हिमेश रेशमियाचं 21 वर्षांपूर्वीचं प्रचंड रोमँटिक गाणं, पावसाळा सुरु होताच आलं ट्रेंडमध्ये
पावसाळा सुरु होताच हिमेश रेशमियाचं 21 वर्षांपूर्वीचं प्रचंड रोमँटिक गाणं पुन्हा एकदा चर्चेत. या गाण्यावर बनत आहेत हजारो रील्स. ऐकदा ऐकलं तरी पुन्हा-पुन्हा गुणगुणतात लोक.
पावसाळा सुरू होताच अनेक जुनी रोमँटिक गाणी पुन्हा चर्चेत येतात. यंदाही 2005 मध्ये प्रदर्शित झालेल्या 'आशिक बनाया आपने' या चित्रपटातील 'मर जावां मिट जावां' हे गाणे सोशल मीडियावर पुन्हा एकदा प्रचंड लोकप्रिय झाले आहे.
इन्स्टाग्राम रील्स, फेसबुक व्हिडिओ आणि यूट्यूब शॉर्ट्सवर या गाण्याचा मोठ्या प्रमाणावर वापर होत असून, 21 वर्षांनंतरही त्याची लोकप्रियता कायम असल्याचे दिसून येत आहे.
या गाण्यात अभिनेता इमरान हाश्मी आणि अभिनेत्री तनुश्री दत्ता यांची पावसातील रोमँटिक केमिस्ट्री प्रेक्षकांना आजही आकर्षित करते. हिमेश रेशमिया यांनी संगीतबद्ध केलेल्या या गाण्याला सुनिधी चौहान आणि अभिजीत सावंत यांनी आवाज दिला आहे.
गीतकार समीर यांनी त्याचे बोल लिहिले आहेत. सुरेल संगीत, भावपूर्ण गायन आणि पावसातील सुंदर चित्रीकरणामुळे हे गाणे आजही मॉन्सूनमधील आवडत्या गाण्यांपैकी एक मानले जाते.
दरवर्षी पावसाळा सुरू होताच हे गाणे सोशल मीडियावर पुन्हा ट्रेंड होण्यामागे त्यातील रोमँटिक वातावरण, संस्मरणीय धून आणि भावना हे प्रमुख कारण मानले जाते. त्यामुळे दोन दशकांहून अधिक काळ लोटल्यानंतरही 'मर जावां मिट जावां' या गाण्याची जादू चाहत्यांच्या मनावर कायम आहे.
