Dhurandhar 2 : उजैर बलोचच्या गर्लफ्रेंडने रणवीरला नाही, तर या अभिनेत्याला ठरवलं बेस्ट स्पाय
Dhurandhar 2 : रणवीर सिंहच्या 'धुरंधर: द रिवेंज' ची बॉक्स ऑफिसवर धूम आहे. हा चित्रपट 1000 कोटीच्या क्लबमध्ये पोहोचलाय. चित्रपटाचा क्लायमॅक्स पाहिल्यानंतर आदित्य धरचं जितकं कौतुक करावं तितकं कमी आहे.
Dhurandhar 2 : रणवीर सिंहच्या धुरंधर 2 ने बॉक्स ऑफिसवर आतापर्यंत 600 कोटी रुपयांचा व्यवसाय केला आहे. जगभरात या चित्रपटाने 1000 कोटी कमावले आहेत. सगळी फिल्म इंडस्ट्री धुरंधर 2 चं कौतुक करतेय. या यादीत उजैर बलोच ऊर्फ दानिश पंडोरची रुमर्ड गर्लफ्रेंड अहाना कुमरा सुद्धा आहे.
दानिश पंडोरला धुरंधरने स्टार बनवलय. अनेक वर्षाच्या मेहनतीनंतर हे शक्य झालय. उजैर बलोचच्या भूमिकेतून त्याने सुद्धा प्रसिद्धी मिळवली. तो अनेक वर्षांपासून इंडस्ट्रीमध्ये कम करतोय. पण या चित्रपटाने सर्व गेम बदलला. त्याला अभिनेत्री आणि रुमड गर्लफ्रेंड अहाना कुमराचा पूर्ण सपोर्ट आहे. ती त्याचं कौतुक करतेय.
अहाना कुमराने धुरंधर नंतर दानिश पंडोरसाठी स्पेशल पोस्ट शेअर केली. धुरंधरमध्ये तुझं यश पाहणं जादुई आहे. तुझा अभिमान वाटतो. तिने दोन्ही भागांच्या स्क्रिनिंगला दानिश सोबत आली होती. धुरंधरच्या सगळ्या टीमला ती भेटली.
उजैर बलोचच्या भूमिकेत तुझा अभिनय जबरदस्त आहे. सहज आणि कधी न विसरण्यासारखी Acting आहे. लोक तुझ्यासोबत फोटो काढतायत. कौतुकाचे मेसेजेस पाठवत आहे. तुझ्याजवळून जाताना लोकांच्या ह्दयाचे ठोके वाढतात. हा क्षण तुझा आहे असं अहानाने दानिशसाठी लिहिलय.
अहाना कुमराने धुरंधर 2 चा खरा हिरो तिला कोण वाटला यावर लिहिलय. ती इन्स्टाग्रामवर लिहिते आपला दुसरा बेस्ट स्पाय राकेश बेदी सर आहेत. भितीदायक आणि मनोरंजक असं हे पात्र आहे. असा रोल याआधी राकेश बेदींनी कधी केलेला नाही. त्यांच्या आयुष्यातील हा स्मरणीय रोल आहे.
