Pulawama Mastermind Killed : महत्वाची बातमी, भारताचा मोठा शत्रू, पुलवामा हल्ल्याचा मास्टरमाइंड हमाजाचा POK मध्ये खात्मा
Pulawama Mastermind Killed : भारताच्या एका मोठ्या शत्रुचा पाकव्याप्त काश्मीरमध्ये खात्मा झाला आहे. पुलवामा दहशतवादी हल्ल्याच्या मास्टरमाइंडला उडवलं आहे. भारताने पुलवामा हल्ल्यात आपले शूर 40 सैनिक गमावले होते.
पुलवामा दहशतवादी हल्ल्याच्या मास्टरमाइंडचा खात्मा झाला आहे. पाकव्याप्त काश्मीरमधील मुजफ्फराबादमध्ये हमजा बुरहानची हत्या झाली आहे. एका अज्ञात हल्लेखोराने त्याच्यावर गोळ्या झाडल्या. त्यात हमजा बुरहानचा मृत्यू झाला. हमजा बुरहान पुलवामा दहशतवादी हल्ल्याचा मास्टरमाइंड होता. अल बदरचा तो प्रमुख होता. पाकिस्तानात बसून त्याने भारताविरोधात अनेक दहशतवादी हल्ले घडवून आणले. त्याता पुलवामा एका प्रमुख मोठा हल्ला होता. पुलवामा दहशतवादी हल्ल्यात भारताने आपले CRPF चे 40 जवान गमावले होते. हा हमजा पाकिस्तानात स्वत:ला शिक्षक म्हणून दाखवायचा. 14 फेब्रुवारी 2019 रोजी पुलवामा येथे जवानांच्या बसला स्फोटकांनी भरलेली कार येऊन आदळली होती. त्यात भारताचे 40 जवान शहीद झाले होते.
एका अज्ञात बंदुकधाऱ्याने हमजा बुरहानवर मुजफ्फराबादमध्ये गोळ्या झाडल्या. हमजा पाकव्याप्त काश्मीरमध्ये आपल्या कार्यालयाजवळ असताना हा हल्ला झाला. काही लोक तिथे आले व त्यांनी हमाजच्या शरीराची गोळ्यांनी चाळण केली. 2019 नंतर अनेक दहशतवादी हल्ल्यांमध्ये त्याचा सहभाग होता. पीओकेमध्ये तो दहशतवाद्यांना ट्रेनिंग देत होता. दहशतवाद्यांची घुसखोरीसाठी मदत करायचा.
पुलवामा हल्ल्याचा बदला म्हणून भारताने बालाकोटमध्ये ऑपरेशन केलं. भारताने बालाकोटमध्ये एअर स्ट्राइक केला होता. इंडियन एअर फोर्सच्या फायटर जेट्सनी बालाकोटमध्ये घुसून दहशतवादी तळ उडवून दिले होते.
दुपारी 3.15 च्या सुमारास धडक
14 फेब्रुवारी 2019 रोजी दुपारी 3.15 च्या सुमारास जम्मू-काश्मीरच्या पुलवामा जिल्ह्यात जम्मू-श्रीनगर नॅशनल हायवे वर एक भयानक दहशतवादी हल्ला झाला. पाकिस्तान स्थित जैश-ए-मोहम्मदचा दहशतवादी स्थानिक कश्मिरी युवक आदिल अहमद डारने 300-350 किलो IED स्फोटकांनी भरलेलं वाहन CRPF च्या बसलं धडकवलं. यात 40 जवान शहीद झाले. या हल्ल्यानंतर 12 दिवसांनी 26 फेब्रुवारी 2019 रोजी भारतीय हवाई दलाने बालाकोटमध्ये जैश-ए-मोहम्मदच्या तळावर हल्ला केला. यात मोठ्या संख्येने दहशतवादी मारले गेले होते.
ही यादी मोठी
मागच्या काही वर्षात पाकिस्तानात राहून भारतविरोधी दहशतवादी कारवाया करणारे किंवा आधी ज्यांनी केल्या आहेत, त्यांना एक-एक करुन संपवलं जात आहे. यामागे कोण आहे? माहित नाही. पण अज्ञात बंदुकधाऱ्यांच्या हल्ल्यात हे दहशतवादी मारले जात आहेत. पाकिस्तानात अज्ञात बंदुकधाऱ्याच्या हल्ल्यात मारले गेलेल्या दहशतवाद्यांची यादी मोठी आहे.
