जगाला ज्याची प्रतिक्षा होती अखेर ती बातमी आलीच, या दिवशी सुरू होणार स्ट्रेट ऑफ होर्मुज, डोनाल्ड ट्रम्प यांच्याकडून थेट घोषणा

इराण आणि अमेरिकेमध्ये सुरू असलेल्या संघर्षामुळे अजूनही स्ट्रेट ऑफ होर्मूज बंदच आहे. स्ट्रेट ऑफ होर्मुज बंद असल्यामुळे भारतासह अनेक देशांना त्याचा मोठा फटका बसला आहे. मोठं ऊर्जा संकट निर्माण झालं आहे. स्ट्रेट ऑफ होर्मुज बंद असल्यामुळे मध्य पूर्वेतून येणारा एलपीजी आणि कच्च्या तेलाचा पुरवठा ठप्प झाला आहे. स्ट्रेट ऑफ होर्मुज कधी सुरू होणार? याकडे सर्व जगाचं लक्ष लागलं आहे. या पार्श्वभूमीवर आता मोठी बातमी समोर येत आहे, ती म्हणजे आता स्ट्रेट ऑफ होर्मुज कधी सुरू होणार? याची तारीख समोर आली आहे, स्वत: अमेरिकेचे राष्ट्राध्यक्ष डोनाल्ड ट्रम्प यांनी याबाबत माहिती दिली आहे. इराणसोबत अणु कराराबाबत सुरू असलेली अमेरिकेची चर्चा आणि स्ट्रेट ऑफ होर्मुज कधी पुन्हा एकदा सुरू होणार? याबाबत अत्यतं मोठी अपडेट डोनाल्ड ट्रम्प यांनी दिली आहे.

नेमकं काय म्हटलं ट्रम्प यांनी?

इराणसोबत आमची चर्चा सुरू आहे, परंतु त्यांच्यासोबत करार करण्यास प्रामुख्याने दोन कारणांमुळे विलंब होत आहे. एक म्हणजे इस्त्रायल आणि हिजबुल्लाह यांच्यामधील संघर्ष, इस्त्रायलकडून सातत्याने लेबनॉनवर हल्ले सुरू आहेत, आणि दुसरं महत्त्वाचं कारण म्हणजे मोजतबा खामेनेई यांना या चर्चेत सहभागी होऊ न देणं हे आहे. जाणून बुजून अमेरिकेचा संदेश मोजतबा खामेनेई यांच्यापर्यंत उशिरा पोहचवला जात आहे, त्यामुळे करारामध्ये अडथळे निर्माण होत आहेत, असं डोनाल्ड ट्रम्प यांनी म्हटलं आहे. इराणच्या सरकारी वृत्तसंस्थेनं दिलेल्या एका वृत्तानुसार अमेरिकेकडून पुन्हा एकदा अणु कराराबाबत इराणला नवा प्रस्ताव पाठवण्यात आला आहे, सध्या इराणकडून या नव्या प्रस्तावावर विचार सुरू आहे.

याचसंदर्भात न्यूयॉर्क पोस्टला दिलेल्या प्रतिक्रियेमध्ये डोनाल्ड ट्रम्प यांनी मोठं विधान केलं आहे. मला वाटतं येत्या 7 सप्टेंबरपर्यंत स्ट्रेट ऑफ होर्मुज सर्वांसाठी ओपन होईल असं त्यांनी आपल्या प्रतिक्रियेमध्ये म्हटलं आहे. स्ट्रेट ऑफ होर्मुज सुरू होण्यासाठी थोडा उशिर होत आहे, त्यामुळे अमेरिकेचं देखील नुकसान होत आहे, परंतु मला त्याची चिंता नसल्याचं देखील ट्रम्प यांनी म्हटलं आहे. काहीही झालं तरी इराणला आम्ही न्युक्लिअर वेपन्स तयार करू देणार नाही, असंही ट्रम्प यांनी पुन्हा एकदा स्पष्ट केलं आहे.