Ram Purnekar : एकनाथ शिंदे मीनाक्षी शिंदेंना का वाचवत आहेत? राम पूर्णेकरांचा थेट सवाल

प्रदीप पूर्णेकर हत्याकांडात राम पूर्णेकर यांनी उपमुख्यमंत्री एकनाथ शिंदे यांच्यावर गंभीर आरोप केले आहेत. एकनाथ शिंदे हे मीनाक्षी शिंदे आणि राजेंद्र शिंदे यांना वाचवत असल्याचा दावा राम पूर्णेकर यांनी केला आहे. नरेश मस्के यांनी एकनाथ शिंदे यांना लक्ष्य केले जात असल्याचा आरोप केला होता. यावर प्रतिक्रिया देताना राम पूर्णेकर यांनी, आपण एकनाथ शिंदे यांना आरोपी मानत नसून, केवळ मीनाक्षी शिंदे आणि राजेंद्र शिंदे यांना अटक करण्याची मागणी करत असल्याचे स्पष्ट केले.

पूर्णेकर कुटुंबीय न्याय मागत असून, हे राजकारण नसून वैयक्तिक दुःखाचा विषय असल्याचे त्यांनी सांगितले. एसआयटीने रिमांड रिपोर्टमध्ये मीनाक्षी शिंदे आणि राजेंद्र शिंदे यांना संशयित आरोपी संबोधले होते आणि न्यायालयानेही ते मान्य केले होते, असे राम पूर्णेकर यांनी नमूद केले. त्यामुळे पुरावे असतानाही त्यांना अटक का केली जात नाही, असा सवाल त्यांनी उपस्थित केला. नरेश मस्के यांनी समोर येऊन चर्चा करावी, असे आव्हानही त्यांनी दिले. पूर्णेकर कुटुंबीय केवळ न्यायच्या प्रतीक्षेत असून, प्रशासनाने योग्य ती कारवाई करावी अशी त्यांची मागणी आहे.