अमेरिकेतून सर्वात मोठी बातमी; उद्यापासून टॅरिफ वसुली बंद, अखेर जगानं घेतला सुटकेचा श्वास

डोनाल्ड ट्रम्प यांनी जगभरात टॅरिफ वॉर निर्माण केलं होतं, अमेरिकेच्या टॅरिफ धोरणामुळे जगभरात मोठी खळबळ उडाली. अमेरिकेनं लावलेल्या टॅरिफचा जगभरातील निर्यातदारांना मोठा फटका बसला, दरम्यान या संदर्भात गेल्या शुक्रवारी अमेरिकेच्या सुप्रीम कोर्टानं महत्त्वाचा निर्णय दिला, ट्रम्प यांनी लावलेला टॅरिफ हा बेकायदेशील असल्याचं सुप्रीम कोर्टानं म्हटलं होतं. सु्प्रीम कोर्टाचा हा निर्णय ट्रम्प यांच्यासाठी मोठा धक्का असल्याचं मानलं जातं आहे, मात्र या निर्णयानंतर काही तासांमध्येच डोनाल्ड ट्रम्प यांनी मोठा निर्णय घेतला, डोनाल्ड ट्रम्प यांनी आधी 10 टक्के ग्लोबल टॅरिफ लावण्याचा निर्णय घेतला, त्यानंतर तो वाढून 15 टक्के इतका केला. आता अमेरिकेतून मोठी बातमी समोर येत आहे, ती म्हणजे समोर आलेल्या माहितीनुसार सुप्रीम कोर्टाच्या निर्णयानंतर आता अमेरिका उद्यापासून म्हणजे मंगळवार पासून अतिरिक्त टॅरिफची वसूली थांबवणार आहे, याबाबत अमेरिकेच्या सीमा शुल्क आणि सीमा सुरक्षा विभागाकडून घोषणा करण्यात आली आहे.

टॅरिफ कोड निष्क्रिय करणार

प्राप्त रिपोर्टनुसार या संदर्भात अमेरिकेच्या सीमा शुल्क आणि सीमा सुरक्षा विभागाकडून एक निवेदन जारी करण्यात आलं आहे. ज्यामध्ये 1977 च्या आपत्कालीन आर्थिक अधिकार कायदा (IEEPA) च्या अंतर्गत वसूल करण्यात येणारं टॅरिफ कनेक्शन मंगळवारपासून बंद करण्यात येणार असल्याचं म्हटलं आहे. त्यामुळे आता या टॅरिफची वस्तुली अमेरिकन वेळेनुसार रात्री 12.01 मिनिटांपासून तर भारतीय वेळेनुसार उद्या सकाळी 10.30 पासून बंद होणार आहे. तसेच सर्व प्रकारचे टॅरिफ कोड देखील निष्क्रिय करण्यात येणार आहेत.

गेल्या शुक्रवारी टॅरिफचा निर्णय बेकायदेशीर असल्याचं अमेरिकेच्या सुप्रीम कोर्टानं म्हटलं होतं, त्यानंतर आता मंगळवारपासून टॅरिफची वसुली थांबवण्याचा निर्णय अमेरिकेनं घेतला आहे. मात्र या अंतर्गत केवळ IEEPA अंतर्गत येणारी टॅरिफ वसुलीच थांबवण्यात येणार आहे. डोनाल्ड ट्रम्प यांनी आपल्या कार्यकाळत लावलेले इतर शुल्क यामुळे कुठेही प्रभावित होणार नाहीयेत, त्याची वसुली सुरूच राहणार आहे. अतिरिक्त टॅरिफ वसुली थांबवण्यात आल्यामुळे आता अनेक देशांना मोठा दिलासा मिळणार आहे.