भिंवडीत चहाच्या टपरीवर तुफान राडा, ७ ते ८ जण जखमी, घटना सीसीटीव्हीत कैद

Bhiwandi Tea Stall Clash: भिंवडीत चहाच्या टपरीवर दोन गट आपआपसात भिडले. त्यात ७ ते ८ जण जखमी झाले आहेत. भिवंडीतील चाविंद्रा परिसरात मोटारसायकल पार्किंगच्या वादातून हॉटेल मालक आणि ग्राहकांमध्ये जोरदार हाणामारी झाली. या प्रकरणी भिवंडी तालुका पोलीस ठाण्यात दोन्ही गटांविरोधात परस्पर गुन्हे दाखल करण्यात आले असून, पोलिसांचा तपास सुरू आहे.संपूर्ण प्रकार सीसीटीव्ही कॅमेऱ्यात कैद झाला आहे.

काठ्या, रॉड, कुकरचा सर्रास वापर

भिंवडीत चहाच्या टपरीवर दोन गटात जोरदार मारहाण झाली. चाविंद्रा परिसरात मोटारसायकल पार्किंगच्या वादातून हॉटेल मालक आणि ग्राहकांमध्ये जोरदार हाणामारी झाली. यावेळी दोन्ही गटांनी एकमेकांविरोधात लाकडी काठी, लोखंडी रॉड, कुकर आणि फावड्याचा वापर करून मारहाण केल्याचा आरोप आहे. या घटनेत ७ ते ८ जण जखमी झाले असून हाणामारीदरम्यान चहाच्या हॉटेलची तोडफोड करण्यात आली. संपूर्ण प्रकार सीसीटीव्ही कॅमेऱ्यात कैद झाला आहे. या प्रकरणी भिवंडी तालुका पोलीस ठाण्यात दोन्ही गटांविरोधात परस्पर गुन्हे दाखल करण्यात आले असून पोलिसांचा तपास सुरू आहे.

जळगाव तालुक्यातील दापोरा येथे दोन गटांत सशस्त्र हाणामारी

जुन्या भांडणाच्या कारणावरून दुर्गा विसर्जन मिरवणुकीदरम्यान दोन गटांत चॉपर-चाकूचा वापर करत हाणामारी करण्यात आली. याप्रकरणी जळगाव तालुका पोलिस ठाण्यात दोन्ही गटांच्या तक्रारीवरून परस्परविरोधी आठ जणांवर गुन्हे दाखल करण्यात आले. दोन्ही गटांकडून चाकू, चॉपरचा वापर करण्यात आला. तसेच परस्पर विरोधी तक्रारीही पोलिसांत दाखल करण्यात आल्या आहेत. दोन्ही गटाच्या या हाणामारीमध्ये काहीजण जखमी झाले असल्याची देखील माहिती मिळाली आहे

बावधनमध्ये अल्पवयीन मुलीवर चाकूने हल्ला

पुण्यातील बावधन पोलीस ठाण्याच्या हद्दीत असलेल्या महाळुंगे गावात अल्पवयीन मुलीवर चाकूने हल्ला केल्याची घटना समोर आली आहे. इयत्ता नववीत शिकणाऱ्या एका अल्पवयीन मुलाने हा हल्ला केल्याची प्राथमिक माहिती आहे. शाळेच्या सहलीदरम्यान मुलींच्या डान्सचा व्हिडिओ इन्स्टाग्रामवर पाठवल्याने वाद झाला होता. याच वादातून हल्ला झाल्याचा पोलिसांचा प्राथमिक अंदाज आहे.जखमी मुलीवर रुग्णालयात उपचार सुरू असून तिची प्रकृती स्थिर आहे. पोलिसांनी आरोपी अल्पवयीन मुलाला ताब्यात घेतले असून पुढील तपास सुरू आहे.