सर्वात मोठी बातमी ! अभिजीत दीपके अचानक ढसाढसा रडला… म्हणाला, जेव्हा मी… नेमकं काय घडलं?

कॉकरोच जनता पार्टीचे प्रमुख अभिजीत दीपके अमेरिकेच्या न्यूयॉर्क टाइम्सच्या एका व्हिडीओत ढसाढसा रडताना दिसत आहेत. जंतरमंतरवर एक महिना आंदोलन करून केंद्रीय शिक्षण मंत्र्यांचा राजीनामा घेणारे दीपके यांनी एका मुलाखतीत अमेरिकेतून भारतात आल्यावर काय काय चिंता होत्या या स्पष्ट केल्या. या आठवणीने ते भावूक झाले. त्याचवेळी कुटुंबाविषयी बोलताना दीपकेंना भावना अनावर झाल्या आणि ते ढसाढसा रडू लागले. दीपकेंचा हा व्हिडीओ सोशल मीडियावर व्हायरल होत आहे.

अभिजीत दीपके यांनी न्यूयॉर्क टाइम्समध्ये ‘ओपिनियन’ कॅटेगिरीत एक डॉक्युमेंट्री रिलीज केली आहे. या डॉक्युमेंट्रीमध्ये दीपके स्वत: सीजेपी आंदोलनावर विस्तृतपणे बोलताना दिसत आहेत. त्यांनी एका अमेरिकन वृत्तपत्राच्या युट्यूबवर हा व्हिडीओ अपलोड केला आहे. त्यात त्यांनी बोस्टनमध्ये कसे शिक्षण घेताना सोशल मीडियावर सरन्यायाधीश सूर्यकांत यांची एक टिप्पणी कशी वाचली. त्यानंतर गंमत म्हणून कॉकरोच जनता पार्टीच्या नावाने एक हँडल तयार केलं. त्यानंतर हे नाव हीट झालं. इन्स्टावर मिळालेल्या प्रतिसादापासून भारतात येऊन आंदोलन करण्यापासून ते सरकारकडून घेण्यात आलेल्या निर्णयापर्यंत काय काय घडलं याची विस्तृत माहिती या व्हिडिओत दीपकेंनी दिली आहे.

कुटुंबाची चिंता होती…

भारतात आल्यावर तुरुंगात जाण्याबाबतची शंका आणि कुटुंबाविषयी वाटणारी चिंता याची माहितीही त्यांनी या व्हिडीओत दिली आहे. जेव्हा विमान भारताच्या जवळ आलं होतं, तेव्हा मी हिमालय पर्वत पाहत होतो. आता मी शेवटचंच मोकळं आकाश पाहणार आहे, असं मला वाटत होतं. पण मला सर्वाधिक काळजी माझ्या कुटुंबाची होती, असं म्हणताना अभिजीत दीपके या व्हिडीओत ढसाढसा रडतात. त्यानंतर अश्रू पुसत ते स्वत:ला सावरताना दिसत आहेत. दीपकेंचा हा व्हिडीओ सोशल मीडियावर व्हायरल झाला आहे.

अन् आई रडायला लागली

जंतरमंतरवरील आंदोलनातून कोणत्या दोन गोष्टी शिकल्या याची माहितीही त्यांनी दिली आहे. या आंदोलनाने मला दोन गोष्टी शिकवल्या. तुम्हाला निश्चितच भाग्य आणि योग्यवेळेची साथ मिळण्याची आश्यकता असते, हा पहिला धडा मी शिकलो. मी भलेही तेव्हा अमेरिकेत होतो. पण त्यावर मी तुरंत प्रतिक्रिया दिली. आज आमच्याकडे 2.6 कोटी फॉलोअर्स आहेत. हे सर्व दोन महिन्यात झाले. तसेच, तुम्हाला धाडसी व्हावं लागेल आणि दुसरं कोणीच धोका पत्करायला तयार नाही. तुम्हाला तो धोका पत्करावा लागेल, हा दुसरा धडा मी शिकलो. मी परत येण्याचा निर्णय घेतला. कारण मी राष्ट्रीय सुरक्षेसाठी धोका नाहीये हे मला दाखवून द्यायचं होतं. जेव्हा मी भारतात येण्याचा निर्णय घेतला. तेव्हा सर्व प्रथम मी त्याची माहिती माझ्या आईला दिली. माझा हा निर्णय ऐकून माझी आई रडली. तेव्हा मी तिला सांगितलं, धोका आहे. पण हा धोका तर पत्करलाच पाहिजे, असं अभिजीत या व्हिडीओत बोलताना दिसत आहेत.