बिघडलेला मूड करायचा असेल ठीक तर हे पदार्थ नक्की खा
आजकालच्या धकाधकीच्या जीवनात तणाव, चिंता आणि नैराश्य हे सामान्य झाले आहे. अनेक वेळा आपलं मन उदास असतं, राग येतो. अशा परिस्थितीत काही खास गोष्टी खाऊन आपण आपला मूड सुधारू शकतो.
सेरोटोनिन हे असं हार्मोन आहे, जे आपला मूड नियंत्रित करतं आणि त्याने झोप लागायलाही मदत होते. ट्रिप्टोफॅन नावाचे अमिनो ॲसिड असलेले अन्न सेरोटोनिन वाढवते. सेरोटोनिनच्या कमतरतेमुळे मूड बदलणे, चिंता आणि नैराश्य येऊ शकते. ( photos : freepik)
सेरोटोनिनची पातळी वाढवणारं ट्रिप्टोफॅन नावाचे अमिनो ॲसिड हे अंड्यात मुबलक प्रमाणात असतं. अंडी खाल्ल्याने मेंदूतील सेरोटोनिनचा स्राव वाढतो, ज्यामुळे मूड चांगला राहतो आणि झोपही सुधारते.एका अभ्यासानुसार, दररोज 1-2 अंडी खाल्ल्याने नैराश्य कमी झाल्याचे दिसून आले आहे. त्यामुळे नाश्त्यामध्ये अंड्यांचा समावेश केल्याने सेरोटोनिनची पातळी वाढते आणि मूड चांगला राहतो.
अननसात सेरोटोनिनचे प्रमाण जास्त असते जे मूड सुधारण्यास मदत करते. अनेक अभ्यासात असे आढळून आले आहे की अननस खाल्ल्याने मेंदूतील सेरोटोनिनची पातळी वाढते. पण यासाठी ताजा अननस खाणे महत्त्वाचे आहे, कारण पिकलेल्या अननसात सेरोटोनिन कमी होते. त्यामुळे तुमचा मूड सुधारायचा असेल ताजं अननस नक्की खा. यामुळे तुम्हाला तणाव आणि नकारात्मक विचारांपासून आराम मिळेल.
चीज आणि दुधात ट्रिप्टोफॅन नावाचे अमिनो ॲसिड आढळते, ज्यामुळे मेंदूतील सेरोटोनिनची पातळी वाढते. सेरोटोनिन हे एक रसायन आहे जे मूड आणि भावना नियंत्रित करते. त्यामुळे चीज आणि दूध यासारख्या दुग्धजन्य पदार्थांचे सेवन केल्याने मूड सकारात्मक राहण्यास मदत होते. ( डिस्क्लेमर : या आर्टिकलमध्ये देण्यात आलेली माहिती व उपाय हे सामान्य ज्ञानावर आधारित आहेत. आमचा याला दुजोरा नाही. ते अवलंबण्यापूर्वी तज्ज्ञांचा सल्ला जरूर घ्यावा.)
