सारख्या माशा घोंघावतायत,स्वयंपाक घरातील या वस्तूचा असा वापर करा
पावसाळ्याच्या दिवसात घरात माशा सारख्या घोंगावत असतात, स्वयंपाक घरात त्याचा अधिक त्रास होत असतो. तसेच कचरा डबा जर किचनमध्ये ठेवला असेल तर आणखीनच त्रास वाढत असतो. त्यामुळे आपण आजारी देखील पडू शकतो.
चहा तयार केल्यानंतर, उरलेली चहापत्ती टाकून देऊ नका, तिला स्वच्छ धुवून त्यातील साखर आणि दूधांचा अंश काढा, वाळलेल्या चहा पत्तीचा वास माशांना आवडत नाही.
लहान वाटीत किंवा प्लेटमध्ये वाळलेली चहापत्ती ठेवा आणि ही प्लेट स्वयंपाकघर, खिडक्या आणि कचरा पेटीजवळ ठेवा. या उपायामुळे माशांची संख्या कमी होऊ शकते आणि घरातला दुर्गंध देखील कमी होतो.
वाळलेल्या चहाच्या पत्तीमध्ये लिंबाच्या रसाचे काही थेंब टाका. या मिश्रणाच्या वेगळ्या वासामुळे माशांना पळवण्यास मदत होते. हे मिश्रण तुमच्या घरातील अशा ठिकाणी ठेवा जिथे माशा जास्त येण्याची शक्यता असते
तुमच्या बाल्कनीत किंवा बागेत वारंवार घाणेरड्या माशांचा त्रास होत असल्यास, तुमच्या झाडांच्या रोपांच्या आजूबाजूच्या मातीत चहाची पत्ती मिसळा. यामुळे मातीचे पोषण होईल आणि माशा तसेत किटकांचा त्रासही कमी होईल.
माशा या अनेकदा कचऱ्याच्या डब्याच्या आसपास रेंगळतात. अशा वेळी, एका वाटीत चहाची पत्ती भरून ती कचऱ्याच्या डब्याच्या जवळ ठेवा. यामुळे दुर्गंधी कमी होईल आणि माशाही दूर राहतील.
( डिस्क्लेमर - ही माहिती सर्वसामान्य माहितीवर आधारित आहेत. या माहितीचा वापर करण्याआधी तज्ज्ञांचा सल्ला घ्या )
