US Election 2020 : डेमोक्रॅसी रॉक! बॉलिवूडमधून जो बायडन यांच्यावर शुभेच्छांचा वर्षाव!
बॉलिवूडमधूनही बायडन यांना त्यांच्या नव्या इनिंगसाठी त्यांना शुभेच्छा दिल्या आहेत. (Democracy rocks! Congratulations to Joe Biden from Bollywood!)
जो बायडन यांनी अमेरिकेच्या अध्यक्षपदाच्या निवडणुकीत बाजी मारली आहे. त्यामुळे संपूर्ण जगभरातून त्यांच्यावर शुभेच्छांचा वर्षाव होत आहे. बॉलिवूडमधूनही बायडन यांना त्यांच्या नव्या इनिंगसाठी त्यांना शुभेच्छा दिल्या आहेत.
बॉलिवूडची देसी गर्ल अभिनेत्री प्रियंका चोप्रानं जो बायडन यांना शुभेच्छा दिल्या आहेत. तिनं इन्स्टाग्रामवर लांबलचक पोस्ट लिहून अमेरीकेचं अभिनंदन केलं आहे. सोबतच तिनं #DemocracyRocks असा हॅशटॅग दिला आहे.
अभिनेत्री काजल अग्रवालनं कमला हॅरिस यांना शुभेच्छा दिल्या आहेत. 'पहिली महिला आणि पहिल्या साउथ आशियाई उपराष्ट्राध्यक्षांना शुभेच्छा'. असं ट्विट काजलनं केलं आहे.
'एका नवीन पर्वाच्या शुभेच्छा', अशा शब्दांत निम्रत कौरनं जो बायडन यांना शुभेच्छा दिल्या आहेत.
या व्यतिरिक्त अनुभव सिन्हा यांनीसुद्धा शुभेच्छा दिल्या आहेत. 'Go Loud America!!! Go Nuts!!!'असं ट्विट त्यांनी केलं आहे.
पूजा भट्टनंसुद्धा जो बायडन यांना शुभेच्छा दिल्या आहेत.
