इतिहासात पहिल्यांदाच… ‘बिग बॉस मराठी’च्या घरात होणार ग्रँड सेलिब्रेशन
Bigg Boss Marathi Grand Celebration : 'बिग बॉस मराठी'च्या घरात ग्रँड सेलिब्रेशन होणार आहे. फिनाले आधी एक खास पाहुणीही 'बिग बॉस मराठी'च्या घरात आला आहे. इतिहासात पहिल्यांदाच इतकं ग्रँड सेलिब्रेशन होणार आहे. या सेलिब्रेशनचे फोटो समोर आले आहेत. वाचा सविस्तर...
'बिग बॉस मराठी'चा फिनाले जवळ आला आहे. सध्या शेवटचा आठवडा सुरू आहे. त्यामुळे 'बिग बॉस मराठी'चा आजचा भाग खूप विशेष असणार आहे. आज घरात 'आपला माणूस' शिव ठाकरे स्पेशल गेस्ट म्हणून येणार आहे.
'बिग बॉस मराठी'च्या नव्या पर्वाच्या अंतिम आठवड्याला नुकतीच सुरुवात झाली आहे. 'बिग बॉस मराठी'च्या इतिहासातात पहिल्यांदाच ग्रँड सेलिब्रेशन होणार आहे. समोर आलेल्या प्रोमोमधील अभिजीत सावंतचा अंदाज चाहत्यांचं लक्ष वेधून घेत आहे.
आपल्या प्रसिद्धीचा कुठलाही बडेजाव न करता, सगळ्यांत मिळून मिसळून वागणारा, कधी गाणी गाऊन मंत्रमुग्ध करणारा अभिजीत सावंत, असं 'बिग बॉस मराठी'च्या समोर आलेल्या प्रोमोमध्ये 'बिग बॉस' म्हणत आहेत.
'बिग बॉस मराठी'च्या या पर्वातील ग्रँड सेलिब्रेशनमध्ये होणारं कौतुक ऐकून अभिजीतचेही डोळे पाणावले आहेत. या शोने खूप काही दिलंय... थॅक्यू 'बिग बॉस'..., असं अभिजीत म्हणतो.
'बिग बॉस मराठी'चा आजचा भाग खूपच वेगळा असेल. निक्कीने तिकीट टू फिनालेचा टास्क जिंकला ती फिनालेमध्ये पोहचली आहे. घरातल्या इतर सदस्यांना मात्र एलिमिनेट होण्याची भीती आहे. 'बिग बॉस मराठी'च्या इतिहासात पहिल्यांदाच असं सेलिब्रेशन होणार आहे.
