SC Shivsena Hearing : शिवसेना कोणाची, धनुष्यबाण कोणाचा? सुप्रीम कोर्टाच्या सुनावणीतील 30 महत्त्वाचे मुद्दे!
Shivsena SC Hearing : सर्वोच्च न्यायालयात आज सलग तिसऱ्या दिवशीही शिवसेना पक्ष आणि चिन्हासंदर्भात सुनावणी सुरु आहे. एकनाथ शिंदे यांच्या शिवसेनेच्या वतीने नीरज कौल यांच्याकडून युक्तिवाद सुरु आहे. यापूर्वीच उद्धव ठाकरे गटाचा युक्तीवाद संपलेला आहे.
शिवसेना कोणाची, धनुष्यबाण कोणाचा यावर आता सलग तिसऱ्या दिवशी सुप्रीम कोर्टामध्ये सुनावणी सुरु आहे. राजकीय पक्ष आणि विधिमंडळ पक्ष हे वेगळे असल्याचा युक्तिवाद एकनाथ शिंदे यांच्या वकिलांकडून सुरु आहे. शिवसेनेचे वकिल नीरज किशन कौल यांच्याककडून हा युक्तिवाद सुरु आहे. सरन्यायाधीश सूर्य कांत यांच्या बेंचसमोर ही सुनावणी सुरु आहे. आतापर्यंत त्यांच्याकडून पक्षप्रमुखपदच घटनाबाह्य असल्याचं त्यांनी म्हटलं होतं. आमदारांच्या अपात्रतेचा आणि याप्रकरणाचा संबंध नाही, असा युक्तिवाद कौल यांनी सुरु केला आहे. आमदारांना मिळालेली मतं महत्त्वाची आहेत, असंही कौल म्हणाले आहेत.
2019 ते 2024 विधानसभेच्या टर्म संदर्भात हा खटला आहे. आता या विधानसभेची मुदत संपली आहे. त्यावेळी उद्धव ठाकरे मुख्यमंत्री होते. त्यांना हटवून त्यांच्याजागी शिवसेनेचे नेते एकनाथ शिंदे मुख्यमंत्री बनले. पुढे हा विषय निवडणूक आयोगाकडे गेला. त्यावेळी निवडणूक आयोगाने एकनाथ शिंदे यांच्या गटाला अधिकृत शिवसेना म्हणून मान्यता दिली. निवडणूक आयोगाच्या या निकालाला उद्धव ठाकरे गटाने सर्वोच्च न्यायालयात आव्हान दिलं आहे. दरम्यान आजच्या शिंदेंच्या वकिलांच्यावतीने केलेल्या युक्तिवादातील ३० महत्त्वाचे मुद्दे कोणते याबद्दल जाणून घेऊ.
नीरज कौल यांच्याकडून सादीक अली केसचा दाखला
फुटीनंतर झालेल्या निवडणुकीतही आमच्याकडे बहुमत
निवडणूक आयोग निकाल देताना पक्ष देताना विधिमंडळ पक्ष चाचणीवर अवलंबून होता.
आमदारांच्या अपात्रतेचा आणि या प्रकरणाचा संबंध नाही. उगाच वेळ घालवला जातोय.
कलम 324 अंतर्गत निवडणूक आयोग ही एक महत्त्वाची संस्था असून त्यांच्याकडेही अधिकार आहेत.
सुभाष देसाई प्रकरणाचा संदर्भ, एखादा आमदार अपात्र झाला तरी त्याला मिळालेली मतं अपात्र नसतात.
धनुष्यबाण कुणाचा? सुप्रीम कोर्टात शिंदे गटाचा जोरदार युक्तिवाद; वाचा कोर्टात काय काय घडलं? A टू Z महत्त्वाचे मुद्दे!
