Arijit Singh : अरिजीत सिंगने गाणी गाऊन किती पैसे कमावले? एकूण संपत्ती किती?
Arijit Singh Net Worth : बॉलिवूडचा प्रसिद्ध गायक अरिजीत सिंगने पार्श्वगायनातून निवृत्तीची घोषणा केली आहे. त्याने अनेक लोकप्रिय गाण्यांना आवाज दिलेला आहे. अरिजीत सिंगची संपत्ती किती आहे? याबाबत माहिती जाणून घेऊयात.
अरिजीत सिंगने पार्श्वगायनातून निवृत्तीची घोषणा केल्यामुळे त्याच्या लाखो चाहत्यांची मने दुखावली गेली आहेत. इंडियन आयडॉलच्या माध्यमातून त्याने कारकिर्दीची सुरुवात केली होती. त्याचे जगभरात करोडो चाहते आहेत.
गायक म्हणून 15 वर्षांच्या कारकिर्दीत अरिजीत सिंगने जगभरातील करोडो लोकांची मने जिंकली आहेत. त्याने हिंदी, बंगाली, मराठी आणि तेलुगू सारख्या भाषांमधील 400 हून अधिक गाण्यांना आवाज दिला आहे. मीडिया रिपोर्ट्सनुसार, अरिजीत सिंगची एकूण संपत्ती अंदाजे 414 कोटी रूपये आहे.
अरिजीत सिंग लाईव्ह शो आणि कॉन्सर्टसाठीही भरमसाठ फी आकारतो. त्याचे वार्षिक उत्पन्न अंदाजे 70 कोटी आहे, ज्यामध्ये ब्रँड एंडोर्समेंटचाही समावेश आहे. अरिजीत सिंग दोन तासांच्या लाईव्ह परफॉर्मन्ससाठी अंदाजे 14 कोटी फी घेतो. .
अरिजीतकडे मुंबईतील वर्सोवा परिसरातील एका इमारतीत चार अपार्टमेंट आहेत, ज्या प्रत्येक अपार्टमेंटची किंमत अंदाजे 9 कोटी आहे. रिअल इस्टेट गुंतवणुकीव्यतिरिक्त, त्याच्याकडे 1.8 ते 4 कोटी किमतीची रेंज रोव्हर व्होग, 57 लाख ते 1.5 कोटी किमतीची हमर एच3 आणि मर्सिडीज-बेंझ देखील आहे.
मीडिया रिपोर्ट्सनुसार, अरिजीत सिंग चित्रपटासाठी गाणे गाण्यासाठी 8 ते 10 लाख रुपये घ्यायचा. काही मीडिया रिपोर्ट्सनुसार हा आकडा 10 लाखांच्या वर आहे. यातूनही त्याला चांगली कमाई झाली आहे.
