Marathi News Photo gallery Jackie Shroff once revealed he asked his mother to step out to meet his girlfriend
GF घरी येण्याआधी आईला काढलं घराबाहेर, अभिनेत्याचा प्रताप चर्चेत
बॉलिवूडमधील एक प्रसिद्ध अभिनेता सध्या चर्चेत आहे. त्याने एकदा गर्लफ्रेंड घरी येणार होती म्हणून आईला घराबाहेर काढले होते. आता हा अभिनेता कोण? नेमकं काय घडलं होतं? चला जाणून घ्या...
प्रेमात पडल्यानंतर माणूस काहीही करण्यास तयार होतो. समोर कोण आहे याचा विचार न करता, फक्त आपल्या प्रिय व्यक्तीसाठी तो काहीही करू शकतो. बॉलिवूडमध्ये असाच एक अभिनेता आहे, ज्याने आपल्या गर्लफ्रेंडला भेटण्यासाठी थेट आपल्या आईलाच घराबाहेर काढले होते.
1 / 6
हा अभिनेता म्हणजे जॅकी श्रॉफ. जॅकी श्रॉफ यांनी माधुरी दीक्षितसोबत अनेक सुपरहिट चित्रपटांमध्ये काम केले आहे. त्यांची मुलंही आज अभिनय क्षेत्रात नाव कमावत आहेत. पण त्यांच्या जीवनातील एक मजेदार किस्सा असा आहे. ते जेव्हा प्रेमात होते, तेव्हा गर्लफ्रेंडला भेटण्यासाठी त्यांना आईला घराबाहेर पाठवावे लागले होते.
2 / 6
त्या काळी जॅकी श्रॉफ मुंबईच्या झोपडपट्टीत राहत होते. त्यांची गर्लफ्रेंड खूप श्रीमंत कुटुंबातील होती. जॅकी आपल्या आर्थिक स्थितीबद्दल थोडे संकोच करत असल्याने, त्यांनी गर्लफ्रेंडला खोटे सांगितले होते की ते पीजीमध्ये राहतात. प्रत्यक्षात ते आपल्या आईसोबत एका छोट्याशा घरात राहत होते.
3 / 6
एके दिवशी जेव्हा गर्लफ्रेंडला जॅकीने घरी बोलावले, तेव्हा त्यांनी आपल्या आईला अर्ध्या तासासाठी घराबाहेर पाठवले. त्यांनी आईला खोटे सांगून मैत्रिणीच्या घरी जाण्यास सांगितले. मात्र नंतर जॅकी यांना हे खूप चुकीचे वाटले.
4 / 6
कपिल शर्मा शोमध्ये याबाबत बोलताना जॅकी श्रॉफ म्हणाले, “जर तुम्हाला खरे प्रेम करायचे असेल, तर घर किती मोठे आहे किंवा किती पैसे आहेत याकडे पाहण्याची गरज नाही. खरे प्रेम हृदयातून येते, पैशातून किंवा घरातून नाही.”
5 / 6
जॅकी श्रॉफ यांनी १९८३ मध्ये आलेल्या 'हिरो' चित्रपटातून मुख्य अभिनेत्याच्या भूमिकेने बॉलिवूडमध्ये पदार्पण केले. मीनाक्षी शेषाद्रीसोबतच्या या चित्रपटाने त्यांना रातोरात स्टार बनवले. मॉडेलिंगमधून करिअरची सुरुवात करणारे जॅकी, आपल्या अनोख्या व्यक्तिमत्त्व आणि स्टाइलमुळे लवकरच चित्रपट निर्मात्यांच्या नजरेत आले. त्यांनी 'खलनायक', 'राम लखन', 'त्रिदेव', 'देवदास', 'उत्तर दक्षिण' आणि '१०० डेज' सारख्या अनेक यशस्वी चित्रपटांमध्ये माधुरी दीक्षितसोबत काम केले. 'धक-धक गर्ल'सोबतची त्यांची जोडी प्रेक्षकांना खूप आवडली होती.
