AQI
TV9 Network
User
Sign In

By signing in or creating an account, you agree with Associated Broadcasting Company's Terms & Conditions and Privacy Policy.

Indurikar Maharaj : मुली मुलांवर नाही, पैशावर प्रेम करतात; इंदुरीकर महाराजांचं मीरा-भाईंदरमधील वक्तव्य, नव्या वादाची शक्यता

Indurikar Maharaj : मुली मुलांवर नाही, पैशावर प्रेम करतात; इंदुरीकर महाराजांचं मीरा-भाईंदरमधील वक्तव्य, नव्या वादाची शक्यता

| Updated on: Nov 17, 2026 | 6:02 PM
Share

इंदुरीकर महाराजांनी मीरा-भाईंदर येथील कीर्तनात पुन्हा एकदा वादग्रस्त वक्तव्य केले आहे. मुली मुलांवर नाही, तर पैशांवर प्रेम करतात, असे ते म्हणाले. लव्ह इज मनी अशी प्रेमाची नवी व्याख्याही त्यांनी मांडली. यापूर्वीही महिलांबाबत केलेल्या वक्तव्यांमुळे चर्चेत असलेल्या महाराजांच्या या टिप्पणीमुळे नवा वाद निर्माण होण्याची शक्यता आहे.

इंदुरीकर महाराजांनी मीरा-भाईंदर येथील एका कीर्तनात केलेल्या वक्तव्यामुळे पुन्हा एकदा वाद निर्माण होण्याची शक्यता आहे. “मुली मुलांवर प्रेम करत नाहीत, तर त्या पैशावर प्रेम करतात,” असे महाराजांनी म्हटले आहे. त्यांच्या या वक्तव्यामुळे अनेकांच्या भुवया उंचावल्या आहेत.

कीर्तनादरम्यान इंदुरीकर महाराजांनी लव्ह इज मनी अँड मनी इज लव्ह, मनी इज लाईफ अँड लाईफ इज मनी अशी प्रेमाची स्वतःची एक व्याख्या देखील सांगितली. यापूर्वीही त्यांनी महिला आणि मुलींबाबत केलेल्या वक्तव्यांमुळे अनेकदा वाद निर्माण झाले आहेत. आता पुन्हा एकदा त्यांच्या या वक्तव्याने नव्या वादाला तोंड फुटले आहे.

यावर टीका करताना एकाने म्हटले आहे की, समाजप्रबोधन करताना इंदुरीकर महाराजांनी मुलींच्या चारित्र्यावर बोट दाखवण्याऐवजी स्त्रीशक्तीचा सन्मान राखायला शिकावे. पैसा नसेल तर घर कसे चालेल, मुलांचे शिक्षण कसे होईल, असे प्रश्न देखील त्यांनी उपस्थित केले आहेत. प्रेम असेल तरच लग्न होते आणि लग्नानंतर पैसा असेल तरच मुलांना चांगले भविष्य देता येते, यावरही भर देण्यात आला आहे.

Published on: Nov 17, 2026 06:02 PM

Follow Us