तिळ्यांचा आईसोबत कोरोनाशी लढा, तिघांचाही रिपोर्ट निगेटिव्ह

जगभरात कोरोनाने थैमान घातलं आहे. त्यातच छत्तीसगडमध्ये (Chhattisgarh) एक आश्चर्यकारक घटना घडली आहे.

तिळ्यांचा आईसोबत कोरोनाशी लढा, तिघांचाही रिपोर्ट निगेटिव्ह

रायपूर : जगभरात कोरोनाने थैमान घातलं आहे. त्यातच छत्तीसगडमध्ये (Chhattisgarh) एक आश्चर्यकारक घटना घडली आहे. एका कोरोना बाधित गरोदर महिनेले तीन मुलांना जन्म दिला. मात्र, या तिळ्यांना कोरोनाची कोणतीही बाधा झाली नाही. या सर्वांचे कोरोना रिपोर्ट निगेटिव्ह आले आहेत (Corona positive woman gives birth to 3 healthy children in Raipur AIIMS).

कोरोना बाधित ही 28 वर्षीय महिला 18 ऑक्टोबरला रायपूरच्या अखिल भारतीय आयुर्विज्ञान संस्थेत (AIIMS) दाखल झाली. तिने तीन मुलांना जन्म दिला होता. आईला कोरोना बाधा असल्याने मुलांना कोरोनाचा संसर्ग होण्याचा खूप धोका होता. त्यामुळे या तिन्ही मुलांची कोरोना चाचणी करण्यात आली. यात तिघेही अगदी ठणठणीत असून त्यांना कोरोनाचा संसर्ग झाला नसल्याचं स्पष्ट झालं.

डॉक्टरांनी दिलेल्या माहितीनुसार, “या महिलेची प्रसुती खूप आव्हानात्मक होती. तिन्ही मुलांना जन्मानंतर लगेचच ऑक्सिजन देण्याची आणि व्हेंटिलेटरवर ठेवण्याची गरज पडली होती. तिन्ही नवजात बाळांची पहिली कोरोना चाचणी करण्यात आली. ती निगेटिव्ह आली आहे. असं असलं तरी खबरदारी म्हणून त्यांच्या आणखी कोरोना चाचणी करण्यात येणार आहे.

कोरोना बाधित महिलेने तीन मुलांना जन्म देण्याची एम्समधील ही पहिलीच घटना आहे. नुकताच तामिळनाडुमध्ये (Tamil Nadu) कोविड-19 चा संसर्ग झालेल्या 44 वर्षीय गर्भवती महिलेने जुळ्या मुलांना जन्म दिला होता. कोरोना संसर्गासह प्रसुतीशी संबंधित काही गुंतागुंतींमुळे डॉक्टरांना संबंधित महिलेची सर्जरी करताना अनेक अडचणींचा सामना करावा लागला. या घटनेतील आई आणि मुलं अगदी सुरक्षित आहेत. या महिलेला अनेक वर्षांपासून मुलं नव्हती.

हेही वाचा :

मुंबईकरांना दिलासा, कोरोना रुग्ण दुपटीचा कालावधी शंभरीपार

Coronavirus Vaccine: पुढच्या वर्षी जूनपर्यंत येणार कोरोनाची देशी लस, भारत बायोटेकचा दावा

Good News: लवकरच येणार कोरोना वॅक्सिन, डिसेंबरपर्यंत मॉडर्ना लसीला मिळणार मंजुरी

Corona positive woman gives birth to 3 healthy children in Raipur AIIMS

कमेंट करा

कमेंट करा

Your email address will not be published. Required fields are marked *