इराणचा युद्धात मोठा विजय, अमेरिकेला आतापर्यंतचा सर्वात मोठा धक्का, युद्धभूमीतून मोठी बातमी

अमेरिका, इस्त्रायल आणि इराणमध्ये भीषण युद्ध सुरू आहे. गेल्या एक महिन्यापासून हे युद्ध सुरू आहे. या युद्धात अमेरिका आणि इस्त्रायलच्या हल्ल्यांमध्ये इराणचं मोठं नुकसान झालं आहे. इराणमधील अनेक एअरबेस उद्ध्वस्त झाले आहेत. मात्र दुसरीकडे अजूनही इराणने या युद्धातून माघार घेतलेली नाहीये.इराणकडून देखील अमेरिका आणि इस्त्रायलवर हल्ले सुरूच आहेत. दरम्यान आता मोठी बातमी समोर आली आहे. ती म्हणजे इराणने अमरिकेचं आणखी एक फायटर जेट पाडलं आहे. इराणच्या सरकारी मीडियाने दिलेल्या माहितीनुसार इराणच्या सैन्यांनी अमेरिकेचं सर्वात आधुनिक F-15 ईगल लढावू विमान पाडलं आहे. इराणच्या इस्लामिक रिवोल्यूशनरी गार्डकडून या विमानाला लक्ष्य करण्यात आलं. हा अमेरिकेसाठी मोठा धक्का मानला जात आहे. दरम्यान अमेरिकेनं देखील या वृत्ताला दुजोरा दिला आहे. आमचा पायलट देखील गायब असल्याचं अमेरिकेनं म्हटलं आहे.

एवढंच नाही तर इराणने अमेरिकेचं फायटर जेट तर पाडलच आहे, परंतु अमेरिकेच्या ब्लॅक हॉक हेलिकॉप्टरला देखील इराणकडून लक्ष्य बनवण्यात आलं आहे. इराणने अमेरिकेचं हे हेलिकॉप्टर देखील पाडलं आहे. पायलटला वाचवण्यासाठी हे हेलिकॉप्टर आलं होतं, ते हेलिकॉप्टर देखील इराणने पाडलं आहे. अमेरिकेनं रेस्क्यू साठी एक C-130 विमान आणि चार हेलिकॉप्टर पाठवले होते, या हेलिकॉप्टरवर इराणकडून हाल्ला करण्यात आला आहे, समोर आलेल्या माहितीनुसार यातील एक हेलिकॉप्टर इराणने पाडलं आहे.

तस्नीम न्यूजच्या एका रिपोर्टनुसार इराणने अमेरिकेचं फायटर जेट F-15 ईगल पाडलं, त्यानंतर पायलटनं इंजेक्ट केलं तो खाली उतरला. मात्र अजूनही पायलटचा शोध लागलेला नाही, पायलट आमच्या ताब्यात असल्याचा दावा इराणकडून करण्यात आला आहे. तर काही न्यूज रिपोर्टनुसार विमानाचा भीषण स्फोट झाला, या स्फोटामध्ये पायलटचा देखील मृत्यू झाला आहे. दरम्यान यापूर्वी इराणने अमेरिकेचं F-35 फायटर जेट देखील पाडलं होतं.हा अमेरिकेसाठी इराणचा मोठा धक्का मानला जात आहे. युद्ध सुरू झाल्यानंतर 15 दिवसांनी अमेरिकेचे राष्ट्राध्यक्ष डोनाल्ड ट्रम्प यांच्याकडून युद्धविरामाचा देखील प्रयत्न झाला, मात्र अजूनही युद्ध विराम होऊ शकलेला नाहीये.