Indurikar Maharaj : सजली नटली नवरी आली… इंदोरीकर महाराजांच्या मुलीच्या लग्नाचे Exclusive Photo समोर, तुमचंही मन भरून येईल…
कीर्तनकार इंदुरीकर महाराजांच्या कन्या ज्ञानेश्वरीचा शाही विवाह साहिल चिलप यांच्याशी थाटामाटात पार पडला. अहिल्यानगरमध्ये झालेल्या या भव्य सोहळ्याला मुख्यमंत्री, उपमुख्यमंत्री यांसह अनेक राजकीय व सामाजिक दिग्गजांनी हजेरी लावली. नवरदेवाचा पेशवाई लूक आणि वधूची सुंदर साडी लक्षवेधी ठरली. कन्यादानाच्या भावनिक क्षणांचे आणि संपूर्ण सोहळ्याचे Exclusive फोटो व्हायरल झाले आहेत.
आपल्या कीर्तनातून लाखो लोकांशी संवाद साधत हसतखेळत प्रबोधन करणारे कीर्तनकार इंदोरीकर महाराजांबद्दल सर्वांनाच माहीत आहे. त्यांच्या घरी नुकतचं लग्नकार्य पार पडलं. त्यांच्या लेकीचा ज्ञानेश्वरी हिचा काल साहिल चिलप यांच्याशी विवाह झाला. या सोहळ्याला राज्यातील अनेक प्रमुख व्यक्ती, राजकारण्यांनी हजेरी लावत या जोडप्याला आशिर्वाद दिले. इंदोरीकर महाराजांच्या मुलीच्या लग्नाचे Exclusive Photo समोर आले आहेत..
अहिल्यानगरच्या संगमनेर येथील गुंजाळवाडी काल थाटामाटात हा विवाह पार पडला. 100 एकर जागेवर झालेल्या या विवाह सोहळ्यासाठी जय्यत तयारी करण्यात आली होती. शाही थाट दिसत होता. नवी मुंबईतील प्रसिद्ध उद्योजक सुनील विष्णू चिलप यांचा मुलगा साहिल हा इंदोरीकर महाराजांचा जावई आहे. 3 मे रोजी ज्ञानेश्वरी आणि साहिल यांचा विवाह संपन्न झाला.
गेल्या महिन्याभरापासून या लग्नासाठी जय्यत तयारी सुरू होती. इंदोरीकर महाराज यांनी मोठ्या थाटात आपल्या मुलीचा साखरपुडा केला होता. साखर पुड्यात केलेल्या खर्चावरून इंदोरीकर महाराज यांच्यावर बरीच टीका झाली होती, दरम्यान त्यानंतर काल त्यांच्या मुलीचा थाटात विवाह झाला. दरम्यान या विवाहसोहळ्यासाठी राजकीय, सामाजिक तसेच अध्यात्मिक क्षेत्रातील अनेक दिग्गज मंडळींनी हजेरी लावली . इंदोरीकर महाराजांच्या मुलीच्या लग्नाला मुख्यमंत्री देवेंद्र फडणवीस, उपमुख्यमंत्री एकनाथ शिंदे, राजस्थानचे राज्यपाल हरीभाऊ बागडे, पालकमंत्री राधाकृष्ण विखे पाटील, मंत्री छगन भुजबळ, असे अनेक मान्यवर हजर होते.
या लग्न सोहळ्यातले काही खास फोटो समोर आले असून नवरदेव साहिलचा पेशवाई लूक चर्चेचा विषय ठरला. तर वधू ज्ञानेश्वरीने भगव्या रंगाची साडी परिधान केली होती. त्याच्यासह लाल रंगाचा, भरपूर नक्षीकाम केलेल ब्लाऊज तिच्या सौंदर्यात भर टाकत होता.
या लग्नातील अनेक फोटो समोर आले असून इंदोरीकर महाराज आणि त्यांच्या पत्नीने लाडक्या लेकीचं कन्यादान केलं. तिच्या भावी आयुष्यासाठी त्यांनी शुभेच्छा दिल्या.
यावेळी त्यांची लेक ज्ञानेश्वरीला अश्रू अनावर झाले होते. तर मुलीच्या पाठवणीच्या विचाराने इंदोरीकर महाराज आणि पत्नीही भावूक झालेले दिसले.
