Multibagger Stock : 5 वर्षात गुंतवणूकदारांची भरभराट! शेअरची 2470 टक्क्यांची भरारी, किंमत तर केवळ…
Small Cap Stock: बाजार जागतिक घाडमोडींच्या हिंदोळ्यावर डोलत आहे. कधी तो उच्चांक गाठतो तर दुसऱ्या दिवशी धडामदिशी आपटतो. पण या शेअरवर त्याचा कोणताही परिणाम झालेला नाही. गेल्या पाच वर्षात या शेअरने 2470 टक्क्यांची भरारी घेतली आहे.
Spice Lounge Food Works हा मल्टिबॅगर स्मॉल कॅप स्टॉक आहे. या शेअरची किंमत 5 टक्क्यांनी वधारली. त्याला काल अप्पर सर्किट लागले होते. मंगळवारी बीएसईवर हा शेअर 30.16 रुपयांवर ट्रेड करत होता. सेन्सेक्स आणि निफ्टी50 मध्ये हा शेअर वधारला.
डोनाल्ड ट्रम्प यांनी इराण युद्धाबाबत मोठे वक्तव्य काल केले. त्यानुसार लवकरच अमेरिका आणि इराण या तणावावर तोडगा काढण्यात येईल. युद्ध लवकरच थांबेल असा दावा ट्रम्प यांनी केला. त्यामुळे बाजाराला काल उधाण आले होते. त्याचा फायदा या शेअरला सुद्धा झाला.
काल सेन्सेक्स 809.57 अंकांनी म्हणजे 1 टक्क्यांनी वधारून 78,375.73 अंकावर उघडला होता. तर निफ्टी 50 हा 252.75 अंकांनी वधारला. येत्या काळात दोन्ही बेंचमार्क निर्देशांक वाढला. आज त्यात पडझड झाली. या शेअरमध्ये चढउताराचे सत्र आले तरी गुंतवणूकदारांना चांगला परतावा मिळाल्याचे दिसते.
स्पाईस लॉग्ज स्टॉक हा नोव्हेंबर 2025 मध्ये 72.20 रुपये या 52 आठवड्यातील उच्चांकावर पोहचला होता. सध्या हा स्टॉक या उच्चांकापेक्षा 58 टक्क्यांनी घसरला आहे. तर 52 आठवड्यातील निच्चांक, 7.69 रुपयांपेक्षा वधारला आहे. मार्च 2025 मध्ये हा शेअर दणकावून आपटला होता. हा शेअर मंगळवारी 5 टक्क्यांनी वधारून 30.16 रुपयांवर पोहचला.
हा स्मॉल कॅप स्टॉक दबावाखाली असला तरी त्याने दीर्घकालीन गुंतवणूकदारांना मोठा फायदा करून दिला आहे. गेल्या सहा महिन्यांचा विचार करता हा शेअर 35 टक्क्यांनी सडकून आपटला आहे. तर तीन महिन्यात 37 टक्क्यांनी तर एका महिन्यात 10 टक्क्यांनी घसरला आहे. पण एका वर्षात या शेअरने गुंतवणूकदारांना 254 टक्के तर गेल्या पाच वर्षात 2470 टक्क्यांनी झेप घेतली आहे.
डिस्क्लेमर : टीव्ही 9 मराठी कुठल्याही स्टॉक, म्युच्युअल फंड, आयपीओमध्ये गुंतवणूक करण्याचा सल्ला देत नाही. येथे केवळ त्याची माहिती देण्यात आली आहे. गुंतवणुकीपूर्वी तज्ज्ञाचा, आर्थिक सल्लागाराचा सल्ला आवश्य घ्या.
