नागपूरकरांचं टेन्शन वाढलं, 12 पोलिसांना कोरोना, पोलीस दलात खळबळ
(Ulhasnagar rape case accused sent to police custody for three days)
