वेस्टर्नच नाही तर पारंपरिक कपड्यांमध्ये ग्लॅमरस दिसते खुशी कपूर, तुम्ही सुद्धा करू शकता असा लूक!
जान्हवी कपूरची बहीण खुशी कपूर लवकरच बॉलीवूड मध्ये पदार्पण करणारे. खुशी कपूर खूप फॅशनेबल आहे, तिची स्टाईल सगळ्यांनाच आवडते. वेस्टर्न कपड्यांपासून ते पारंपरिक कपड्यांपर्यंत खुशी कपूर सगळ्या कपड्यांमध्ये छान दिसते. तुम्हालाही तिच्या सारखीच स्टाईल करावी असं वाटत असेल. या आहेत काही खास स्टेप्स ज्याने तुम्ही सुद्धा तिच्यासारखे स्टाईलिश दिसू शकता.
खुशी कपूर लवकरच आपल्या बॉलिवूडच्या प्रवासाला सुरुवात करणारे. श्रीदेवी आणि बोनी कपूरची मुलगी, जान्हवी कपूरची बहीण याच गोष्टींसाठी खुशी कपूर ओळखली जात नाही तर तिच्या स्टाईल स्टेटमेंट साठी सुद्धा ओळखली जाते. सणासुदीच्या वेळीसुद्धा खुशी कपूर पारंपारिक कपड्यांमध्ये खूप छान दिसते. तुम्ही सुद्धा अशा स्टाइलचे कपडे घालू शकता.
खुशी कपूरने घातलेला हा लेहंगा मरमेड कट लेहंगा आहे. यात ती खूप सुदंर दिसतेय. हा लेहंगा दिसतानाच जड दिसतोय कारण यावर नक्षी सुद्धा तशीच आहे. या लेहंग्याचा गळा डीप आहे. यावर तिने अंबाडा बांधलाय म्हणजे पोनी बांधलीये पण ती जरा खाली बांधलीये. अंगठी आणि कानातले सुद्धा बघण्यासारखे आहेत.
या गुलाबी साडीत खुशी कपूर खूपच सुंदर दिसतेय. या साडीवर आरसे लावलेले आहेत. केस मोकळे, स्लिव्हलेस ब्लाऊज आणि कमीत कमी दागिने यात खुशी क्लासिक दिसत आहे. तुम्ही कधी साडी नेसणार असाल तर अशी नेसायला हरकत नाही.
या टॉपच्या प्रकाराला बॉडीकॉन टॉप म्हणतात, हा टॉप आणि जराशी फुगलेली म्हणजेच बॅगी पँट हे कॉम्बिनेशन खूप छान दिसते. अशा प्रकारचे टॉप सैल पँट आणि फिट पँट दोन्हीसोबत जातात. यावर शूज सुद्धा चांगले दिसतात, चप्पलचा अगदी कुठलाही प्रकार यावर जाऊ शकतो.
खुशी कपूर कुठल्याही कपड्यांमध्ये छान दिसते. या फोटोत तिने काळ्या कलरचा टीशर्ट, काळ्या कलरची सैल पँट आणि प्रिंटेड जॅकेट घातलंय. हा तिचा कॅज्युअल लूक सुद्धा लोकांना फार आवडतोय.
