Maharashtra News live : निवडणूक आयोगाच्या कारभाराविरोधात ठाकरे बंधूंचा ‘गर्जना’ मोर्चा

मंत्री पंकजा मुंडेंकडून बीडमध्ये दुष्काळग्रस्त भागाची पाहणी

बीड जिल्ह्यातील काकडहिरा येथे थेट शेतकऱ्यांच्या बांधावर जात मंत्री पंकजा मुंडे यांनी दुष्काळी परिस्थितीची पाहणी केली. केंद्र व राज्याचे जुने निकष बाजूला सारून सरकारने तातडीने दुष्काळ जाहीर केल्याचे त्यांनी सांगितले. संकटकाळात सरकार शेतकऱ्यांच्या पाठीशी खंबीरपणे उभे असून, तोंडावर आलेली दिवाळी गोड करण्यासाठी लवकरच प्रत्यक्ष मदत दिली जाईल, असा विश्वास त्यांनी यावेळी शेतकऱ्यांना दिला.

जालन्यात वाळू उत्खननासाठी वापरण्यात येणाऱ्या 5 बोटी नष्ट

जालना जिल्ह्यातील जाफराबाद तालुक्यातल्या ब्रह्मपुरी येथे आज महसूल विभागाने वाळू माफियावरती धडक कारवाई करत,वाळू उत्खननासाठी वापरण्यात येणाऱ्या पाच बोटी स्फोटाने उडवून नष्ट केल्या आहेत.

बांधकाम सुरू असताना पिलर अंगावर पडून कामगाराचा जागीच मृत्यू

जालन्यातील घनसावंगी पंचायत समितीच्या सुरू असलेल्या इमारतीच्या बांधकामाच्या ठिकाणी पिलर अंगावर पडल्याने 32 वर्षीय कामगाराचा जागीच मृत्यू झाल्याची दुर्दैवी घटना घडली आहे.आनंद भरपूर असे मृत कामगाराचे नाव असल्याची प्राथमिक माहिती आहे.

बावनकुळे यांच्या दुष्काळ पाहणी दौऱ्यात पालकमंत्री गुलाबराव पाटील अनुपस्थित

जळगावातील महसूल मंत्री चंद्रशेखर बावनकुळे यांच्या दुष्काळ पाहणी दौऱ्यात पालकमंत्री गुलाबराव पाटील अनुपस्थित राहिल्याने चर्चा सुरु आहे.

नारायणगडावरील दसरा मेळाव्यासाठी मोठ्या संख्येने मराठा बांधवांनी यावे – मनोज जरांगे

नारायणगड येथे होणाऱ्या दसरा मेळाव्यासाठी मराठा समाज बांधवांनी मोठ्या संख्येने यावे असे आवाहन मराठा आंदोलक मनोज जरांगे यांनी केले आहे.

शेतकऱ्यांच्या कर्जवसुलीसाठी बँकांनी तगादा लावू नये – बावनकुळे यांचे निर्देश

दुष्काळग्रस्त शेतकऱ्यांना दिलासा देण्यासाठी ११ मंत्र्यांची कॅबिनेट उपसमिती नेमण्यात आली आहे असे धुळ्याच्या दौऱ्यावर आलेल्या मंत्री चंद्रशेखर बावनकुळे यांनी म्हटले आहे.  शेतकऱ्यांच्या कर्जवसुलीसाठी बँकांनी तगादा लावू नये असेही बावनकुळे यांनी निर्देश दिले आहेत.  धुळे जिल्ह्यात मे महिन्यासारखी परिस्थिती असून चारा-पाणी टंचाई गंभीर झाली आहे.  शेतकऱ्यांना रोजगार उपलब्ध करून देण्यासाठी सरकारचे नियोजन सुरू असल्याचेही बावनकुळे यांनी म्हटले आहे.

संभाजीनगरमध्ये 1 लाख हेक्टरवरील पिकांचे पंचनामे पूर्ण

संभाजीनगरमध्ये 1 लाख हेक्टरवरील पिकांचे पंचनामे पूर्ण. 435 गावांमधील 1 लाख 2 हजार 746 क्षेत्रावरील पिकांचे पंचनामे पूर्ण. 1 लाख 10 हजार 585 शेतकऱ्यांचा समावेश

विधानपरिषद निवडणुकीसाठी भाजपकडून उमेदवारांची यादी जाहीर

विधानपरिषद निवडणुकीसाठी भाजपकडून उमेदवारांची यादी जाहीर. भाजपकडून 5 पैकी 3 उमेदवारांच्या नावाची घोषणा. नागपूर पदवीधरसाठी सुधाकर कोहळे यांना भाजपकडून उमेदवारी. पुणे पदवीधरसाठी स्मिता जाधव यांना उमेदवारी. पुणे शिक्षक मतदारसंघासाठी कौस्तुभ गावडे यांना उमेदवारी

ठाकरे बंधूंच्या गर्जना मोर्चाला परवानगी नव्हती, आयोजकांवर गुन्हा दाखल होणार

ठाकरे बंधूंच्या गर्जना मोर्चाला परवानगी नव्हती. ठाकरे बंधूंच्या मोर्चाच्या आयोजकांवर गुन्हा दाखल होणार. मुंबईत आझाद मैदान वगळता कुठेही मोर्चाला परवानगी नाही.  बेकायदेशीरपणे जमाव जमवणे या कलमांतर्गत गुन्हा दाखल होणार..

मंगेश चिवटे पुणे शिक्षक मतदारसंघामधून निवडणूक लढण्यावर ठाम

मंगेश चिवटे पुणे शिक्षक मतदारसंघामधून निवडणूक लढण्यावर ठाम. मी शिवसेनेकडून मंगळवारी अर्ज भरणार.  मी महायुतीचा उमेदवार असेन, मंगेश चिवटेंकडून विश्वास व्यक्त

असे मोर्चे काढण्यापेक्षा राज्यात फिरले तर फायदा होईल- महाजन

आपल्या विरोधात निकाल लागला म्हणजे आंदोलनं करायची. असे मोर्चे काढण्यापेक्षा राज्यात फिरले तर फायदा होईल. सत्तेत होतात त्यावेळी काही केलं नाही.  तुमच्यामागे आता जनता राहिलेली नाहीय- गिरीश महाजन

 भरधाव टिप्परने 35 वर्षीय तरुणाला चिरडले

भरधाव टिप्परने 35 वर्षीय तरुणाला चिरडले

गोंदिया बालाघाट महामार्गावरील नागरा येथील घटना

घटनेनंतर स्थानिक नागरिकांचा महामार्गावर ठिय्या

8 सप्टेंबर रोजी झालेल्या अपघातात याच ठिकाणी 6 लोकांचा झाला होता मृत्यू

MPSCच्या काही आंदोलक विद्यार्थ्यांनी शरद पवारांची भेट घेतली

MPSCच्या काही आंदोलक विद्यार्थ्यांनी शरद पवारांची भेट घेतली. मुख्यमंत्र्यांनी विद्यार्थ्यांच्या प्रश्नांकडे लक्ष द्यावं, शरद पवारांची मुख्यमंत्र्यांना विनंती. मुख्यमंत्री आणि विद्यार्थ्यांच्या शिष्टमंडळासोबत सुसंवाद असावा- शरद पवार

या आंदोलनातून काही उपयोग होणार नाही- गिरीश महाजन

मंत्री गिरीश महाजन यांनी ठाकरे बंधूंच्या मोर्चावर प्रतिक्रिया देताना या आंदोलनातून काही उपयोग होणार नसल्याची टीका केली. आपल्या विरोधात निकाल लागला की आंदोलन करणे, सर्वोच्च न्यायालय, निवडणूक आयोग आणि पंतप्रधान नरेंद्र मोदी यांच्यावर आरोप करणे, हा त्यांचा उद्योग झाला असल्याचे महाजन म्हणाले. ठाकरे बंधूंच्या मागे आता पूर्वीसारखा जनाधार राहिलेला नसल्याने ते मोर्चे काढत असल्याचा दावाही त्यांनी केला. आंदोलन करण्याऐवजी संपूर्ण महाराष्ट्रात फिरून जनतेशी संवाद साधला, तर त्याचा अधिक फायदा होऊ शकतो, असे महाजन यांनी सांगितले.

पालकमंत्री जयकुमार गोरे यांच्याकडून सांगोल्यातील दुष्काळी भागाची पाहणी

पंढरपूर : सांगोला तालुक्यातील कटफळ येथे दुष्काळामुळे झालेल्या शेती पिकांच्या नुकसानीची पालकमंत्री जयकुमार गोरे यांनी पाहणी केली. यावेळी त्यांनी शेतकऱ्यांशी संवाद साधून त्यांच्या अडचणी जाणून घेतल्या. नुकसान झालेल्या शेतकऱ्यांना सरकारकडून सरसकट मदत केली जाईल, तसेच शेतकऱ्यांच्या पाठीशी सरकार ठामपणे उभे असल्याचे गोरे यांनी सांगितले. जनावरांच्या चाऱ्याचा प्रश्न आणि चारा छावण्यांबाबतही लवकरच निर्णय घेतला जाईल, अशी माहिती त्यांनी दिली.

नागपुरातील भाजपचे उमेदवार सुधाकर कोहळे यांच्याकडून विजयाचा विश्वास

नागपुरातील भाजपचे उमेदवार सुधाकर कोहळे यांनी विजयाचा विश्वास व्यक्त केला आहे. गेल्या 35 वर्षांपासून आपण भाजपचे कार्यकर्ते म्हणून काम करत असून, पक्षाच्या ज्येष्ठ नेत्यांनी वर्षभरापूर्वी आपल्यावर नोंदणी प्रमुख म्हणून जबाबदारी सोपवली होती, असे त्यांनी सांगितले. वर्षभर सातत्याने मतदारसंघात फिरत असून अपेक्षित नोंदणी झाली आहे, त्यामुळे विजयाबाबत आपल्या मनात कोणतीही शंका नसल्याचे कोहळे म्हणाले. गेल्या निवडणुकीतील त्रुटी यावेळी दूर केल्याचा दावाही त्यांनी केला. तसेच माजी आमदार अनिल सोले हे आपले गुरू असून त्यांच्या मार्गदर्शनाखाली आपण काम करत आहोत आणि त्यांची कोणतीही नाराजी नसल्याचेही त्यांनी स्पष्ट केले.

निवडणुकीतील पराभवाचं खापर आयोगावर फोडलं- आशिष शेलार

निवडणुकीतील पराभवाचं खापर आयोगावर फोडलं. विरोधक म्हणजे रडणारे लोक आहेत. बॅलेटवर मतदान घ्या, ही मागणी विरोधकांनी केली. रडका मोर्चा अशी ठाकरे बंधूंच्या मोर्चावर आशिष शेलार यांनी टीका केली.

ठाकरेंच्या मोर्चानंतर आशिष शेलार यांची टीका

मतदार यादी स्वच्छ करण्याची मागणी राज ठाकरेंनी केली होती. हा गर्जना मोर्चा नसून कोल्हेकुई मोर्चा होता. SIR च्या माध्यमातून दुबार मतदार काढले जात आहेत. मतदार यादी स्वच्छ असावी, हा SIR चा हेतू आहे, असं आशिष शेलार म्हणाले.

लोक पेटले तर तुमच सिंहासन जाळल्याशिवाय राहणार नाही – उद्धव ठाकरे

लोक पेटले तर तुमच सिंहासन जाळल्याशिवाय राहणार नाही… देश ज्ञानेश कुमारांच्या बापाचा आहे का? ज्ञानेश कुमारांवर गुन्ही दाखल होऊ शकत नाही, असं संरक्षण त्यांना दिलं आहे… असं वक्तव्य उद्धव ठाकरे यांनी केलं आहे.

ज्ञानेश कुमार यांची नेमणूक पक्षपातीपणे केली गेली – उद्धव ठाकरे

ज्ञानेश कुमार यांची नेमणूक पक्षपातीपणे केली गेली. व्होटचोरी केली, राम मंदिर येथील दानचोरी केली, पक्ष चोरी केली. सत्ताधारी षंढ आहेत… प्रशासन आणि भाजप दोन विरुद्ध बाजू आहे… असं वक्तव्य देखील उद्धव ठाकरे यांनी केलं आहे.

भाजपला सरकार चालवता येत नाही – उद्धव ठाकरे

भाजपला सरकार चालवता येत नाही. निवडणूक आयुक्तांच्या नेमणुकीवर माझा आक्षेप आहे. राष्ट्रपतीपदासाठी निवडणूक, मग निवडणूक आयुक्तांसाठी का नाही? भाजपकडून सूड उगवण्याचं काम सुरु आहे. मतचोरीविरोधात संपूर्ण देश उभा… असं वक्तव्य देखील उद्धव ठाकरे यांनी केलं आहे.

संपूर्ण देशातून 13 कोटी मतदार वगळले  – उद्धव ठाकरे

संपूर्ण देशातून 13 कोटी मतदार वगळले, बंगालमध्ये जे मतदार वगळले गेलेत, त्यातले काही वैध झाले. आता पोट निवडणूक आहे तिकडे. यांचे आर्ज सुनावणीसाठी सुप्रिम कोर्टात गेले, तेव्हा कोर्टाने सांगितलं,  पोट निवडून आहे, ऐकू ना… निवडणूक होती 6 तारखेला, सुनावणी होणार होती ढकलली 28 तारखेला… परत तारीख पे तारीख –  उद्धव ठाकरे…

देशातील हुकूमशाहाला गाडून टाकण्यासाठी आम्ही उभे राहिलोय – उद्धव ठाकरे

हा लढा आपल्या देशाचा स्वतंत्र्याचा आहे. मोदी पहिल्यांदा पंतप्रधान झाले तेव्हा त्यांनी घोषणा दिली…  मेक इंन इंडिया, मेक इंन इंडियाच्या नावाखाली हुमशाहा बनणार असेल तर, त्यांना देशातच गाडून टाकण्यासाठी आम्ही आहोत.. – असं वक्तव्य उद्धव ठाकरे यांनी केलं आहे…

कोणताही राजकीय पक्ष जेव्हा सत्तेवर असतो, तेव्हा त्याला भीती असते, पण… – राज ठाकरे

कोणताही राजकीय पक्ष जेव्हा सत्तेवर असतो, तेव्हा त्याला भीती असते, उद्या आपण चुकीचं पाऊल उचललं, लोकांनी आपल्याला मत दिली नाही तर काय होईल? अशी कोणतीच भीती महाराष्ट्र आणि केंद्रात सुरु आहे. आमचा राग उद्योजकांना नाही. काँग्रेसच्या काळात अनेक उद्योजक पुढे आले, पण यांच्या काळात फक्त एकच उद्योजक पुढे येतोय..

भाजप सत्तेत बसल्याचा राग नाही, त्यांच्या वागणुकीवर राग – राज ठाकरे

एकाच उद्योजकाला जमीन, जंगल, विमानतळं, कोट्य देऊन टाकायचे… ही गोष्ट येचे कुठून… जे मनात येते ते आम्ही करु… हे येतं कुठून.. हे  सर्वकाही निवडणूक आयोगाला बांधल्याशिवाय येऊ शकत नाही. देशातल्या नागरिकांनी कितीही विरोध करुदे, आदोंलन करुदे… निवडणूक आयोगाच्या जोरावर निवडून येऊ… भाजप सत्तेत बसल्याचा राग नाही, त्यांच्या वागणुकीवर राग आहे… असं वक्तव्य राज ठाकरे यांनी  केलं आहे.

निवडणुकांवर बहिष्कार टाका, हे सांगत होतो… – राज ठाकरे

अशा प्रकारे मतं कमी होऊ शकत नाहीत आणि भापजची मतं वाढू शकत नाहीत… सर्व नेते मला बहिष्कारासाठी हो बोलत होते, पण मी का बोलत होतो, हे आता समजू लागलं आहे… असं वक्तव्य राज ठाकरे यांनी केलं आहे…

देशातही वातावरण तापलं आहे, ते वोटचोरीमुळे – राज ठाकरे

याठिकाणी उन्हाने  वातावरण तापलं आहे, तर देशातही वातावरण तापलं आहे, ते वोटचोरीमुळे…  2017 – 18 तेव्हापासून राज ठाकरे सांगत आहे, यामध्ये चोऱ्या होत आहेत. त्यावेळी मी अनेक नेत्यांना सांगत होते, घोळ सुरु आहे. आपण यावर पाऊल उचललं पाहिजे. मी सांगत होतो निवडणुकींवर बहिष्कार टाका… त्याशिवाय दुध का दुध पाणी का पाणी होणार नाही…  असं वक्तव्य राज ठाकरे यांनी केलं.

जे कधी लढलेच नाही, ते आज हुकुमशाही गाजवत आहेत – शशीकांत शिंदे

जे कधी लढलेच नाही, ते आज हुकुमशाही गाजवत आहेत. यंत्रेणेचा वापर करत आहे. निवडणूक आम्ही जिंकू शकतो. अशा प्रकारचा भाजप आहे… एक पत्रकार परिषद संजय राऊत यांनी घेतली, परदेशातून राजेश कुमार, चार दिवसांनंतर दिल्लीत येतो, हा संजय राऊतांचा आणि लोकशाहीचा विजय आहे… हे माझं अभिमानाने सांगणं आहे… असं वक्तव्य राष्ट्रवादी, शरद पवार पक्षाचे अध्यक्ष शशीकांत शिंदे यांनी वक्तव्य केलं आहे…

भारतीय जनता पार्टीने निवडणूक आयोगाला हाताशी धरुन गडबडी केल्यात – अनिल देशमुख

भारतीय जनता पार्टी निवडणूक आयोगाला हाताशी धरुन ज्या प्रमाणे निवडणुकीत गडबडी केल्यात, महाराष्ट्र, गोवा, पश्चिम बंगाल, अशा राज्यामध्ये निवडणूक आयोगाने मोठे घोटाळे केले आहे. त्यामुळे आक्रोश निर्माण झाला आहे. तरुण मुलं आवाज उठवत आहे… घोटाळ्यांमुळे निवडणूक आयोगाचे प्रमुख ज्ञानेश्वर कुमार यांनी राजीनामा दिला पाहिजे की नाही.. असं वक्तन्य अनिल देशमुख यांनी केलं आहे.

मोर्चानंतर सभेच्या ठिकाणी पोहोचले ठाकरे बंधू

मेट्रो सिनेमा ते महापालिका मुख्यालयापर्यंत मोर्चा काढल्यानंतर आता राज ठाकरे आणि उद्धव ठाकरे सभेच्या ठिकाणी पोहोचले आहेत. मोर्चानंतर ठाकरे बंधूंची जाहीर सभा होणार आहे.

मोर्चानंतर ठाकरे बंधू पुढील भूमिका स्पष्ट करणार

मेट्रो सिनेमा ते महापालिकेच्या मुख्यालयापर्यंत ठाकरे बंधूंचा मोर्चा सुरू आहे. या मोर्चानंतर ठाकरे बंधू पुढील भूमिका स्पष्ट करणार आहेत. त्यानंतर महापालिकेसमोर पाच प्रमुख नेत्यांची भाषणं होणार आहेत.

हा फक्त मांजरांचा आवाज- शहाजी बापू पाटील

बाळासाहेब ठाकरे असताना गर्जना डरकाळी होती आता फक्त मांजरांचा आवाज राहिला आहे असे म्हणत शहाजी बापू पाटलांनी ठाकरे बंधूंवर जोरदार टीका केली आहे.

बाळासाहेब थोरात आणि ठाकरे बंधूंचा एकत्र प्रवास

ज्ञानेश कुमार यांच्याविरोधात पुकारलेल्या महामोर्चाला सुरुवात झाली आहे. बाळासाहेब थोरात आणि ठाकरे बंधू यांनी एकाच गाडीतून प्रवास करत मेट्रो सिनेमा गाठला आहे. आता मोर्चाला सुरुवात होत आहे.

राज ठाकरे आणि उद्धव ठाकरे मोर्चा स्थळी दाखल

केंद्रीय निवडणूक आयोग आणि मुख्य निवडणूक आयुक्त ज्ञानेश कुमार यांच्याविरोधात आज महामोर्चा निघाला आहे. राज ठाकरे आणि उद्धव ठाकरे हे मोर्चा स्थळी पोहोचले आहेत.

लोकशाही वाचवण्यासाठी मोर्चा आहे- भास्कर जाधव

‘निवडणूक आयोगाला हाताशी धरून निवडणूक आयोग सर्व काही करत आहे. या कारभाराच्या विरोधात गर्जना मोर्चा आहे. लोकशाही वाचवण्यासाठी मोर्चा आहे’ ठाकरे गटाचे आमदार भास्कर जाधव म्हणाले.

राज ठाकरे महामोर्चात सहभागी होण्यासाठी रवाना

मनसे अध्यक्ष राज ठाकरे हे महामोर्चामध्ये सहभागी होण्यासाठी शिवतिर्थावरुन रवाना झाले आहेत. त्यांचा ताफा कोस्टल रोड परिसरात पोहोचला आहे. थोड्याच वेळात ते मेट्रो सिनेमा परिसरात पोहोचणार आहेत.

महाराष्ट्राच्या अस्मितेला जे नख लावण्याचा प्रयत्न करतील…किशोरी पेडणेकर यांचा हल्लाबोल

महाराष्ट्राच्या अस्मितेला जे नख लावण्याचा प्रयत्न करतील. नरडीचा घोट घेण्याचा प्रयत्न करतील. ज्ञानेश कुमार यांच्या दोन साथीदारांनी जेव्हा लेखी तक्रार दिली तेव्हा ते उघडे पडले. आम्ही नाही पहिले आरोप केले. त्यांच्या साथीदाराने केले असे किशोरी पेडणेकर यांनी म्हटले आहे.

उल्हासनगरहून मनसे कार्यकर्ते लोकलने मुंबईकडे रवाना

निवडणूक आयोग विरोधात शिवसेना उद्धव बाळासाहेब ठाकरे पक्ष आणि मनसे यांच्या आज संयुक्त मोर्चाचे आयोजन करण्यात आले आहे. या मोर्चात मोठ्या संख्येने सहभागी होण्यासाठी उल्हासनगर येथून मनसेचे पदाधिकारी आणि कार्यकर्ते लोकल ट्रेनने मुंबईच्या दिशेने रवाना झाले आहेत.

ईव्हीएममध्ये काहीतरी लफडं आहे- जितेंद्र आव्हाड

ईव्हीएममध्ये काहीतरी लफडं आहे. ईव्हीएम मॅनेज केले जात आहेत. मतदार याद्यांमध्ये घोटाळे होत आहेत. याद्यांमध्ये घोटाळा करण्यासाठी खासगी संस्थांना हाताशी धरल्या जात आहे. त्यामुळे घोळ होत आहे असे जितेंद्र आव्हाड यांनी म्हटले आहे.

ठाकरेंचा मोर्चा देशभर चर्चा; महामोर्चातील तरुणांच्या टीशर्टने वेधले लक्ष

सध्या सर्वत्र ठाकरे बंधू्च्या महागर्जना मोर्चाने सर्वांचे लक्ष वेधून घेतले आहे. या मोर्चात सहभागी झालेल्या शिवसैनिकांनी घातलेल्या टी-शर्टने सर्वांचे लक्ष वेधले आहे. त्यांच्या टीशर्टवर ठाकरेंचा मोर्चा देशभर चर्चा असे लिहिले आहे.

वसई विरारमधून कार्यकर्ते लोकलने मोर्चासाठी रवाना

वसई विरारमधून शेकडो मनसे आणि शिवसेना उबाठाचे कार्यकर्ते लोकलने मोर्चासाठी रवाना झाले आहेत. सब चोरी हो गया कूच बचा तो नाही चोरी करणे के लिए असे बॅनर हातात घेवून वसई विरारचे मनसे कार्यकर्ते मोर्चात सहभागी होण्यासाठी निघाले आहेत.

मातोश्रीवरुन उद्धव ठाकरे मोर्चासाठी रवाना

मातोश्रीवरुन उद्धव ठाकरे मोर्चासाठी रवाना झाले आहेत.  थोड्याच वेळात मोर्चाला सुरुवात झाली आहे.

मनसे शहराध्यक्ष संदीप राणे यांच्या नेतृत्वाखाली कार्यकर्ते रवाना

गर्जना मोर्चासाठी शेकडो मनसैनिक मुंबईकडे रवाना. मनसे शहराध्यक्ष संदीप राणे यांच्या नेतृत्वाखाली कार्यकर्ते रवाना. मोर्चासाठी मिरा-भाईंदरमधून मोठ्या संख्येने मनसैनिक सहभागी. मुंबई महानगरपालिका मुख्यालयावर मनसेचा गर्जना मोर्चा

गर्जना मोर्चासाठी कार्यकर्ते जमले

गर्जना मोर्चासाठी कार्यकर्ते जमले आहेत, पोलिसांचाही कडक बंदोबस्त दिसत आहे, अनेक नेते मंडळी मोर्चास्थळी दाखल झाले आहेत.

बाळासाहेब थोरात आणि विजय वड्डेटीवारही मोर्चाला हजर राहणार

बाळासाहेब थोरात आणि विजय वड्डेटीवारही मोर्चाला आपली उपस्थिती लावणार आहे. लवकरच मोर्चाला सुरुवात होणार आहे.

ठाणे स्टेशनवर ज्ञानेश कुमारांना बांधून आणल्याची प्रतिकृती तयार केली

ठाणे स्टेशनवर ज्ञानेश कुमारांना बांधून आणल्याची प्रतिकृती तयार केली आहे. मनसे अविनाश जाधव कार्यकर्त्यांसोबत उपस्थित राहणार आहेत. ट्रेनने प्रवास करुन ते मोर्चाच्या ठिकाणी दाखल होतील.

नवी मुंबईहून मनसैनिक मुंबईला रवाना

नवी मुंबईहून मनसैनिक मुंबईला रवाना झाले आहेत, नाशकातूनही कार्यकर्ते मुंबईच्या दिशेने रवाना झाले आहे. थोड्याच वेळात मोर्चाला सुरुवात होणार आहे.

सत्तेसाठी हे सगळं सुरुये- चित्रा वाघ

कालपर्यंत एकमेकांविरोधात चिखलफेक करणारे हे दोघे बंधू आता केवळ सत्तेसाठी एकत्र आले आहेत असा आरोप आता भाजपा नेत्या चित्रा वाघ यांनी केला आहे.

मोर्चासाठी उल्हासनगरहून मनसे कार्यकर्ते लोकलने मुंबईकडे रवाना

शिवसेना आणि मनसेचा संयुक्त मोर्चा आहे. या मोर्चासाठी उल्हासनगरहून मनसे कार्यकर्ते लोकलने मुंबईकडे रवाना झाले आहेत.

वसई विरार मधून शेकडो मनसे, शिवसेना उबाठाचे कार्यकर्ते लोकलने मोर्चासाठी रवाना

वसई विरार मधून शेकडो मनसे आणि शिवसेना उबाठा चे कार्यकर्ते लोकल ने मोर्चासाठी रवाना झाले आहेत. सब चोरी हो गया कूच बचा तो नाही चोरी करणे के लिए असे बॅनर हातात घेवून वसई विरार चे मनसे कार्यकर्ते मोर्चात सहभागी होण्यासाठी निघाले आहेत. निवडणूक आयुक्त ज्ञानेश कुमार यांच्या विरोधात निघणाऱ्या ठाकरे बंधू च्या मोर्चासाठी कार्यकर्ते सहभागी होणार आहेत

मोर्चाला शरदचंद्र पवार पक्षाचे ज्येष्ठ नेते जयंतराव पाटील सहभागी

विरोधी पक्षांनी आयोजित केलेल्या आजच्या गर्जना मोर्चात राष्ट्रवादी काँग्रेस पार्टी शरदचंद्र पवार पक्षाचे ज्येष्ठ नेते जयंतराव पाटील सहभागी होतील

लोकांकडून EVM चे श्राद्ध घातले जात आहे

मोर्चाच्या ठिकाणी जे लोक जमले आहेत त्यांनी आता EVM चे श्राद्ध घातले आहेत. रस्त्यावर बसून लोक आता EVM चे श्राद्ध घालत आहेत.

राज ठाकरे थोड्याच वेळात मोर्चासाठी रवाना

राज ठाकरे थोड्याच वेळात मोर्चासाठी रवाना होणार आहे. लवकरच मोर्चा सुरु होईल, लोकांची गर्दी जमू लागली आहे.

हातात तिरंगा आणि पोस्टर घेऊन लोक मोर्चाच्या ठिकणी उपस्थित

हातात तिरंगा आणि पोस्टर घेऊन लोक मोर्चाच्या ठिकणी उपस्थित झाले आहेत. लवकरच मोर्चाला सुरुवात होणार आहे. सीजेपी, शेकापसह इतर डाव्या पक्षांचाही या मोर्चाला पाठिंबा.

हातात तिरंगा घेऊन लोक मोर्चाच्या ठिकाणी उपस्थित

या मोर्चाच्या ठिकाणी अनेक लोकांची उपस्थिती दिसत आहे. हातात तिरंगा घेऊन  लोक रस्त्यावर उतरले आहेत. या मोर्चाला मोठ्या प्रमाणात लोकांचा प्रतिसाद मिळत असल्याचे दिसत आहे.

शिवसेना शिंदे गटाचे आमदार प्रा.चंद्रकांत सोनवणे आणि महसूल मंत्री बावनकुळे यांची भेट

जळगावात शिवसेना शिंदे गटाचे आमदार प्रा.चंद्रकांत सोनवणे यांनी घेतली महसूल मंत्री चंद्रशेखर बावनकुळे यांची भेट..शिवसेनेचे शिंदे गटाचे आमदार प्रा. चंद्रकांत सोनवणे यांनी शेतकऱ्यांच्या मागण्या संदर्भात मंत्री चंद्रशेखर बावनकुळे यांना निवेदन दिले..नुकसानामुळे काही शेतकऱ्यांनी पीक उपटून फेकले आहे, सध्या शेतात पीक नसलेल्या शेतकऱ्यांना देखील निकषात बसवून मदत देण्याची मागणी..भू संपादनाचा मोबदला न मिळालेल्या तसेच बुडीत क्षेत्रात शेती असलेल्या शेतकऱ्यांच्या नुकसानाचे देखील पंचनामे करून मदत देण्याची मागणी. सदरच्या शेतकऱ्यांच्या मागण्या संदर्भात जिल्हाधिकाऱ्यांना आदेश द्यावे आणि समस्या सोडवावी अशी मागणी देखील आमदार चंद्रकांत सोनवणे यांनी केले आहे.

नाशिकमध्ये धर्मांतरण विरोधी कायद्याचा पहिला गुन्हा दाखल..

नाशिकमध्ये धर्मांतरण विरोधी कायद्याचा पहिला गुन्हा दाखल..नाशिकच्या भद्रकाली पोलिसात अल्पवयीन मुलीचे लैंगिक शोषण केल्याप्रकरणी तरुणावर गुन्हा. २०२१ मध्ये मुलगी ११वीत असताना आरोपीशी ओळख झाल्याचा आरोप. अल्पवयीन असतानाच जबरदस्तीने शारीरिक संबंध ठेवल्याचा आरोप, लग्नासाठी इस्लाम धर्म स्वीकारण्याचा दबाव टाकल्याचा आरोप. धर्मांतरासाठी कुटुंबीयांवरही दबाव आणल्याचे FIRमध्ये नमूद. अश्लील फोटो-व्हिडिओ व्हायरल करण्याची धमकी देत ब्लॅकमेल. फोटो-व्हिडिओ व्हायरल न करण्यासाठी ५ लाख रुपयांची मागणी केल्याचा आरोप. संबंध तोडल्यानंतरही फोन करून त्रास दिल्याचा आरोप. २५ जून २०२५ रोजी पुन्हा भेटीसाठी बोलावून अत्याचार केल्याचा आरोप. २८ सप्टेंबर रोजी पुन्हा पैसे मागून धमकी दिल्याचा आरोप. भद्रकाली पोलिस ठाण्यात गुन्हा दाखल; तपास सुरू

मोर्चानंतर ठाकरे बंधू पुढील भूमिका स्पष्ट करतील

मोर्चानंतर ठाकरे बंधू पुढील भूमिका स्पष्ट करतील, मेट्रो सिनेमापासून ठाकरे बंधूच्या मोर्चाला सुरुवात होईल. ज्ञानेश कुमारविरोधांत मोर्चासाठी अनेक लोक रस्त्यावर उतरले आहेत.

सोलापूरहून मनसे कार्यकर्ते मेट्रो सिनेमाजवळ मोर्चात सहभागी होण्यासाठी दाखल

सोलापूरहून मनसे कार्यकर्ते मेट्रो सिनेमाजवळ मोर्चात सहभागी होण्यासाठी दाखल, मनसे नेता दिलीप धोत्रे कार्यकर्त्यांसहीत दाखल झाले आहेत.

राजू पाटील शेकडो मनसैनिकांसह ट्रेनने डोंबिवलीतून मुंबईकडे रवाना

“हा उत्साह नाही, मतदानाच्या अपमानाविरोधातील राग; SIR विरोधात राजू पाटील शेकडो मनसैनिकांसह ट्रेनने डोंबिवलीतून मुंबईकडे रवाना. ठाकरे बंधूंच्या ‘गर्जना महाराष्ट्राची’ मोर्चासाठी डोंबिवलीतून मनसेचे माजी आमदार राजू पाटील यांच्यासह शेकडो पदाधिकारी आणि कार्यकर्ते ट्रेनने मुंबईच्या दिशेने रवाना. हातात ‘गर्जना महाराष्ट्राची’, ‘SIR रद्द करा’चे पोस्टर; प्रशासनाविरोधात घोषणाबाजी करत मनसे पदाधिकारी आणि कार्यकर्त्यांमध्ये मोठा जोश.“हा आमचा उत्साह नाही, राग आहे; मतदानाचा जो अपमान केलेला आहे, त्याच्या विरोधात आम्ही एकत्र आलो आहोत,जनतेच्या मताचा अपमान केला गेला आहे; सर्व मतदार आणि सर्व जनतेने याच्याविरोधात रस्त्यावर उतरले पाहिजे, निवडणूक आयोगाच्या विरोधात वेगळे पुरावे देण्याची आवश्यकता नाही; तीन निवडणूक आयोगांपैकी दोन निवडणूक आयोगांनी अनेक पत्रे दिली आहेत, त्या आधारे निवडणुका घेतल्या असतील तर त्या रद्द केल्या पाहिजेत आणि नव्याने निवडणुका घेतल्या पाहिजेत ,” अशी राजू पाटील यांची मागणी.

ट्रेनमधून अविनाश जाधव मोर्चासाठी रवाना

ठाण्यातून ठाकरे सेनेचे कार्यकर्ते मुंबईच्या दिशेने रवाना झाले आहेत, ट्रेनमधून अविनाश जाधव आता मुंबईच्या दिशेने येत आहे. लवकरच मोर्चास्थळी दाखल होतील.

ज्ञानेश कुमार हे भाजपचे एजंट आहे का?- संजय राऊत

ज्ञानेश कुमार हे भाजपचे एजंट आहे का?, भाजपचा खरा चेहरा लवरक समोर येईल असं अनिल परब म्हणाले.  लवकरच मोर्चाला सुरुवात होणार आहे।

ठाकरे सेनेचे अनिल परब मोर्चास्थळी दाखल

ठाकरे सेनेचे अनिल परब मोर्चास्थळी दाखल झाले आहेत, अनेक विभागातून लोक आता मोर्चास्थळी जाण्यासाठी निघाले आहेत.

अमित ठाकरे शिवतीर्थहून मोर्च्यासाठी रवाना

ज्ञानेश कुमारांविरोधाती ठाकरे बंधूंचा आज गर्जना मोर्चा असणार आहे, या मोर्च्यासाठी आता अमित ठाकरे शिवतीर्थहून रवाना झाले आहेत.

महानगरपालिकेसमोर मुख्य नेते मुद्दे मांडतील- संजय राऊत

ज्ञानेश कुमारांविरोधाती ठाकरे बंधूंचा आज गर्जना मोर्चा असणार आहे. या संदर्भात संजय राऊत म्हणाले की,”महानगरपालिकेसमोर मुख्य नेते मुद्दे मांडतील, उद्या विरोधी पक्षनेत्यांचा दिल्लीत मोर्चा असेल.”

थोड्याच वेळात ठाकरे बंधूंचा गर्जना मोर्च्याला सुरूवात

आता थोड्याच वेळात ठाकरे बंधूंच्या गर्जना मोर्च्याला सुरूवात होणार आहे. राज्यातील कानाकोपऱ्यातून मनसैनिक आणि शिवसैनिक या मोर्चासाठी दाखल झाले आहेत .दहा वाजता मोर्चा जिथून निघणार त्या मेट्रो सिनेमाकडे मोठ्या संख्येने नागरीकही पोहचत आहेत. अगदी थोड्याच वेळात राज ठाकरे आणि उद्धव ठाकरे या ठिकाणी येतील आणि मुंबई महापालिका मुख्यालयाकडे हा मोर्चा निघेल. त्याठिकाणी जाहीर सभा होणार आहे.

महसूल मंत्री चंद्रशेखर बावनकुळे आज जळगाव जिल्ह्याच्या दौऱ्यावर

महसूल मंत्री चंद्रशेखर बावनकुळे आज जळगाव जिल्ह्याच्या दौऱ्यावर आहेत. संपूर्ण जळगाव जिल्ह्यातील 15 तालुके दुष्काळग्रस्त म्हणून जाहीर करण्यात आलेले आहेत. मंत्री चंद्रशेखर बावनकुळे एरंडोल तालुक्यात शेताच्या बांधावर जाऊन नुकसानीची पाहणी करणार आहेत. अकरा वाजता पत्रकार परिषद घेऊन जळगाव जिल्ह्यातील नुकसाना संदर्भात तसेच नुकसान भरपाई संदर्भात माहिती देणार आहेत. जिल्हा प्रशासनाचे अधिकाऱ्यांसोबत बैठक घेऊन जळगाव जिल्ह्यातील नुकसानीचा आकडा तसेच परिस्थिती या संदर्भात माहिती घेणार आहेत.

‘गर्जना’ मोर्चासाठी मोठा पोलीस फौजफाटा

ठाकरे बंधूंचा आज ‘गर्जना’ मोर्चा थोड्याच वेळात निघणार आहे. ज्ञानेश कुमार यांच्या राजीनाम्याची मागणी करण्यात आली आहे. पोलिसांकडून सर्व प्रमुख रस्त्यांवर बॅरिकेटींग करण्यात आलेली आहे. राज ठाकरे आणि उद्धव ठाकरे आज पुन्हा एकदा एकाच मंचावर येणार आहेत. मुख्य निवडणूक आयुक्त ज्ञानेश कुमार यांच्या राजीनाम्याच्या मागणीसाठी मुंबईत विराट ‘गर्जना’ मोर्चा निघेल. शिवसेना (उद्धव बाळासाहेब ठाकरे) आणि महाराष्ट्र नवनिर्माण सेनेच्या पुढाकारातून मोर्चाचे आयोजन केले आहे.

आम्ही गिरगांवकर यांच्याकडून मोर्चे स्थळी बोलके बॅनर

आम्ही गिरगावकर या संस्थेकडून आज ठाकरेंच्या मोर्चे स्थळी वेगवेगळ्या बॅनर लावण्यात आलेले आहे त्यामध्ये ज्ञानेश्वर कुमार यांच्या विरोधामध्ये बॅनर पाहायला मिळत आहेत. ज्ञानेश्वर कुमार यांनी पुन्हा एकदा आम्हाला मॅनेज करून सरकार आणून दे मग त्यानंतर आम्ही मराठी लोकांना मुंबईतून बाहेर काढू व हळूहळू मुंबई शाकाहारी करू असा आशय या बॅनर वरती लिहिण्यात आलेला आहे. विधानसभा निवडणुकीचा संदर्भ देत ही बॅनरबाजी करण्यात आलेली आहे..

मनसे नेते गजानन काळे वं कार्यकरते मुबंईच्या दिशेने निघाले

केंद्रीय निवडणुक आयोगाच्या विरोधातला पहिला हा मोर्चा आहे. दोन्ही ठाकरे बंधू याचे नेतृत्व करणार आहे मला वाटतं ही मोठी ऐतिहासिक घटना आहे ईव्हीएम आणि मतचोरी याबद्दल सर्वप्रथम बोलले असेल तर राज ठाकरे बोलले आहेत. काल तरुणांनी ट्रेलर दाखवला आज ठाकरे बंधू पिक्चर महाराष्ट्राला आणि जगला दाखवून देतील. आज रेकॉर्ड ब्रेक ठाकरेंचा मोर्चा होणार आहे

मुख्यमंत्री हुशार माणूस -रोहित पवार

मुख्यमंत्री हुशार माणूस आहेत आमच्यात मतभेद आहेत मात्र विद्यार्थ्यांच्या हितासाठी आम्ही त्यांच्याशी चर्चेला तयार आहे मुख्यमंत्र्यांनी बोलवलं तर मी जाणार नाही मात्र विद्यार्थी चर्चेसाठी जातील. दुष्काळामुळे शेतकरी पूर्णतः आर्थिक अडचणीत आला आहे, अशी प्रतिक्रिया आमदार रोहित पवार यांनी दिली. एमपीएससीच्या विद्यार्थ्यांचा आंदोलन संपल्या संपल्या लगेच मी दुष्काळ दौऱ्यावर निघणार आहे. राजकारणात सध्या निवडणुकीत काय चालले हे मला माहीत नाही सध्या मी एमपीएससीच्या विद्यार्थ्यांसाठी लढत आहे, असे पवार म्हणाले.

मुंबईच्या मेट्रो परिसरात शिवसैनिक गावाखेड्यातून दाखल होण्यास सुरुवात

मुंबईच्या मेट्रो परिसरात शिवसैनिक गावाखेड्यातून दाखल होण्यास सुरूवात झाली आहे. बाळासाहेबांच्या काळातील जुने शिवसैनिक मोहन यादव हे पुन्हा या मोरच्यात आकर्षणाचं केंद्र ठरले आहेत. त्यांची भगव्या रंगाची शिवसेना गाडी आकर्षणाचं केंद्र आहे. राज ठाकरे हे भावी मुख्यमंत्री तर उद्धव ठाकरे हे भावी पंतप्रधान व्हावेत, मनसे शिवसेनेत विलीन करावी अशी मागणी त्यांच्याकडून केली जात आहे…

ठाकरेंच्या मोर्चास्थळी मायकल जॅक्सनचा बॅनर

लोकशाही आणि संविधान वाचवण्यासाठी आज ठाकरे बंधूंकडून मोर्चाची घोषणा करण्यात आलेली आहे. आज मुंबईतील मेट्रो सिग्नल ते मुंबई महानगरपालिकापर्यंत मोर्चा असणार आहे. या मोर्चास्थळी अनेक बॅनर आपल्याला पाहायला मिळत आहेत. त्यामध्येच एक मायकल जॅक्सनचा देखील बॅनर लागलेला आहे. या बॅनरवर बाळासाहेब असते तर त्यांनी हे कधीच होऊन दिलं नसतं, हे क्रूर सरकार हे सर्व करून आणत आहे, असा संदेश आहे.

ठाकरे बंधूंचा आज ‘गर्जना’ मोर्चा; पोलिसांकडून सर्व प्रमुख रस्त्यांवर बॅरिकेटींग

ठाकरे बंधूंचा आज ‘गर्जना’ मोर्चा आयोजित करण्यात आला आहे. ज्ञानेश कुमार यांच्या राजीनाम्याची मागणी मोर्चातून केली जाणार आहे. पोलिसांकडून सर्व प्रमुख रस्त्यांवर बॅरिकेटींग लावण्यात आले आहेत. राज ठाकरे आणि उद्धव ठाकरे आज पुन्हा एकदा एकाच मंचावर येणार आहेत. मुख्य निवडणूक आयुक्त ज्ञानेश कुमार यांच्या राजीनाम्याच्या मागणीसाठी मुंबईत विराट ‘गर्जना’ मोर्चा आयोजित केला जाणार आहे. शिवसेना (उद्धव बाळासाहेब ठाकरे) आणि महाराष्ट्र नवनिर्माण सेनेच्या पुढाकारातून मोर्चाचे आयोजन करण्यात आले आहे. आज सकाळी १० वाजता मेट्रो सिनेमा जंक्शनपासून मोर्चाला सुरुवात होणार आहे.

अभिजीत दिपकेंवर सदोष मनुष्यवधाचा गुन्हा दाखल करा- दादरमधील स्थानिक रहिवासी

अभिजीत दिपकेंवर सदोष मनुष्यवधाचा गुन्हा दाखल करण्याची मागणी स्थानिक रहिवाशींनी केली. कालच्या आंदोलनामुळे वृद्ध व्यक्तीचा हार्टअॅटकने मृत्यू झाल्याचे सांगण्यात आलं आहे. यावेळी दादर परिसरातील नागरिकांनी दिपकेंवर टीका देखील केली. स्थानिकांची मागणी पोलिसांकडून मान्य होते का, हे पाहणे आता महत्वाचे ठरणार आहे.

नाशिकमधील मनसे पदाधिकारी मोर्चासाठी मुंबईकडे रवाना

ठाकरे बंधूंच्या मुंबईतील मोर्चासाठी नाशिकमधून मनसे पदाधिकारी मुंबईकडे रवाना झाले आहेत. निवडणूक आयोगाच्या विरोधातील मोर्चात नाशिकमधील मनसैनिक सहभागी होत आहेत. मोर्चाच्या पार्श्वभूमीवर मुंबईकडे रवाना होत आहेत. शेकडो मनसैनिक मुंबईकडे रवाना होत आहेत. घोषणाबाजी करत मुंबईकडे रवाना होत आहे.

प्रत्येक मुंबईकर मोर्चात सहभागी होणार – ठाकरे गट

ठाकरे गटाचे संतोष शिंदे म्हणाले,  आज गर्जना मोर्चा पार पडतोय आमची तयारी पूर्ण झालेली आहे. प्रत्येक मुंबईकर या मोर्चात सहभागी होणार आहे. भायखळा ते सीएसटी असा आधीचा रूट होता, तो काही कारणास्तव बदलण्यात आला. मात्र इथेही मोठी गर्दी होणार आहे.मुख्य निवडणुक आयुक्त ज्ञानेश कुमार यांचा राजीनामा व्हावा यासाठी हा मोर्चा आहे. मेट्रो सिनेमाजवळून मोर्चा आम्ही सुरुवात करणार आहोत’.

गर्जना मोर्चामध्ये काँग्रेस सहभागी होणार – नाना पटोले

मुख्य निवडणूक आयुक्तांच्या विरोधात आज मुंबईत आयोजित करण्यात आलेल्या ठाकरे बंधूंच्या मोर्च्यामध्ये काँग्रेस पक्ष सहभागी होणार असल्याचे नाना पटोलेंकडून स्पष्ट करण्यात आले आहे. काँग्रेस नेते नाना पटोले यांनी म्हटले आहे की, SIR च्या माध्यमांतून आणि मतचोरीच्या माध्यमातून केंद्रीय निवडणूक आयोगाने ज्या काही गडबडी केल्या आहेत, त्याची वस्तुस्थिती आता जनतेसमोर आली आहे. देशातील लोकशाही वाचवणे हे केवळ काँग्रेस पक्षाचेच नव्हे, तर देशातील प्रत्येक नागरिकाचे कर्तव्य आहे’.

Garjana Morcha : गर्जना मोर्चाच्या ठिकाणी पोलिसांचा तगडा बंदोबस्त

गर्जना मोर्चाच्या ठिकाणी पोलिसांचा बंदोबस्त लावण्यात आला आहे. मेट्रो सिनेमा चौक ते मुंबई महानगरपालिकेपर्यंत हा पायी चालत आंदोलन होणार आहे.  निवडणूक आयुक्त ज्ञानेश कुमार यांच्या विरोधात ठाकरे बंधूंच आंदोलन आहे. आजच्या आंदोलनात शरद पवार यांची राष्ट्रवादी आणि काँग्रेस पक्ष सामील होणार आहे.