Salman Khurshid Book Controversy:”हिंदुत्वाची तुलना ISIS शी करणं चुकीचं”- गुलाम नबी आझाद

काँग्रेसचे ज्येष्ठ नेते गुलाम नबी आझाद यांनी माजी केंद्रीय मंत्री सलमान खुर्शीद यांच्या नवीन पुस्तकातील हिंदुत्वाबाबत केलेल्या वक्तव्याबाबत खुलेआम असहमती दाखवली आहे. हिंदुत्वाची तुलना ISIS शी केली जाऊ शकते, हे चुकीचे आहे आणि अतिशयोक्ती असल्याचे, गुलाम नबी आझाद यांनी म्हटले. खुर्शीद यांच्या नवीन पुस्तकात हिंदुत्वाबद्दल जी मतं मांडली आहेत, त्याच्यावरून सध्या देशात वाद सुरू आहे. (Congress Ghulam Nabi Azad disagrees with Salman Khurshid new book about Hindutva comparing with ISIS)

खुर्शीद यांच्या पुस्तकाचा संदर्भ देत आझाद यांनी ट्विट केले की, “हिंदू धर्माच्या मिश्र संस्कृतीपासून वेगळे असलेली राजकीय विचारधारा म्हणून हिंदुत्वाशी आम्ही असहमत असलो, तरी ISIS आणि जिहादी इस्लामशी हिंदुत्वाची तुलना करणे हे वास्तवात चुकीचे आणि अतिशयोक्ती आहे.’

आझाद हे काँग्रेसच्या ‘G23’ गटाचे प्रमुख नेते आहेत. खुर्शीद यांनी अनेक प्रसंगी उघडपणे या गटावर टीका केली असून त्यांना गांधी घराण्याचे विश्वस्त मानले जाते.

In Mr. Salman Khursheed’s new book, we may not agree with Hindutva as a political ideology distinct from composite culture of Hinduism, but comparing Hindutva with ISIS and Jihadist Islam is factually wrong and an exaggeration.

— Ghulam Nabi Azad (@ghulamnazad) November 11, 2021

काय म्हणाले सलमान खुर्शीद?

याबाबत विचारले असता खुर्शीद यांनी ‘एबीपी न्यूज’ ला सांगितले की, “हिंदू धर्म हा अत्यंत उच्च दर्जाचा धर्म आहे. यासाठी गांधीजींनी जी प्रेरणा दिली, त्याहून मोठी प्रेरणा दुसरी असूच शकत नाही. मी नवीन लेबल का स्वीकारू? कोणी हिंदू धर्माचा अपमान केला तरी मी बोलेन. मी म्हणालो, की जे हिंदुत्वाचे राजकारण करतात ते चुकीचे आहेत आणि ISIS देखील चुकीचे आहे.”

दरम्यान, राजधानी दिल्लीतील एका वकिलाने खुर्शीद यांच्याविरोधात दिल्ली पोलिसात तक्रार नोंदवली आहे. वकील विवेक गर्ग यांच्या म्हणण्यानुसार, खुर्शीद यांनी त्यांच्या “सनराईज ओव्हर अयोध्या: नेशनहूड इन अवर टाइम्स” या पुस्तकात लिहिले आहे की, “ऋषी आणि संतांना ज्ञात असलेला सनातन धर्म आणि शुद्ध हिंदू धर्म (क्लासिकल हिन्दुइज्म) हे हिंदुत्वाचे असंस्कृत स्वरूप आहे. हे सर्व पॅरामीटर्स, ISIS आणि बोको हराम सारख्या गटांद्वारे अलीकडील वर्षांच्या जिहादी इस्लामची राजकीय आवृत्ती आहे.”

“1990 मध्ये अडवाणींनी रथयात्रा काढली आणि समाजात फूट पडली, जिथे गेले तिथे द्वेषाची बीजे पेरली”- दिग्विजय सिंहांचा घणाघात#Digvijaysingh #Congress #LalKrishnaAdvani #BJP #SalmanKhurshid #Ayodhya https://t.co/8hAxtzUNc0

— TV9 Marathi (@TV9Marathi) November 10, 2021

Other News

UP Elections 2022: निवडणुकीच्या रणनीतीवर उद्या अमित शाह घेणार वाराणसीत बैठक, भाजपचे सर्व 403 विधानसभा प्रभारी राहणार उपस्थित

Kangana Ranaut: ‘या विचारसरणीला वेडेपणा म्हणावे की देशद्रोह?’, भाजप खासदार वरुण गांधींची कंगनावर जोरदार टीका