Video | विमानाचं लॅन्डिंग तर नीटनेटकं झालं, पण लॅन्ड झाल्यानंतर रनवे सोडून भलतीकडे कसं काय घुसलं?

रनवेवरुन हे विमान नीट जात होतं. अशातच अचानक या विमानानं रनवेचा (Runway) मार्ग सोडला आणि हे विमान भलत्याच दिशेनं भरकटलं. रनवेपासून काही अंतरावर असलेल्या एका इलेक्ट्रीक पोलला धडकली. सुदैवानं या घटनेत कोणतीही जीवितहानी झाली नाही.

थोडक्यात मोठा अनर्थ टळलाImage Credit source: Twitter

TV9 मराठी डिजीटल टीम | Edited By: सिद्धेश सावंत | Updated on: Mar 06, 2022 | 3:34 PM

कानपूर : कानपुरात एका विमानाचा (Aeroplane) विचित्र अपघात समोर आला आहे. एकानं मोबाईल कॅमेऱ्यात (Mobile Camera) ही सगळी घटना कैद केली आहे. या अपघाताचा हा व्हिडीओ आता व्हायरल झाला आहे. एक विमान लॅन्ड होतं. रनवेवरुन हे विमान नीट जात होतं. अशातच अचानक या विमानानं रनवेचा (Runway) मार्ग सोडला आणि हे विमान भलत्याच दिशेनं भरकटलं. रनवेपासून काही अंतरावर असलेल्या एका इलेक्ट्रीक पोलला धडकली. सुदैवानं या घटनेत कोणतीही जीवितहानी झाली नाही. मात्र विमानाचं मोठं नुकसान झालंय. आश्चर्याची गोष्ट म्हणजे ही घटना गेल्या आठवड्यात मंगळवारी घडली होती. मात्र याचा व्हिडीओ आता सगळ्याच सोशल मीडियावर पुन्हा एकदा व्हायरल होतोय.

नेमकं असं का घडलं?

कानपूरच्या चकेरी एअरपोर्टच्या अधिकाऱ्यांनी या बाबत अधिक माहिती दिली आहे. चेन्नईहून कानपूरला डोजिअर विमान येत होते. या विमानाचं लॅन्डिंग झाल्यानंतर या विमानचं उजव्या बाजूचं इंजिन निकामी झालं. त्यानंतर हे विमान रनवेवर असतानाच त्याचा बॅलन्स गेला. यानंतर विमान एका बाजुला झुकत गेलं.

वैमानिकालाही बॅलन्स नियंत्रित करण्यात अडचणी आल्या आणि अखेर हे विमान रनवेपासून काहीच अंतरावर असलेल्या एका लोखंडाच्या वस्तूला धडकलं. यानंतर विमानाला आगही लागली होती.

सुदैवानं या घटनेनंतर तातडीनं पायलट आणि वायूसेनेच्या जवानांना तातडीनं बाहरे काढण्यात आलं. त्यामुळे त्यांचा जीव थोडक्यात वाचलाय.

पाहा व्हिडीओ –

Coast Guard plane suffers engine snag, rams into structure at Kanpur’s HAL airport pic.twitter.com/4iaugZT2AI

— Technical Astra (@kishanchand_89) March 6, 2022