Corona Cases in India | देशात नव्या कोरोनाग्रस्तांमध्ये पुन्हा वाढ, कोरोनाबळींच्या संख्येत मात्र घट
भारतातील एकूण कोरोनाग्रस्तांचा आकडा आता तब्बल 2 कोटी 73 लाख 69 हजार 93 वर गेला आहे. (Corona Cases 24 hours)
नवी दिल्ली : देशात कोरोनाग्रस्तांच्या रुग्णसंख्येत (Corona Cases in India) सलग चार दिवस घट झाल्यानंतर किंचितशी वाढ झाली आहे. आदल्या दिवसाच्या तुलनेत कोरोना बाधितांच्या संख्येत तब्बल 3 हजारांनी वाढ झाली आहे. कालच्या दिवसात 2 लाख 11 हजार 298 नवीन कोरोनाबाधित रुग्णांची नोंद झाली. मोठ्या कालावधीनंतर एका दिवसातील रुग्णसंख्या दोन लाखांच्या खाली गेली होती, परंतु पुन्हा एकदा हा आकडा वाढताना दिसत आहे. कालच्या दिवसात 3 हजार 847 कोरोनाग्रस्तांना प्राण गमवावे लागले आहेत. नवे कोरोनाग्रस्त रुग्ण वाढले, मात्र कोरोनाबळींच्या संख्येत घट झाल्याने काहीसा दिलासा मानला जात आहे. (New 211298 Corona Cases in India in the last 24 hours)
24 तासातील आकडेवारी
गेल्या 24 तासात भारतात 2 लाख 11 हजार 298 नव्या कोरोनाबाधित रुग्णांची नोंद झाली आहे. तर 3 हजार 847 रुग्णांना प्राण गमवावे लागले. कालच्या दिवसात देशात 2 लाख 83 हजार 135 जण कोरोनामुक्त होऊन घरी परतले.
आतापर्यंतची आकडेवारी
भारतातील एकूण कोरोनाग्रस्तांचा आकडा 2 कोटी 73 लाख 69 हजार 93 वर गेला आहे. देशात 2 कोटी 46 लाख 33 हजार 951 रुग्ण बरे झाले आहेत. आतापर्यंत 3 लाख 15 हजार 235 रुग्णांनी कोरोनामुळे प्राण गमावले आहेत. तर 24 लाख 19 हजार 907 इतके सध्याच्या घडीला सक्रिय रुग्ण आहेत.
आतापर्यंत कोरोना लसीकरण झालेल्या देशातील नागरिकांची संख्या 20 कोटी 26 लाख 95 हजार 874 इतकी असल्याची माहिती केंद्रीय आरोग्य मंत्रालयाने दिली आहे.
देशातील कोरोना रुग्ण आकडेवारी
देशात 24 तासात नवे रुग्ण – 2,11,298
देशात 24 तासात डिस्चार्ज – 2,83,135
देशात 24 तासात मृत्यू – 3,847
एकूण रूग्ण – 2,73,69,093
एकूण डिस्चार्ज – 2,46,33,951
एकूण मृत्यू – 3,15,235
एकूण अॅक्टिव्ह रुग्ण – 24,19,907
आतापर्यंत लसीकरण झालेली संख्या – 20,26,95,874 (Corona Cases 24 hours)
संबंधित बातम्या :
पुण्यातील भारत बायोटेकच्या प्लांटची वेगाने उभारणी; शास्त्रज्ञ, अभियंत्यांच्या भरतीला लवकरच सुरुवात
“खोकला, शिंकणे किंवा बोलल्यानं कोरोना हवेत पसरतो”, केंद्राने नियमावली बदलली, वाचा नवे नियम
(New 211298 Corona Cases in India in the last 24 hours)
