जपानी लोक 100 वर्षांपर्यंत कसे जगतात? दीर्घायुष्याचे ‘हे’ खास रहस्य जाणून घ्या
जपानी लोक अधिक काळ का जगतात? जपानी जीवनशैली, आहार, दैनंदिन सवयी, ओकिनावाचा ‘८० टक्के पोट भरेपर्यंत खा’ हा नियम आणि दीर्घायुष्याची इतर खास रहस्ये जाणून घ्या.
जपान हा देश गेल्या अनेक वर्षांपासून जगातील सर्वाधिक सरासरी आयुष्यमान असलेल्या देशांच्या यादीत सातत्याने अव्वल स्थानी राहिला आहे.
तेथील बहुतांश नागरिक सहजपणे 80 ते 90 वर्षे दीर्घ आणि निरोगी आयुष्य जगतात. या उल्लेखनीय दीर्घायुष्यामागे जपानी लोकांची खास जीवनशैली कारणीभूत आहे, जी त्यांच्या आरोग्यासाठी एवढी पोषक ठरते? तर मग, जपानच्या या उल्लेखनीय दीर्घायुष्यामागील मुख्य कारणे जाणून घेऊया…
वाहन चालवण्याऐवजी चालणे, सायकल वापरणे आणि सार्वजनिक वाहतुकीचा अवलंब करणे हे जपानी नागरिकांच्या रोजच्या दिनक्रमाचा भाग आहे. यामुळे त्यांना नैसर्गिकरित्या नियमित व्यायाम मिळतो.
आहाराबाबतही जपानी पद्धत आरोग्यदायी आहे. मासे, भात, भाज्या, सी-वीड पदार्थांचा मुबलक समावेश असलेल्या या आहारामुळे शरीराला ओमेगा-3, फायबर आणि प्रोबायोटिक्स मिळतात. शिवाय, कमी प्रमाणात जेवण्याची सवय आरोग्याचा समतोल राखण्यास मदत करते.
जपानमधील सार्वत्रिक आरोग्य सेवेमुळे नागरिकांना आजारांचे लवकर निदान आणि वेळेवर उपचार मिळतात. नियमित प्रतिबंधात्मक तपासण्या सहज उपलब्ध असल्याने गंभीर आजारांना आळा बसतो.
