हा द्रव पदार्थ म्हणजे सापांचा साक्षात काळच, साप पुन्हा आयुष्यात घराचा उंबरा ओलांडणार नाही, आदिवासी लोकांची मास्टर ट्रीक
अलीकडच्या काळात काही विशिष्ट प्रजातींच्या सापांची संख्या मोठ्या प्रमाणात वाढली आहे. मात्र या सापांना न मारता आपण काही नैसर्गिक उपायांनी त्यांना आपल्या घरापासून दूर ठेवू शकतो, ग्रामीण भागांमध्ये हे उपाय आजही केले जातात.
अलीकडच्या काळात विशिष्ट प्रजातींच्या सापांची संख्या ही मोठ्या प्रमाणात वाढली आहे. तुमच्या परिसरात, आजूबाजुला तसेच घरात देखील हे साप अनेकदा आढळून येतात. यामध्ये सर्वात जास्त घोणस प्रजातीचे साप आढळून येतात. या सापांचं वैशिष्ट म्हणजे हे साप एकाच वेळी वीस ते तीस पिल्लांना जन्म देतात. तसेच त्यांचा मृत्यदर देखील कमी आहे. त्यामुळे या सापांची संख्या सध्या झपाट्याने वाढत आहे, विशेष: उसाची शेतं, घराजवळ असलेली बाग, सोसायटी अशा कोणत्याही ठिकाणी हा साप सहज आढळून येतो. तसेच तुमच्या घरात जेवढे काही साप आढळू येतात, त्यापैकी जवळपास चाळीस ते पन्नास टक्के साप हे घोणस याच प्रजातीचे साप असतात. हा अत्यंत विषारी साप असतो.
तर दुसरीकडे एक विरुद्ध चित्र देखील पहायला मिळतं, ते म्हणजे अनेकांच्या मनात असा गैरसमज असतो की जो साप आपल्याला दिसतो, तो प्रत्येक साप हा विषारीच असतो. परंतु तसं काही नसतं, अनेक साप हे बिनविषारी देखील असतात. असे साप आपण मारतो, त्यामुळे अलिकडच्या काळात सापांच्या अनेक दुर्मिळ प्रजाती या भारतामधून नष्ट होण्याच्या मार्गावर आहेत. दरम्यान अशा दोन्ही स्थिती निर्माण होऊ नयेत, साप घरात येऊ नयेत, यासाठी आजही ग्रामीण भागांमध्ये काही पारंपरीक उपाय केले जातात. ज्यामुळे सापाला घरापासून दूर ठेवण्यास मदत होते.
अशा काही वनस्पती असतात, ज्यामध्ये काही नैसर्गिक गुणधर्म असतात, ज्यामुळे साप या वनस्पतींपासून दूर राहतो. त्यातीलच एक वनस्पती आहे, ती म्हणजे मोहाची फुलं, मोहाच्या फुलांना एक विशिष्ट वास असतो, या वासामुळे साप या झाडाच्या जवळ येत नाहीत. अनेक जण या झाडाच्या फुलांपासून रस तयार करतात. हा द्रव पदार्थ जिथून -जिथून साप घरात येण्याची शक्यता असते, तिथे तो शिंपडला जातो. या फुलांच्या तीव्र वासामुळे साप त्या परिसरात येत नाही. अनेकजण या मोहांच्या फुलांपासून जो रस तयार केला जातो, त्या रसाची एक छोटीशी बाटलीच आपल्या खिशामध्ये ठेवतात, असंही म्हटलं जातं.
