राष्ट्रवादी काँग्रेस पक्षात मोठ्या हालाचाली? कोअर कमिटीची अत्यंत महत्त्वाची बैठक, नेमकं कारण…

राष्ट्रवादी काँग्रेस पक्षाच्या कोअर कमिटीची आज सकाळी नऊ वाजता एक अत्यंत महत्त्वाची बैठक आयोजित करण्यात आली आहे. उपमुख्यमंत्री सुनेत्रा पवार यांच्या उपस्थितीत ही बैठक पार पडणार असून, पक्षांतर्गत घडामोडींवर यात सखोल चर्चा अपेक्षित आहे. गेल्या काही दिवसांपासून राष्ट्रवादी काँग्रेसमध्ये युवा नेतृत्व आणि वरिष्ठ नेत्यांमध्ये मतभेद असल्याचे चित्र आहे. या मतभेदांमुळे पक्षात काही प्रमाणात नाराजी निर्माण झाल्याचे बोलले जात आहे.

याच पार्श्वभूमीवर ही बैठक बोलावण्यात आली असून, अंतर्गत नाराजी आणि वाढत्या मतभेदांवर तोडगा काढणे हा बैठकीचा मुख्य उद्देश आहे. या बैठकीमध्ये पक्षातील समन्वय कसा साधता येईल, यावर विचारमंथन केले जाईल. तसेच, पक्षाची पुढील राजकीय रणनीती काय असावी, याबाबतही महत्त्वाचे निर्णय घेतले जाण्याची शक्यता आहे. युवा आणि ज्येष्ठ नेत्यांमधील संवाद वाढवून पक्षाला एकसंध ठेवण्यासाठी ही बैठक महत्वपूर्ण मानली जात आहे.