Photo : आमदार सरोज अहिरेंची लगीनगाठ डॉक्टरांशी; शरद पवार, छगन भुजबळ वऱ्हाडी!
नाशिकच्या देवळाली विधानसभा मतदारसंघाच्या राष्ट्रवादीच्या आमदार सरोज अहिरे यांचा विवाह सोहळा नाशिक तालुक्यातील अलास्का बँक्वेट हॉलमध्ये आज पार पडलाय. (NCP MLA Saroj Ahire's wedding)
नाशिकच्या देवळाली विधानसभा मतदारसंघाच्या राष्ट्रवादीच्या आमदार सरोज अहिरे यांचा विवाह सोहळा नाशिक तालुक्यातील अलास्का बँक्वेट हॉलमध्ये आज पार पडलाय.
डॉक्टर प्रविण वाघ यांच्यासोबत त्या विवाहबंधनात अडकल्या आहेत.
आमदार सरोज अहिरे यांच्या विवाह सोहळ्याला राष्ट्रवादीचे ,सर्वोसर्वा शरद पवार, ज्येष्ठ नेते, मंत्री छगन भुजबळ यांनी हजेरी लावली आहे.
अतिशय मोजक्या मंडळींच्या आणि मान्यवरांच्या उपस्थितीत हा विवाह सोहळा पार पडला.
कोरोनाच्या पार्श्वभूमीवर जास्त मंडळींना आमंत्रण न देता आप्तेप्ट, घरातील मंडळी, मोजके नातेवाईक आणि प्रमुख नेत्यांच्या उपस्थितीत हा विवाह सोहळा पार पडला.
चोरडिया चोपडा नगर येथे असलेल्या कल्पना आणि रामदास वाघ यांचे चिरंजीव डॉ. प्रवीण वाघ यांच्याशी सरोज अहिरे सप्तपदी घेतली. प्रवीण वाघ हे दाताचे डॉक्टर आहेत.
सरोज अहिरे 2019 च्या विधानसभा निवडणुकीत देवळाली मतदारसंघातून विजयी झाल्या आहेत. राष्ट्रवादीच्या युवा आमदारांमध्ये त्यांचं नाव अग्रक्रमाने घेतलं जातं. मतदारसंघात जनतेशी नाळ असलेल्या आमदार म्हणून त्या सुपरिचित आहेत.