इंदुरीकर महाराज

महाराष्ट्रातील प्रसिद्ध कीर्तनकारांपैकी एक म्हणून इंदुरीकर महाराज ओळखले जातात. संपूर्ण महाराष्ट्रात त्यांच्या कीर्तनाला तुफान गर्दी होताना दिसते. इंदुरीकर महाराज यांचं मूळ नाव निवृत्ती काशिनाथ देशमुख आहे. ते निवृत्ती महाराज आणि इंदुरीकर महाराज म्हणूनही लोकप्रिय आहेत. राज्यातील विनोदी कीर्तनकार म्हणून त्यांची ख्याती आहे. गेल्या कित्येक वर्षांपासून ते कीर्तनाच्या माध्यमातून सामाजिक प्रबोधन करतान दिसतात. त्यांच्या कीर्तनाचे व्हिडीओ हे सोशल मीडियावर कायमच चर्चेत असतात.