वाशिम

वाकाटक राजाची राजधानी म्हणून प्राचीन काळात वाशिमकडे पाहिले जाते. 1905 मध्ये महाराष्ट्रातील जिल्ह्यांच्या पुनर्रचनेत वाशिम हा अकोला जिल्ह्याला जोडण्यात आला होता. मात्र 26 जानेवारी 1998 रोजी पुन्हा वाशिम जिल्हा म्हणून घोषित करण्यात आला. 2011 च्या जनगणनेनुसार वाशिमची लोकसंख्या 78 हजार 387 इतकी आहे. यामध्ये पुरुषांची संख्या 52 टक्के, तर महिलांची 48 टक्के इतकी आहे. 15 टक्के लोकसंख्या 6 वर्षांखालील आहे. वाशिमची सरासरी साक्षरता 70 टक्के आहे. ही संख्या राष्ट्रीय सरासरी साक्षरतेपेक्षा जास्त आहे. 1869 मध्ये वाशिममध्ये नगरपरिषद स्थापन करण्यात आली. मात्र आता ती महाराष्ट्र नगरपालिका अधिनियम, 1965 अंतर्गत संचालित केली जाते. वाशिमची नगरपरिषद 18 सदस्यांची आहे. वाशिम जिल्ह्यात कारंजा, वाशिम आणि रिसोड हे तीन विधानसभा मतदारसंघ येतात. यवतमाळ-वाशिम लोकसभा मतदारसंघामध्ये या जिल्ह्याचा समावेश आहे. कोंडेश्वर मंदिर, पद्मतीर्थ, बालाजी मंदिर, बालाजी तलाव, राम मंदिर, दारिद्र्य हरण तीर्थ, माध्यमेश्वर मंदिर, नारायण महाराज मंदिर, गोंदेश्वर मंदिर यासारखी धार्मिक पर्यटनाची क्षेत्र इथे आहेत. अजूनही या परिसरात उत्खननात महादेवाच्या पिंडी सापडतात.

वाशिममधील राजकीय घडामोडी, गुन्हेगारीसह इतर बातम्या, फोटो, व्हिडीओ आणि लाईव्ह कव्हरेजसाठी टीव्ही9 मराठीच्या साईटला आवर्जून भेट द्या.