Diwali Skin Care: दिवाळीत चेहऱ्यावर हवा कोरियन ग्लो? बेसन-ज्येष्ठमध पासून घरीच बनवा खास फेस मास्क

Homemade Face Mask: दिवाळीत चेहऱ्यावर नैसर्गिक चमक हवी असेल तर महागड्या ब्युटी ट्रीटमेंटऐवजी घरगुती उपाय करून पाहू शकता. बेसन आणि ज्येष्ठमध यांसारख्या घटकांपासून तयार केलेला फेस मास्क तुमच्या स्किन केअरसाठी उपयुक्त ठरू शकतो. जाणून घ्या हा फेस मास्क घरी कसा बनवायचा आणि वापरण्याची योग्य पद्धत.

दिवाळीच्या सणात प्रत्येकालाच आपला चेहरा सुंदर आणि चमकदार दिसावा असे वाटते. यासाठी अनेक जणी पार्लरमध्ये जाऊन महागडे फेशियल किंवा ब्युटी ट्रीटमेंट करतात. मात्र, त्वचेची काळजी घेण्यासाठी घरात सहज उपलब्ध असलेल्या काही पदार्थांचाही वापर करता येतो. बेसन, ज्येष्ठमध, मध आणि हळद यांपासून तयार केलेला फेस मास्क तुम्ही चेहऱ्यावर लावू शकता. हा फेस मास्क घरी कसा तयार करायचा आणि वापरताना कोणती काळजी घ्यायची, जाणून घेऊया.

फेस मास्क बनवण्यासाठी लागणारे साहित्य हा फेस मास्क तयार करण्यासाठी फार काही साहित्य लागत नाही. तुमच्या किचनमध्ये सहज उपलब्ध असलेल्या पदार्थांचा वापर करून तुम्ही हा फेस मास्क बनवू शकता. • बेसन – २ मोठे चमचे • ज्येष्ठमध पावडर – १ मोठा चमचा • मध – अर्धा छोटा चमचा • हळद – एक चिमूट • कच्चे दूध किंवा गुलाब जल – आवश्यकतेनुसार फेस मास्क तयार करण्याची पद्धत सर्वप्रथम एका भांड्यात बेसन आणि ज्येष्ठमध पावडर एकत्र करा. त्यात एक चिमूट हळद आणि अर्धा छोटा चमचा मध घाला. आता या मिश्रणात थोडे थोडे कच्चे दूध किंवा गुलाब पाणी मिसळा. सर्व पदार्थ व्यवस्थित एकजीव करून घ्या. तयार झालेले मिश्रण ना खूप पातळ असावे ना खूप घट्ट. चेहऱ्यावर सहज लावता येईल अशी क्रीमसारखी पेस्ट तयार करा.

चेहऱ्यावर फेस मास्क कसा लावावा?

स्वच्छता – फेस मास्क लावण्यापूर्वी चेहरा पाण्याने किंवा माइल्ड फेस वॉशने स्वच्छ धुऊन घ्या. लावण्याची पद्धत – बोटांच्या मदतीने किंवा ब्रशने तयार केलेली पेस्ट चेहरा आणि मानेवर समान प्रमाणात लावा. डोळे आणि ओठांच्या आसपास हा मास्क लावणे टाळा. वेळ – हा मास्क चेहऱ्यावर १५ ते २० मिनिटे ठेवा. तो थोडा सुकल्यानंतर बोटांना पाणी लावून हलक्या हाताने सर्कुलर मोशनमध्ये मसाज करा. स्वच्छता – त्यानंतर साध्या पाण्याने चेहरा स्वच्छ धुऊन घ्या.

आठवड्यातून किती वेळा वापरावा?

हा फेस मास्क आठवड्यातून २ ते ३ वेळा वापरता येतो. मात्र, प्रत्येकाची त्वचा वेगळी असते. त्यामुळे सुरुवातीला कमी प्रमाणात वापरून त्वचेची प्रतिक्रिया पाहणे महत्त्वाचे आहे. फेस मास्क चेहऱ्यावर लावण्यापूर्वी पॅच टेस्ट अवश्य करा