चेहरा झाकून अयोध्येतील राम मंदिरात पोहचला हा दिग्गज, त्यानंतर ओळखला गेला अन्…

अयोध्या, दि.27 जानेवारी 2024 | अयोध्येतील राम मंदिर आता सर्वसामान्य भाविकांसाठी खुले झाले आहे. त्यानंतर राम मंदिरात भाविकांची प्रचंड गर्दी होऊ लागली आहे. राम मंदिरात दर्शनासाठी अनेक सेलिब्रिटीज आणि दिग्गज येत आहेत. राम मंदिर प्राणप्रतिष्ठा सोहळ्यास अमिताभ बच्चनसह अनेक बॉलीवूड कलाकार आले होते. बॉलीवूड अभिनेता अनुपम खेर प्राणप्रतिष्ठा सोहळ्यास गेले होते. त्यानंतर दुसऱ्या दिवशी पुन्हा दर्शनासाठी गेले. यावेळी गर्दीत आपण ओळखले जाऊ नये, यासाठी त्यांनी काळजी घेतली होती. चेहरा पूर्ण झाकून ते दर्शनाच्या गर्दीत सहभागी झाले. त्यानंतर लोकांनी त्यांना ओळखले.

सोशल मीडियावर व्हिडिओ

अनुपम खेर यांनी स्वत: सोशल मीडियावर एक व्हिडिओ शेअर केला आहे. कॅप्शनमध्ये लिहिले की, ‘कृपया शेवटपर्यंत पाहा. काल मी आमंत्रित पाहुणे म्हणून राम मंदिरात दर्शनासाठी गेलो होतो. आज पुन्हा मंदिर जाण्याचा मोह झाला. त्यानंतर राम मंदिरात भक्तीचा समुद्र पाहण्यास मिळाला. हे सर्व पाहून माझे ह्रदय गदगद झाले. लोकांचा भगवान राम यांना पाहण्याचा उत्साह आणि भक्तीभाव दिसून आला. मी जेव्हा निघायला लागलो तेव्हा एक रामभक्त माझ्या कानात बोलला. ‘भैया जी मुंह ढकने से कुछ नहीं होगा! रामलला ने पहचान लिया!’

अनुपम खेर अजूनही सक्रीय

अनुपम खेर सोशल मीडियावर चांगलेच सक्रीय असतात. अनेक विषयांवर आपली रोखठोक मते ते मांडत असतात. 68 वर्षी बॉलीवूडमध्ये ते सक्रीय आहेत. आपला दमदार अभिनयामुळे दर्शकांची मने ते जिंकून घेतात. अनुपम खेर यांची ‘द कश्मीर फाइल्स’ हा चित्रपट चांगलाच चर्चेत आला होता. या चित्रपटातील त्यांच्या अभिनयाची चर्चा झाली होती.

भक्तांच्या गर्दीमुळे राम मंदिर ट्रेस्टने मंदिराची आरती आणि दर्शनाची वेळ बदलली आहे. दर्शन आता सकाळी सात वाजेपासून सुरु केले आहे. पंतप्रधान नरेंद्र मोदी यांनी केंद्रीय मंत्र्यांना तुर्त अयोध्या दौरा न करण्याचा सल्ला दिला आहे. सामान्य भाविकांना सुलभ दर्शन घेता यावे, म्हणून हा सल्ला मोदी यांनी मंत्र्यांना दिला आहे.