युट्यूबर ज्योती मल्होत्राच्या प्रकरणानंतर सरकार अलर्ट मोडवर; युट्यूबर्ससाठी आता कडक नियम अन् कायदे
युट्यूबर ज्योती मल्होत्राच्या अटकेनंतर भारत सरकार आता अलर्ट मोडवर आलं आहे. आता युट्यूबर्स आणि सोशल मीडिया इन्फ्लुएंसरसाठी सरकारकडून कडक नियम करण्यात येणार असल्याचं म्हटलं जात आहे. ट्रॅव्हल ब्लॉगर्सनी तयार केलेल्या कंटेंटसाठी देखील आता कडक नियम असणार आहेत.
युट्यूबर ज्योती मल्होत्राच्या अटकेनंतर सरकार अलर्ट मोडवर आलं आहे. यामुळे आता युट्यूबर्स आणि सोशल मीडिया इन्फ्लुएंसरसाठी सरकारकडून आता कडक नियम करण्यात आले आहेत. ट्रॅव्हल ब्लॉगर्सनी तयार केलेल्या कंटेंटसाठी कडक नियम असणार आहेत. हरियाणा सरकार एक नवीन कारवाई करण्याच्या तयारीत आहे. युट्यूबर्स आणि सोशल मीडिया इन्फ्लुएंसरसाठी सरकारकडून नवीन मार्गदर्शक तत्त्वे तयार केली जाऊ शकतात. ट्रॅव्हल ब्लॉगर्सनी तयार केलेल्या कंटेंटसाठी कडक नियम असतील.
युट्यूबर्स आणि सोशल मीडिया इन्फ्लुएंसरसाठी कडक कायदे तयार होणार
खरं तर, हरियाणाचे मुख्यमंत्री नायब सैनी यांनी त्यांच्या गृह विभागाच्या एका अधिकाऱ्याला या संदर्भात कडक सूचना दिल्या आहेत. यासोबतच, त्यांना मानक कार्यप्रणाली (SOPs) चा मसुदा तयार करण्यास सांगण्यात आले आहे. माहितीनुसार, त्यात अनेक विभागांचे समन्वय देखील समाविष्ट असेल, ज्यामध्ये गृह विभाग, आयटी विभाग इत्यादींचा समावेश असेल.
त्यामुळे आता ज्योती मल्होत्राच्या प्रकरणानंतर भारतातील युट्यूबर्स आणि सोशल मीडिया इन्फ्लुएंसरसाठी नक्कीच काही कडक कायदे आणि नियम तयार होण्याची शक्यता आहे. आणि ते नियम काय असतील याची माहिती सरकार देईलच.
मुख्यमंत्र्यांशी भेट
हरियाणाच्या गृहसचिव सुमिता मिश्रा यांनी सांगितले की, मुख्यमंत्र्यांच्या नेतृत्वाखाली एक आढावा बैठक झाली. यावेळी कायदा आणि सुव्यवस्थेवर चर्चा झाली. तसेच, जिल्ह्यातील एसएसपी, सीपी आणि डीसी यांच्यात समन्वयावर भर देण्यात आला. मुख्यमंत्र्यांसोबतच्या बैठकीत पाकिस्तानसाठी हेरगिरी केल्याचा आरोप असलेल्या ज्योती मल्होत्राबद्दलही चर्चा झाली. येथे सोशल मीडिया आणि युट्यूबर कंटेंटबद्दल देखील चर्चा झाली.
ज्योतीची वेगवेगळ्या पथकांनी चौकशी केली
पाकिस्तानी हेरगिरीच्या आरोपाखाली अटक करण्यात आलेल्या ज्योतीला पाच दिवसांची कोठडी देण्यात आली होती. या काळात वेगवेगळ्या संघांनी त्याला अनेक प्रश्न विचारले. ज्योतीच्या वारंवार पाकिस्तान भेटी आणि पाकिस्तान उच्चायुक्तालयात तिच्या प्रवेशाबद्दल प्रश्न उपस्थित करण्यात आले. तसेच ज्योती मल्होत्राकडून पाकिस्तानात कोणी कोणाची कोणाशी ओळख करून दिली आणि कधी केली या प्रत्येक प्रश्नाची उत्तरे एजन्सींना मिळाली आहेत. तपासादरम्यान, पोलिसांना एक तुटलेला मोबाईल फोन देखील सापडला जो जप्त करून फॉरेन्सिक टीमकडे पाठवण्यात आला. सूत्रांनी दिलेल्या माहितीनुसार, या मोबाईलमधून डिलीट केलेला डेटा रिकव्हर करण्याची प्रक्रिया सुरू आहे.
