या प्राण्याचे मांस म्हणजे अफगाणी लोकांचा जीव की प्राण… भारतातही लोकप्रिय
Afghanistan Food Culture : अफगाणिस्तान हा मध्य आशियातील इस्लामबहुल देश आहे, या देशाच्या खाद्यसंस्कृतीवर स्थानिक परंपरा, भौगोलिक परिस्थिती आणि धार्मिक श्रद्धांचा मोठा प्रभाव आहे. आज आपण अफगाणी लोकांच्या आवडीच्या मांसाबाबत माहिती जाणून घेणार आहोत.
मेंढीचे मांस सर्वाधिक लोकप्रिय : अफगाणिस्तानमध्ये मेंढीचे मांस (मटन) हे सर्वाधिक खाल्ले जाणारे मांस आहे. देशातील अनेक पारंपरिक पदार्थ, कबुली पुलाव, कबाब आणि विविध स्ट्यूमध्ये मटनाचा वापर केला जातो.
शेळीचे मांस : अफगाणिस्तानच्या ग्रामीण भागात आणि डोंगराळ प्रदेशांमध्ये शेळीपालन मोठ्या प्रमाणात केले जाते. त्यामुळे शेळीचे मांस सहज उपलब्ध होते. हे मांस पौष्टिक मानले जाते आणि विविध मसाल्यांसह शिजवून खाल्ले जाते.
गोमांस : अफगाणिस्तानमध्ये गोमांसाचे सेवन केले जाते, मात्र त्याचे प्रमाण मटन आणि शेळीच्या मांसापेक्षा कमी आहे. शहरी भागांमध्ये काही रेस्टॉरंट्स आणि घरांमध्ये गोमांसाचे पदार्थ तयार केले जातात.
चिकन : अलीकडच्या काळात चिकन हे तुलनेने स्वस्त आणि सहज उपलब्ध मांस म्हणून लोकप्रिय झाले आहे. चिकन कबाब, ग्रिल्ड चिकन आणि विविध प्रकारच्या चिकन करी शहरांमध्ये मोठ्या प्रमाणावर खाल्ल्या जातात.
उंटाचे मांस : काही वाळवंटी आणि भटक्या समुदायांमध्ये उंटाचे मांस खाल्ले जाते. उंटाचे मांस प्रथिनांनी समृद्ध मानले जाते, मात्र ते संपूर्ण देशभर लोकप्रिय नाही. तसेच नद्या आणि जलाशयांमध्ये मिळणारे मासेही काही भागात लोकप्रिय आहेत.
