मंगरूळपीर-अकोला मार्गावर भीषण अपघात; 2 प्रवाशांचा जागीच मृत्यू
जागीच दोघांचा जीव गेला. इतर जखमींना रुग्णालयात हलवण्यात आलं. ऑटोने पलटी मारली. यावरून अपघाताची भीषणता समजते.
वाशिम : वाशिम जिल्ह्यातील मंगरूळपीर – अकोला महामार्गावरील पार्डी ताड फाट्याजवळ भरधाव ट्रॅक्टरने ऑटोरिक्षाला धडक दिली. या भीषण अपघातात 2 जणांचा जागीच मृत्यू झाला. 12 जण गंभीर जखमी झाले आहेत. या अपघातामधील गंभीर जखमींना मंगरुळपीर आणि अकोला येथील दवाखान्यात दाखल केलं आहे. या अपघातामध्ये ऑटोरिक्षाला ट्रॅक्टरने जबर धडक दिल्यानंतर ऑटोरिक्षाने दोन पलट्या मारल्या. या ऑटोरिक्षामधील सर्व प्रवासी मंगरुळपीर तालुक्यातील पार्डी ताड गावातील आहेत.
ट्रॅक्टर ऑटोला धडकला
ही घटना ग्रामीण भागातील आहे. ग्रामीण भागात रस्ते अरुंद असतात. अशावेळी दोन वाहन जात असतील, तर वाहन पुढं काढणं कठीण होते. शिवाय समोरून वाहन येण्याची शक्यता कमी असल्याने काही जण भरधाव वाहन चालवतात. ट्रॅक्टरचालक जोराने जात होता. तेवढ्यात ऑटोरिक्षाला धडकला. ही धडक येवढी मोठी होती की, दोन जणांचा जागीच मृत्यू झाला. तर इतर प्रवासी गंभीर जखमी झाले.
जखमी अकोला येथील रुग्णालयात
हा अपघात येवढा भीषण होता की, जागीच दोघांचा जीव गेला. इतर जखमींना रुग्णालयात हलवण्यात आलं. ऑटोने पलटी मारली. यावरून अपघाताची भीषणता समजते. लगेच गावकरी धावले. त्यांनी जखमींना रुग्णालयात पाठवण्याची व्यवस्था केली. पोलिसही घटनास्थळी दाखल झाले.
सर्व प्रवासी पार्डी ताड येथील
या अपघातातील सर्व प्रवासी हे पार्डी ताड येथील होते. दोन जणांच्या मृत्यू झाल्याने गावात शोककळा परसली आहे. गावातील बरेच लोकं रुग्णालयात दाखल झाले आहेत. रुग्णांची काळजी घेत आहेत. दोन्ही मृतदेहांचे शवविच्छेदन झाल्यानंतर मृतदेह गावात परत आणले जातील. पार्डी ताड गावावर शोककळा पसरली आहे.
