Ajinkya Rahane Lovestory: ना नवरदेवाचा ठसका, ना शेरवाणी, स्वत:च्या लग्नात अजिंक्य रहाणे असा पोहोचला की सर्वच आश्चर्यचकित
अजिंक्य राहणे हा नेहमीच शांत आणि साधेपणासाठी ओळखला जातो, पण तो इतका साधा असेल हे कोणलाच माहित नव्हतं, अजिंक्यने स्वत:च्याच लग्नात काय केलं ते पाहा...
भारताचा महान क्रिकेटपटू अजिंक्य रहाणेने निवृत्ती जाहीर केली आहे. भारतीय क्रिकेटमधील रहाणेचे योगदान सुवर्ण अक्षरात कोरले जाईल. क्रिकेटच्या मैदानावर, रहाणेचा नेहमीच शांत आणि साधापणे पाहायला मिळाला आहे. मैदानाबाहेर रहाणे आपल्या वैयक्तिक आयुष्यातही खूप साधा राहिला आहे.
अजिंक्य रहाणे आणि राधिका धोपावकर हे बालपणीचे मित्र होते. अजिंक्य आणि राधिका मुंबईतील मुलुंडमध्ये राहत होते. सुमारे 2007 साली, कॉलेजच्या दिवसांमध्ये, अजिंक्य रहाणे आणि राधिका धोपावकर यांची ओळख मैत्रीत आणि नंतर प्रेमात बदलली. रहाणे आणि राधिका जवळपास सात वर्षे गुपचूप एकमेकांना डेट करत होते.
दरम्यान, २०११ मध्ये रहाणेला भारतासाठी पदार्पण करण्याची संधी मिळाली. पदार्पणानंतर तीन वर्षांनी रहाणेने आपल्या कुटुंबाला राधिकाबद्दल सांगितले. दोन्ही कुटुंबे एकमेकांना आधीपासून ओळखत असल्याने, त्यांनी लगेचच होकार दिला. शिवाय, रहाणे भारतीय क्रिकेटमधील एक उगवता तारा बनला होता, त्यामुळे कोणीही आक्षेप घेतला नाही.
अजिंक्य आपल्या लग्नाची तयारी करायलाच विसरला. अजिंक्य त्याच्या लग्नात जीन्स आणि टी-शर्ट घालून पोहोचला. एका मुलाखतीत त्याने हा प्रसंग बोलून दाखवला. अजिंक्यला इतक्या साध्या कपड्यात पाहून राधिकाही आश्चर्यकारक होती.
यानंतर अजिंक्यने सांगितले की तो इतका व्यस्त होता की त्याला योग्य कपडे विकत घ्यायला वेळही मिळाला नाही. यावरुनच इतका मोठा क्रिकेटपटू असूनही त्याला जिन्स आणि टी-शर्टवर लग्नाला जायला काहीच वाटले नाही.
