‘लश्कर-ए-तैयबा’कडून अंबाला रेल्वे स्टेशन उडवण्याची धमकी; शहराच्या सुरक्षेमध्ये वाढ

अंबाला – दहशतवादी संघटना असलेल्या लश्कर-ए-तैयबाकडून चंदीगढ आणि अंबाल रेल्वे स्टेशन बॉम्बने उडून देण्याची धमकी देण्यात आली आहे. अंबालाच्या डिव्हिजनल रेल्वे मॅनेजरला एक पत्र पाठवण्यात आले आहे. त्यामध्ये येत्या 26 नोव्हेंबर आणि 6 डिसेंबरला रेल्वे स्टेशनमध्ये बॉम्बस्फोट करण्यात येणार असल्याचे म्हटले आहे. सुत्रांनी दिलेल्या माहितीनुसार या पत्रात हरियाणाचे मुख्यमंत्री आणि राज्यपाल यांना देखील धमकी देण्यात आली आहे. चंदीगढ आणि अंबाला सोबतच यमुनानगर, शिमला हे देखील रेल्वे स्टेशन आमच्या निशाण्यावर असल्याचे पत्रात म्हटले आहे.

सुरक्षेच्या दृष्टीने महत्त्वाचे शहर 

अंबाला हे सुरक्षेच्या दृष्टीकोणातून संवेदनशील शहर असल्याने या पत्राची विशेष दखल घेण्यात आली आहे.  दरम्यान हे पत्र कोणी पाठवले? कुठून आले याचा शोध अंबाला पोलिसांकडून सुरू आहे. डिव्हिजनल रेल्वे मॅनेजरच्या तक्रारीवरून या प्रकरणात एक जणाविरोधात गुन्हा दाखल करण्यात आला असून, मोहम्मद अमीम शेख असे या आरोपीचे नाव असल्याची माहिती पोलिसांनी दिली.

पोलिसांकडून तपासाला सुरुवात 

बॉम्बस्फोट करण्याच्या धमकीचे पत्र मिळाल्याने खळबळ उडाली आहे. हे पत्र खरच लश्कर-ए-तैयबाकडून पाठवण्यात आले आहे का ? याचा शोध पोलीस घेत आहेत. या पत्रामध्ये अंबाला, चंदीगढ रेल्वे स्टेशनसोबतच यमुना नगर, शिमला रेल्वे स्टेशन उडून देण्याची धमकी देण्यात आली आहे. तसेच रेल्वेच्या विविध पूलावर देखील बॉम्बस्फोट करण्यात येणार असल्याचे म्हटले आहे. त्यामुळे शहराच्या सुरक्षेत वाढ करण्यात आली आहे.

संबंधित बातम्या 

जे तलवार चालवतात ते तलवारीच्या घावानेच मरतात, तलवारीची मूठ आमच्याही हाती येईल; राऊतांचा इशारा

India China conflict: भारतीय हद्दीत कोणतेही अतिक्रमण नाही, चीन LAC वर गाव वसावत असल्याचा USAच्या अहवालावर वाद चुकीचा – बिपिन रावत

Salman Khurshid Book Controversy:”हिंदुत्वाची तुलना ISIS शी करणं चुकीचं”- गुलाम नबी आझाद