Success Story: पदवीच्या अंतिम वर्षालाच UPSC ची तयारी, पहिल्यातच प्रयत्नात उत्तीर्ण, झाली IFS

युपीएससीच्या परीक्षेत बसून यश मिळवणे सोपे नाही. मोठ्या पदाची सरकारी नोकरी आणि अन्य सुविधांसाठी हजारो तरुण दरवर्षी या सर्वात अवघड परीक्षेस बसत असतात. मोजक्या लोकांना या परीक्षेत पहिल्याच प्रयत्नात यश मिळते. अनेक जण बरेच प्रयत्न करुनही यश मिळवू शकत नाहीत. हिमाचल प्रदेशातील मुस्कान जिंदल हीने केवल २२ व्या वर्षात पहिल्या प्रयत्नात युपीएससीची सिव्हील सेवा परीक्षा पास केली आहे. तिची आयएएस बनण्याची इच्छा होती. परंतू तिने आयएएस ऐवजी भारतीय विदेश सेवा म्हणजेच आयएफएस (IFS)निवड केली आहे.

मुस्कान लहानपणापासून अभ्यासात हुशार होती. तिने सुरुवातीलाच सिव्हील सेवेत जायचे असे ठरवले होते. १२ वी मध्ये तिला ९६ टक्के मिळाले होते. त्यानंतर ती अभ्यासासाठी चंदीगड येथे गेली. जेथे तिने एस.डी.कॉलेजमधून बीकॉम (ऑनर्स) केले. कॉलेजातही तिने तिची बुद्धीमत्ता दाखवली आणि ग्रॅज्युएशनमध्ये टॉप आली.

ऑल इंडिया 87 वी रँक मिळवली

मुस्कान हीने पदवीच्या अंतिम वर्षाला असतानाच युपीएससीची तयारी सुरु केली होती. रोज ४ ते ५ तास अभ्यास करुन ती तिच्या ध्येय्याकडे चालली होती. ग्रॅज्युएशन पूर्ण झाल्यानंतर वय कमी असल्याने लगेच तिला परीक्षेस बसता आले नाही.परंतू यावेळेचा उपयोग करुन अभ्यास सुरुच ठेवला. साल २०१९ मध्ये मुस्कानने पहिल्यांदा युपीएससीची परीक्षा दिसी आणि पहिल्याच प्रयत्नात यश मिळवले. तिला ऑल इंडिया 87 रँक मिळाली. त्यानंतर तिने भारतीय विदेश सेवा (IFS) क्षेत्र निवडले.

मोबाईल आणि इंटरनेटचा योग्य वापर

आयएफएस मुस्कान जिंदल हीने तिच्या यशाला स्वयंशिस्त आणि सेल्फ कंट्रोल जबाबदार असल्याचे म्हटले आहे. तिने मोबाईल आणि इंटरनेटचा योग्य वापर करुन अभ्यासातून लक्ष भटकू दिले नाही. अभ्यास आणि मानसिक संतुलनाचा चांगला ताळमेळ राखला. आपल्या यशा कुटुंबियांची साथ जबाबदार असल्याचे ती म्हणते. आई-वडीलांनी नेहमी आत्मविश्वास वाढवला, प्रत्येक पावलांवर तिला साथ दिली आहे. आज मुस्कान केवळ आयएफएस अधिकारीच नाही तर तरुणांचे प्रेरणा स्थान आहे.